Ephésiendjé 1:11 - Mbede Lə Luba Kone Gə Sigi

¹¹ Ɗəw gə lə Kirisi le ja tɔ ɓa, sijee gə Luba ɔr-si unda-si gə kəm-e kede ləw baa le, j-inga ne nenduba gə ɔji dɔ-si, ɗəw neje gə ꞌne gə Luba ja n-uwa dɔ gɔl-ɛ nəm, gə neje tɔ̰y gə n-ɗa n-ɔji ne go mə njigi lə-a ꞌne ja,

Testament ke Siki 1960 (Kabba Laka)

¹¹ Ke mèa té, djèdjè ndé to ndjè kwaa né ndouba, ke mmardjè ke daka dongor deo kadaba tokou mèa edji, nè ke nda né toï tokou mèa ndja ndiki.

Ephésiendjé 1:11 ပူးပေါင်းရင်းမြစ်များ

Koula 13:48

Dəwje gə to Jiibije ang le d-o tar gə nee le ɗaa ꞌɗa rɔləl ngaɓa d-ula rɔnduba dɔ tar gə lə Mbayɓe. Be ɓa dəwje tɔ̰y gə Luba mbərə-je mba təbə gə gə ndɔ gə ndɔ le, ꞌta kagə.

Koula 2:23

Dəw gə nee, gə Luba ila-a mə ji-si gə le, Luba gərə neje gə a ɗa-je sə-a kede nam ɓa ar-je dəwje gə ꞌɓəəl Luba ang ꞌɓər-e kagə dəsə gə d-ar-ɛ n-uy.

Koula 20:27

mba m-iya ne kara ang, m-tɔji-si mə njigi lə Luba tɔ̰y.

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Koula 4:28

Mba ɗa ne gə ji-i gə kəji lə-i tɔ kede nam.

Romaindjé 11:34

Na ɓa gərə kəji lə Mbayɓe Ose na ɓa ar-ɛ tar ndəji wa?

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

Romaindjé 8:28

Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl.

Romaindjé 8:29

Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

Romaindjé 8:30

Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.

Romaindjé 9:11

mba logə nganje le d-uji-je ang ja ɓi ngaɓa ꞌgərə ne gə kṵra̰y gə ne may ang ɓi ja ngaa mba kar ne gə Luba ɔji mba ɗa le aw ne lo-e gə,

Galatedjé 3:18

To gə ɓo, gə go torondu ɓa dəw inga ne nenduba nama, ne nee le a ɗe ɗəw ndu kun gə d-uwa dɔ gɔl-ɛ ang baa, ngaa mba ndu kun gə d-uwa dɔ gɔl-ɛ ɓa, Luba uwa ne nuji gə Abəraham.

Ephésiendjé 1:14

gə to gə nenduba lə-sijee gə Luba ɔsə gə kɔrə, ngəbə ne ndɔ gə n-a kar-si j-inga kɛs-e gə nay tɔ̰y, lo gə j-a kinga ne kaji gə dɔbo̰ kar j-ɔsə ne pa j-ila ne riɓar dɔ-ɛ gə.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Ephésiendjé 1:5

ɓa n-ɔr sijee n-unda si gə kəm-e ɓədə kede ləw baa nam, n-təl ne si gə ngan m-eje gəl Jeju Kirisi gə gə go mə njigi lə-a gə may pɛdə,

Ephésiendjé 1:8

gə n-ar ne si gə kobəre-kobəre gə go kəm karə tɔ̰y gə negərə.

Ephésiendjé 1:9

ꞌNe ɓa n-ɗa n-ar-sijee j-a gərə ne gə to lo kiya-a gə ɔji dɔ mə njigi lə-a nəm, ne gə m-e ɔji gə n-uwa dɔ gɔl-ɛ ɗəw gə lə Kirisi,

Ephésiendjé 3:11

gə go ne gə Luba uwa dɔ gɔl-ɛ lo kuma kudu ne gə ləw baa ɗəw gə lə Kirisi Jeju, Mbayɓe lə-sijee.

Colossiendjé 1:12

Cibi ꞌɗaje oyo Bɔ dəwje gə rɔləl, gə ɗa ar asə kingaje ne neduba gə njerɔsangəje dan lokarə gə.

Colossiendjé 3:24

mba Mbayɓe ja a kar-si nekuga dɔ ji gə nenduba. Ɗaa ꞌɗaje kula lə Kirisi Mbayɓe.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Ebərəje 6:17

To gə be ɓa Luba kara njigi tɔji nje gə uwa dɔ gɔl ne ar-je to gə ndu-e a turu ang ɗaa naji dɔ darɔ-ɛ ye gə,

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

1 Piyɛr 1:4

gə dɔ nenduba gə a ndusu ang nəm, a mina ang nəm, gə a to kəm-kəm, ne gə d-uwa dɔ gɔl-ɛ ꞌngina-si mə dara gə,

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.