Ephésiendjé 1:23 - Mbede Lə Luba Kone Gə Sigi

²³ gə to darɔ-ɛ, ꞌne gə n-to darɔ Luba ja dɔngɔ doy.

Testament ke Siki 1960 (Kabba Laka)

²³ Ke to da rè, né la ke dousou né toï mè né té toï.

Ephésiendjé 1:23 ပူးပေါင်းရင်းမြစ်များ

Jean 1:16

Be ɓa, gə go nebaw lə-a gə unda kubu le, sijee tɔ̰y j-inga ne ne ji-a gə ngaɓa mənuji lə-a kara j-inga gə dɔ mar-ɛ gə dɔ mar-ɛ gə nəm tɔ;

Romaindjé 13:5

To kəm koso kul ja, mba wungu gə nee baa ang ngaa gə mba kəji gə mə gə.

1 Corinthiendjé 12:6

Ji ɗa kulaje to dang-dang ja, ngaa Luba gə kara ɗəgədə ja ar ji ɗa ne tɔ̰y gə lo dang-dang.

1 Corinthiendjé 15:28

Ngaɓa logə neje d-a koso kul no-ɛ gə ɗɔdə ɗaa ngon gə darɔ-ɛ ja kara a koso kul no nje kar neje tɔ̰y d-oso kul no-ɛ gə nee le, mba kar Luba to ne dəw dɔ neje tɔ̰y.

Ephésiendjé 2:16

Ngaɓa gə mba kum neje naa gə gə Luba gə ꞌjejee gə joo gə ꞌtəl ꞌto gə darɔ gə kara nee le, kar ɗəw gə lə kagə dəsə ɗaa, kudu ne buwa ba̰a̰ nee le gə ɗangə.

Ephésiendjé 3:10

mba kar ɗəw gə lə mbo̰ naa lə njetakagəje ɗaa, nje dum dɔ loje gə singamongəje gə mə dara gə ꞌgərə ne kəm karə lə Luba gə to gə lo-e ɓədə-ɓədə bula ya̰ ɓisine,

Ephésiendjé 3:19

Ngaɓa gə mba kar ꞌgərəje ne njigi lə Kirisi gə tɔy negərə əw le, kar Luba ɗa ne ɓe mə-si gə dana badagə ta ne rɔ-si yal tɔ.

Ephésiendjé 4:10

ꞌNe gə nje ɗisi kuru nangə le, to gə ꞌne gə kara baa nee le ja n-ḭ n-aw dɔ dara gə taar tɔ̰y, mba ta ne lo ya̰-ya̰ tɔ.

Ephésiendjé 4:12

mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər,

Ephésiendjé 4:13

saar kar-sijee ja tɔ̰y, ja təl ja to ne gə dəwje gə kara baa ɗəw takagə gə, gə ɗəw gərə Ngon lə Luba gə, gə to ne gə dəw gə tɔgə asə naa gə lo kunda rɔ Kirisi gə may pɛdə.

Ephésiendjé 4:4

Darɔ kara baa ɗəgədə ngaɓa Njil kara baa ɗəgədə, to gə sisəy kara, ꞌɓar-si ɗəw ne kunda mə gə kara baa ɗəgədə gə ngira-a ḭ gəl ɓar gə lə-si le ja tɔ.

Colossiendjé 1:24

Ɓisine ɗaa m-ɗa rɔləl dan ꞌməsərə gə m-o ɔji dɔ-si ngaɓa ɗəw darɔ-m gə ɗaa m-tɔl ta kɛsə ꞌməsərə gə Kirisi o ɔji dɔ darɔ-ɛ gə to Mbo̰ naa lə njetakagəje.

Colossiendjé 2:19

ꞌJejee nee le, d-um naa gə gə Kirisi gə to dɔ dəw le ang. Mba Kirisi le to dɔ dəw gə darɔ gə ngira rɔje tɔ-ɛ ne naa gə lo kuru go̰je naa gə ɗaa Luba ɓa ar dəw tɔgə ne.

Colossiendjé 3:11

ꞌYe gə nee le ɔji dɔ gərɛk ang nəm, Jiibi ang nəm, njekunja bərə ang nəm, njemɔdə ɓɔl ang nəm, mbaa ang nəm, nje kəm karə ang ang nəm, ɓərə ang nəm, nje dɔ to doy ang, ngaa Kirisi ja kara baa to mə-je gə tɔ̰y.

Colossiendjé 3:15

May kar ɗɛgɛgɛ lə Kirisi gə ꞌɓar-si kəne d-ar umje ne naa gə gə darɔ gə kara baa le, o̰ ɓe dɔ ɓəngərə si gə. ꞌƊa-eje oyo.