Colossiendjé 4:3 - Mbede Lə Luba Kone Gə Sigi

³ ꞌDəjije mba sijee tɔ, mba kar Luba ɔr ta ɗəw pa tar ar-si, mba kar m-ila ne mbərə lə Kirisi gə dəwje ꞌgər-e ang ɓi, mb-ɛ ye ja ɓa d-uwa-m ne d-ila-m ne kəy kula gə,

Testament ke Siki 1960 (Kabba Laka)

³ Edoudjidjé Allah mbata lodjè tò, baa ta kare Allah òrou tadeo aredjè mbata tar ndja, ta pa tar ke yarè lo Christ ke daka, mbata méh kei koula té mbata tar nèn.

Colossiendjé 4:3 ပူးပေါင်းရင်းမြစ်များ

Matiye 13:11

Jeju ila-je kəne na: Luba ar-sisəy ꞌgərəje tar ɓeko̰ gə dara gə to lokiya gə, ngaa n-ar ꞌjeje ꞌgərə ang,

Koula 14:27

Logə ꞌɗe ɗaa, ꞌmbo̰ bar kəm Mbo̰ naa lə njetakagəje, d-ɔr gəl ne tɔ̰y gə Luba ɗa gə je d-ar-je ngaɓa ɗəw gə n-ɔr ne ta ɗəw takagə n-ar dəwje gə ꞌgərə Luba ang.

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

1 Corinthiendjé 16:9

mba ta ɗəw ɔr to gə boy ja bəndəng kar m-ɗa kula lə-m kəne ja, ngaa njeba̰a̰je bula tɔ.

1 Corinthiendjé 4:1

Be ɓa may kar d-o sijee gə njengom ne lə Kirisi ngaɓa nje ka dɔ neje lə Luba gə to lokiya gə.

2 Corinthiendjé 2:12

Logə m-ce mə ɓe gə Torowas mba kila mbərə Tar gə May lə Kirisi, ɗaa Mbayɓe ɔr ta ɗəw ila tagə ar-m.

Ephésiendjé 3:1

Gəl-e gə nee ɓa, ꞌma Pɔl gə m-to kəy kula gə ɔji dɔ Kirisi Jeju mba sisəy gə ꞌtoje gə Jiibije ang le.

Ephésiendjé 3:3

Ɗaa to gə ne gə to lo kiya-a gə, gə ꞌkila dɔ-ɛ d-ar-m m-gərə le ɓa m-ɗa tar-ɛ ɗɔgəsɔ be mə mbede gə nee.

Ephésiendjé 3:4

Logə ꞌturaje mbede gə nee le nama, a kasəje mba kar kəm-si unja ngadə dɔ ne gə to lo kiya-a ɔji dɔ Kirisi gə m-gərə le.

Ephésiendjé 3:9

ngaɓa gə mba tɔji kar-ɛ arə ngadə, se to gə ban ɓa Luba gə njekunda ne tɔ̰y le, ɗa ne ne gə to lo kiya-a gə n-ngom m-e gə kede ləw baa le wa;

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Philippiendjé 1:19

mba m-gərə to gə mbɔr dɔ dəji Luba lə-sisəy ɗaa m-aji ne ngaɓa Njil Jeju Kirisi kara a la sə-m tɔ;

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

Colossiendjé 1:26

Tar gə nee le iya rɔ-ɛ ləw baa ja kəm dəwje gə tɔ̰y ngaa ɓogəne ꞌkila gə ɗaga d-ar njerɔsangəje tɔ̰y,

Colossiendjé 4:18

ꞌMa Pɔl ja, m-ɗa mbede nee gə ji-m: m-o ne si. Ar-je mə-si ole dɔ-m gə lo to kəy kula gə. May kar mənuji nay gə si!

1 Thessaloniciendjé 5:25

Ngan ko̰-mje, ꞌdəjije Luba mba sijee tɔ.

2 Timoce 1:16

May kar Luba ɓugu məmay lə-a dɔ njeməkəyje gə lə Onejipɔr, mba taar-taar ja n-aw n-ula jingaw mə-m gə ngaɓa n-ɗa rɔ kul mba-m ɔji kula lar gə ꞌtɔ-m ne ang;

2 Timoce 2:9

Mba tar-ɛ ja m-o ne ko̰ saar, tɔ-m ne kula lar to to gə m-to dəw gə ɗa məyɛr be. Ngaa ꞌtɔ Tar lə Luba gə kula lar ang baa.

2 Timoce 4:2

Dɔ ndɔ gə may ose may ang kara, ꞌpa tar lə Luba dɔ-i gə kede, ḭ gə je, ꞌndangə-je ɓo ꞌndəji-je gə kore ur, ngaɓa ꞌtɔji-je ne.

Pilimo 1:22

Cibi, ꞌgɔl lo to ꞌngəbə-m, mba m-unda mə-m to gə gə go dəji lə-si ɗaa m-a ce dɔ-si gə.