Ephésiendjé 1:13 - Mbede Lə Luba Kone Gə Sigi

¹³ Ɗəw gə lə Kirisi le ja tɔ ɓa, sisəy oje ne mbərə tar gə tɔgərɔ, Tar gə May gə gə aji-si. Gə go ɗəw gə lə-a le ja cibi ɓa, sisəy ꞌtaje ne kagə, ɗaa d-ɔsə bəngə ji gə kar Njil rɔ-si gə, Njil Njerɔsangə gə d-ɔji gə mba kar-si,

Testament ke Siki 1960 (Kabba Laka)

¹³ Ke mèa té to, sésè ke woidjé tar ke tokoro, tar ke madji lo kadji losè, ke woidjé mèsè té sa, ke rëtésè ke Ndil ke madji toï ke nè mpa ta karedjè.

Ephésiendjé 1:13 ပူးပေါင်းရင်းမြစ်များ

Lugu 11:13

To gə ɓo sisəy gə ꞌtoje dəwje gə kṵra̰y baa ja, ꞌgərəje kar-je ngan si neje gə may-may ngaa ɓədə ɓa Bɔ-sijee Luba gə isi dara a kar Njil Njerɔsangə dəwje gə ꞌdəji-e ang wa?

Lugu 24:49

Ɗaa, oje, ne gə Bɔy uwa dɔ gɔl-ɛ ɔji dɔ-si le, m-a kula-a dɔ-si gə. Sisəy ɗaa, isije mə ɓe gə nee saar mba kar singamongə gə ḭ taar dəbə dɔ-si gə.

Jean 1:17

mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

Jean 14:26

Ngaa njekuul mə, gə to Njil Njerɔsangə gə Bɔy a kula-a gə ri-m a ndo-si neje tɔ̰y ngaɓa a kole mə-si dɔ neje tɔ̰y gə m-pa tar-ɛ m-ar-si tɔ.

Jean 15:26

Logə njekuul mə dəwje gə m-a kar a kḭ rɔ Bɔy gə ɗe ye to gə njil tar gə tɔgərɔ gə m-a kula-a a kḭ rɔ Bɔy gə ɗe ɗaa, ꞌne ja gə dɔ-ɛ n-a pa tar naji lə-m.

Jean 3:33

Dəw gə njigi go tar naji gə lə-a le, pa ar-ɛ arə ngadə to gə Luba to tar gə tɔgərɔ ja,

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Koula 1:4

Ndɔ kara n-aw n-usa ne gə ngan njekulaje lə-a le ɗaa n-un ndu n-ar-je na: Awje əw gə ɓebo gə Jerujalɛm ang ngaa ꞌnginaje ne gə Bɔy uwa dɔ gɔl-ɛ, ne gə m-pa tar-ɛ m-ar-si le.

Koula 13:26

Ngan ko̰-mje, sisəy gə gəl kuji Abəraham gə ngaɓa nje ꞌɓəəl Luba horo-si gə, tar kaji nee le, sijee ja ɓa Luba ula-a ne ar-si.

Koula 2:33

Luba un-e unda-a dɔ ji kɔl-ɛ gə, ɗaa n-inga Njil Njerɔsangə gə Luba uwa dɔ gɔl-ɛ le ngaɓa n-ar-ɛ ɗe dɔ-si gə ɗaa oje gə kəm-si nəm gə mbi-si nəm tɔ.

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Romaindjé 4:11

Be ɓa d-ar-ɛ ndaji kunja bərə le gə bəngə ji gadə-gadə lə-a ɗəw takagə gə, ɗaa go-e gə ngaɓa d-unja bər-e ɓi. To gə be ɓa n-təl to ne bɔ ꞌjejee tɔ̰y gə ꞌta kagə, ngaɓa d-unja bərə-je ang ja ngaa ꞌtura-je gə dəwje gə gadə-gadə,

Romaindjé 6:17

Ngaa, oyo ar Luba, kede le ꞌtoje ɓərəje lə neɗa gə kṵra̰y ja ngaa ilaje kuji gə dɔ ɓəngərə-si ja tɔ̰y ngaɓa ꞌnjaje ne gə go ji ne gə ꞌtɔji-si le ja tɔ.

2 Corinthiendjé 1:22

N-ɔsə bəngə ji-a rɔ-si gə ngaɓa n-ar Njil ta mə-sijee to gə nemayje gə d-ɔsə kɔrə mba sijee.

2 Corinthiendjé 6:7

ɗəw pa tar gə tɔgərɔ, ɗəw singamongə gə lə Luba, ɗəw ne ɗɔje lə neɗa gə dana gadə gə kar kila ɗɔ ose kar ta ɗɔ gə,

Galatedjé 3:14

Be ɓa, dəwje gə ꞌgərə Luba ang gə ꞌta kagə Jeju Kirisi d-inga ne ndu tɔr lə Abəraham, mba kar ɗəw takagə gə ɗaa, sijee kara j-a kinga ne Njil gə Luba uwa dɔ gɔl-ɛ.

Ephésiendjé 4:21

ngaa to gə ɓo ꞌne ja to gə tɔgərɔ ɓa ꞌpa tar lə-a d-ar-si oje ose to gə ɓo ꞌne ja ɓa ꞌndo-si neje gə ɔji dɔ-ɛ ɗəw tar gə tɔgərɔ gə ḭ rɔ Jeju ɗaa:

Ephésiendjé 4:30

May kar-si ꞌtuji-je mə Njil Njerɔsangə lə Luba ang, gə ɗəw lə-a ɓa bəngə ji to ne rɔ-si gə ɔji ne dɔ ndɔ ce ɓe ɓərə gə lə neɗa gə kṵra̰y.

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

2 Timoce 2:15

Ɔsə rɔ-i ɓad gə dəw gə Luba n-ɛ nam, ꞌto dəw gə ɗa kula tɔji ne tar gə tɔgərɔ gə dɔ gɔl-ɛ.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

2 Timoce 3:15

Gə kasə-i baa ja ꞌgərə Tar lə Luba, gə a kasə kar-i kəm karə kar ꞌta ne kagə Kirisi Jeju mba kinga ne kaji.

Tite 2:11

Mənuji lə Luba gə to gəl kaji lə dəwje tɔ̰y le kila rɔ-ɛ gə ɗaga.

Ebərəje 2:3

ngaa sijee, to gə ɓo j-a dabə kaji gə boy dasəra le, j-a kuba tuji ang to gə ban wa? Kaji nee le Mbayɓe ila mbər-e dɔngɔr, ngaɓa nje gə d-o t-ɛ gə kara d-ila mbər-e tɔ,

Jacques 1:18

Mə njigi lə-a ɓa n-uji ne si gə go ɗəw tar gə tɔgərɔ, mba kar j-a to neje gə dɔngɔr horo nekundaje gə lə-a (dɔngɔr nekundaje gə Mbede pa le uji dɔ takagə Jeju ose Luba).

Jacques 1:21

Gəl-e gə nee ɓa, to gə ɓo ɔsəje ne gə mina, gə neməyɛr gə al dɔ mar-ɛ ngərəng nam ɗaa, ꞌtaje tar gə a kasə kaji təbə lə-si, gə ꞌmaa dɔ ɓəngərə-si gə le gə mə kul yururu.

1 Piyɛr 2:10

Sisəy gə kede ꞌtoje dəwje gə d-aw baa gə nangə əng ngaa ɓisine ꞌtoje dəwje lə Luba; Luba o kəmtondoo lə-si ang, ngaa ɓisine ɗaa n-o kəmtondoo lə-si ngaa.

Apocalypse 7:2

Ɗaa m-o anji gə ɗangə kara ḭ lo ce gə lə kar. Bəngə ji Luba gə nje kisi kəm baa to ji-a gə. Ɗaa n-uru ꞌkuwi gə ndu-e gə boy n-ar anjije gə sɔɔ gə d-ar-je singamongə mba kar ɗa məyɛr dɔ nangə gə babo,