Ephésiendjé 1:18 - Mbede Lə Luba Kone Gə Sigi

¹⁸ May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Testament ke Siki 1960 (Kabba Laka)

¹⁸ Ta kare kemsè ke mèsè té arè, baa ta kare sésè a geridjé mè ngebe ke nè mmardjè kendé to di wa, ke ta kare egeridjé né kinga ke to né ndouba la ke ndokoo mè ndjè ko mè tédjé.

Ephésiendjé 1:18 ပူးပေါင်းရင်းမြစ်များ

Matiye 13:15

Mba mə dəw mə ɓeje nee le təl kədərə D-udu mbi-je jigi, ngaɓa ꞌɓiri kəmje mbḭ, Na d-a kḭ ko gə kəm-je ngaɓa gə mbi-je, Mba gərə gəl-e dɔ ɓəngərə-je gə, Ɗaa d-a mbəl kəji lə-je mba kar m-aji-je ne .

Marəke 10:17

Logə Jeju oso ɗəw boo mba kaw ɗaa, jingaw kara a̰y ngɔdə ɗe um məkəji-e nangə no-ɛ gə, ngaɓa təl dəji-e na: Njenetɔji, ꞌi gə to dəw gə may, ɗi ɓa m-a ɗa mba kinga ne təbə gə gə ndɔ gə ndɔ wa?

Lugu 24:45

Be ɓa n-cɛ̰ kəji negərə lə-je borong mba kar ꞌgərə ne Mbede lə Luba.

Koula 16:14

Ɗaa jene kara, ri-a na Lidi, n-to nje ɗabə dɔ kubuje gə kasə wɛgɛ ngaɓa n-to gə Tiyatir, n-ɓəəl Luba ya̰. Jene nee le tuga mbi-a o ne tar ɗaa Mbayɓe mbudu dɔ ɓəngər-e ar-ɛ n-ta kagə tarje gə Pɔl pa le.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 11:29

Mba nekarə baa lə Luba gə ɓar lə-a le tḭ ang.

Romaindjé 2:4

Ose məmay lə-a gə boy, gə kila mə dɔ mar-ɛ gə lə-a ngaɓa kore ur lə-a le ꞌi o gə neje gə baa, lal kar-i ꞌgərə to gə məmay lə Luba ɔs-i ngug-ngug kar-i ꞌturu ne kəji lə-i wa?

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

Galatedjé 5:5

Kar-sijee le, j-a ngina gə takagə ɗəw Njil gə mba kar d-o si gə dəwje gə gadə-gadə, ye ɓa gə ne gə m-ngəɓə.

Ephésiendjé 1:11

Ɗəw gə lə Kirisi le ja tɔ ɓa, sijee gə Luba ɔr-si unda-si gə kəm-e kede ləw baa le, j-inga ne nenduba gə ɔji dɔ-si, ɗəw neje gə ꞌne gə Luba ja n-uwa dɔ gɔl-ɛ nəm, gə neje tɔ̰y gə n-ɗa n-ɔji ne go mə njigi lə-a ꞌne ja,

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

Ephésiendjé 2:12

sisəy isi dɔ kar-ɛ gə əng lal Kirisi, ꞌtoje dəwje lə Luba ang, ngaɓa ne gə ꞌriya kone d-uwa ne dɔ gɔl-ɛ le kara ɔji dɔ-si ang nəm, cibi ngaɓa ne kunda mə lə-si kara godo, ɗaa aw-je gə dɔ nangə nee lal Luba nəm tɔ.

Ephésiendjé 3:16

mba kar, gə go riɓar lə-a gə gad-e dum tura le, n-ar-sisəy singamongə ɗəw Njil gə lə-a, mba kar mə-si ərə ne ɓər-ɓər.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 4:4

Darɔ kara baa ɗəgədə ngaɓa Njil kara baa ɗəgədə, to gə sisəy kara, ꞌɓar-si ɗəw ne kunda mə gə kara baa ɗəgədə gə ngira-a ḭ gəl ɓar gə lə-si le ja tɔ.

Ephésiendjé 5:8

Sisəy le ɗaa, kede ləw ꞌtoje gə cil ciməri, ngaa ɓisine ɗaa ꞌtoje gə lokarə gə mə Mbayɓe gə ngaa. ꞌNjaje to gə ngan lokarəje be;

Philippiendjé 3:14

m-a̰y ngɔdə dɔ-m gə ne gə m-kuji gə, mba kinga nekuga dɔ ji ɓar gə Luba ɓar-m ɗəw gə lə Kirisi Jeju.

Colossiendjé 1:12

Cibi ꞌɗaje oyo Bɔ dəwje gə rɔləl, gə ɗa ar asə kingaje ne neduba gə njerɔsangəje dan lokarə gə.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

Colossiendjé 1:5

mba ne kunda mə gə d-ar aw ngina si mə dara gə, gə go Tar gə May gə to tar gə tɔgərɔ gə ꞌpa d-ar-si ꞌgərəje kede le.

Colossiendjé 2:2

mba kar d-uba ne singa mə-je gə, kar kəji lə-je to ne kara baa dɔ njigi gə ngaɓa kar negərə ɗusu mə-je ar ꞌgərə ne ne lə Luba gə lo kiya-a gə, gə to Kirisi le,

Colossiendjé 3:15

May kar ɗɛgɛgɛ lə Kirisi gə ꞌɓar-si kəne d-ar umje ne naa gə gə darɔ gə kara baa le, o̰ ɓe dɔ ɓəngərə si gə. ꞌƊa-eje oyo.

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

1 Thessaloniciendjé 5:8

Ngaa sijee gə ja to nje nja dan kara-je le, j-undaje kəm karə dɔ rɔ-si gə: J-ulaje kubu ɗɔ gə ngira king-king kar takagə, gə kar njigi ngaɓa jɔgə kar kunda mə lə kaji.

2 Thessaloniciendjé 1:11

Gəl-e gə nee ɓa, ja dəji ne Luba taar-taar gə mba sisəy, mba kar Luba turu-si kar asə njaje gə go ɓar lə-a, ngaɓa gə go singamongə lə-a ɗaa, n-ar-si ꞌɗaje ne ne gə may tɔ̰y gə ꞌgɔlje mə-si gə mba ɗa nəm gə kula gə ɗəw takagə gə tɔ.

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

1 Timoce 6:12

ꞌƊɔ ɗɔ gə may kar takagə, uwa təbə gə gə ndɔ gə ndɔ gə Luba ɓar-i kəne, ye gə ꞌpa tar-ɛ no njetar najije gə bula.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Ebərəje 10:32

Ngaa ar-je mə-si ole dɔ dɔngɔr ndɔ gə, logə kəm-si unja le, ɔsəje gəl ɗɔ gə kədərə gə ko ꞌməsərə,

Ebərəje 6:4

Tar gə ɔji dɔ nje gə kəm-je unja nam, gə ꞌna nekarə baa gə dara ngaɓa d-inga Njil Njerɔsangə nam,

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.