Colossiendjé 4:2 - Mbede Lə Luba Kone Gə Sigi

² Uwaje dəji Luba gədərə, oreje kəm-si ndəng kəne ꞌɗaje ne oyo.

Testament ke Siki 1960 (Kabba Laka)

² Ïyaidjé ta doudjou Allah ang, ngemidjé madji kendé ke tar woio.

Colossiendjé 4:2 ပူးပေါင်းရင်းမြစ်များ

Matiye 26:41

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang. Kəji lə-si a njigi to njang ja ngaa darɔ mbɔr-ɛ gə mbɔr-ɛ.

Marəke 13:33

Undaje kəm karə dɔ rɔ-si gə, ꞌɔgəje kəm-si ɓi ɓo ꞌdəjije Luba, mba ꞌgərəje ndɔ gə dɔ kar-ɛ a kasə ne ang.

Lugu 18:1

Jeju pa gusutar kara ar-je mba tɔji neje kar ꞌdəji Luba gə ndɔ-ndɔ ngaɓa d-ḭya̰ go-e ang.

Lugu 21:36

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

Koula 1:14

ꞌJejee nee tɔ̰y, d-uwa dɔ naa taar-taar ꞌdəji Luba gə mə kara, d-uwa dɔ naa gə jeneje gə kɛm, gə Məri gə ko̰ Jeju-je ngaɓa gə ngan ko̰ Jeju.

Romaindjé 12:12

ꞌƊaje rɔləl dɔ kunda mə gə lə-si. Uwaje gədərə dan nekəm ndooje gə. Uwaje dəji Luba gədərə.

Ephésiendjé 6:18

ꞌDəjije Luba gə dɔ karje tɔ̰y ɗəw njil gə gə pa dəji gə gə lo-e lo-e ꞌɗaje ne kɔgərɔ. Bənəng ɗaa, undaje kəm karə dɔ rɔ-si gə, ḭya̰je rɔ-si yag ja ꞌtugaje ne njoro lo dəji Luba gə mba njerɔsangəje tɔ̰y;

Philippiendjé 4:6

ꞌNoje rɔ-si ɔji dɔ ne kara ang; ngaa dan neje gə tɔ̰y nama ꞌpaje ar-je Luba gə dəji, ꞌɗaje ne ndoo no-ɛ gə, ar-ɛje ne oyo.

Colossiendjé 1:9

Gəl-e gə nee ɓa sijee kara, un kud-e dɔ ndɔ gə j-o ne tar-ɛ ja, j-a dəji Luba ngɔɔgɔ-ngɔɔgɔ mba sisəy ngaɓa j-a dəji-e mba kar n-ar gərə mə njigi lə-a ɗusu mə-si, gə kəm karə gə negərə tɔ̰y gə ɗəw Njil gə,

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

Colossiendjé 3:15

May kar ɗɛgɛgɛ lə Kirisi gə ꞌɓar-si kəne d-ar umje ne naa gə gə darɔ gə kara baa le, o̰ ɓe dɔ ɓəngərə si gə. ꞌƊa-eje oyo.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.