Ebərəje 1:1 - Mbede Lə Luba Kone Gə Sigi

¹ Kede ləw le, Luba pa tar ar ka-sijee gə ndu pajambərəje gə ɗəwje dang-dang gɔl bula,

Testament ke Siki 1960 (Kabba Laka)

¹ Allah ke pa tar dang dang deo té ke dang dang are bòdjèdjè leo, deo té lo prophètedjé,

Ebərəje 1:1 ပူးပေါင်းရင်းမြစ်များ

Lugu 1:55

Ɗəw kara baa to gə n-pa n-ar bɔ-sijee, Abəraham je gə gəl kuji lə-a gə ndɔ gə ndɔ.

Lugu 1:72

Be ɓa, Luba ɗa ne məmay gə ka-sijee Cibi m-e ole ne dɔ kone lə-a gə to gə losang-ɛ.

Lugu 24:27

Ngaɓa, un kud-e dɔ Moyiji gə, ce ne dɔ pajambərəje gə tɔ̰y le, Jeju ɔr gəl neje gə mbede lə Luba pa tar-ɛ ɔji dɔ-ɛ, ar-je.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Jean 16:13

Logə Njil gə njetar gə tɔgərɔ a ɗe ɗaa, a kɔr no-si ɗəw tar gə tɔgərɔ gə ja tɔ̰y. Mba n-a pa tar gə dɔ rɔ-ɛ baa ang, nga tarje tɔ̰y gə n-a ko le ja ɓa n-a pa ɓi, ngaɓa neje tɔ̰y gə a ɗe le, n-a pa tar-ɛ kar-sisəy tɔ.

Jean 7:22

Moyiji un ɗəw kunja bərə ar-si ngaɓa ka-sijee je ɓa d-unda gəl-e ɓo to Moyiji ang baa ɗaa sisəy unjaje dəwje bərə ndɔ kuwa kɔr gə.

Jean 9:29

J-a gərə to gə Luba pa tar ar Moyiji, ngaa ye gə kən le, sijee ja gərə lo gə ye ḭ kəne ang.

Koula 13:32

J-ila mbərə Tar gə May nee le j-ar-si gə go kuwa gə d-uwa dɔ gɔl-ɛ d-ar ka-sijee,

Koula 2:30

Ngaa n-to pajambərə ɗaa Luba naji dɔ rɔ-ɛ gə to gə dəw kara gəl kuji gə lə-a a kisi dɔ ngəndəng mbay gə lə-a.

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

Koula 3:21

Gəl-e gə nee ɓa Jeju Kirisi le a kisi mə dara gə saar kar neje tɔ̰y to gə dɔ gɔl-ɛ to gə Luba pa ne gə ndu pajambərəje gə ꞌto gə losang-ɛ kede ləw le.

Ebərəje 11:18

ꞌne ja cibi ꞌpa d-ar-ɛ na: Ɗəw gə lə Ijagə ja a kinga ne gəl kuji dəwje gə ri-i a to dɔ-ɛ gə.

Ebərəje 11:2

Gə go takagə lə nje gə ləw le ɓa ꞌpa ne tar naji lə-je gə maj-ɛ.

Ebərəje 12:25

Oje ɓa, dəw gə nje pa tar kar-si le, ɔs-eje ngərəng ang. Mba nje gə d-ɔsə nje ndəjije-je dɔ nangə nee ngərəng le, ꞌlal kuba tuji ang baa, ngaa ɓədə ɓa sijee gə dəw ḭ dara ja ɗe ndəji-si a ɓo j-a mbadə tar t-ɛ gə le se, j-a kuba tuji ang wa?

Ebərəje 2:2

Mba to gə ɓo tar gə anjije pa ɓa ɗa kula nama, kal tar gə ɗa-ɗa gə kunda tar gə ɗa-ɗa kara d-a kuba tuj-e to gə tɔgərɔ,

Ebərəje 2:3

ngaa sijee, to gə ɓo j-a dabə kaji gə boy dasəra le, j-a kuba tuji ang to gə ban wa? Kaji nee le Mbayɓe ila mbər-e dɔngɔr, ngaɓa nje gə d-o t-ɛ gə kara d-ila mbər-e tɔ,

Ebərəje 3:5

Ye gə ɔji dɔ Moyiji le ɗaa, Moyiji to njekula gə gadə-gadə mə kəy gə lə Luba tɔ̰y gə mba ɗa ne tar naji lə ne gə Luba ila mbər-e.

Ebərəje 4:8

To gə ɓo Josuye ar-je lo kuwa kɔr nama d-a təl pa tar ɔji dɔ ndɔ gə ɗangə ang ngaa.

Ebərəje 5:5

Be ɓa Kirisi ja kara ila riɓar dɔ darɔ-ɛ gə təl to ne buba njekapolo ang, ngaa dəw gə nje pa kar-ɛ na: ꞌI ꞌto ngon-m, ꞌma ja m-uji-i ɓogəne;

Ebərəje 9:19

Be ɓa, logə Moyiji ɗa gə go ndu ɔji dɔ dəw mə ɓeje tɔ̰y le, un məsə ngan bɔ mangəje gə məsə bɔ badəmje gə man, gə ta kubu gə kasə gə d-uji gə bḭ daje cibi n-uwa dɔ kamje tusum n-ore ne naa gə ngaɓa n-ula mə məsə gə ɗaa n-tusu dɔ mbede le ja kara nəm gə, gə dɔ dəw mə ɓeje gə n-pa nena: