Colossiendjé 4:11 - Mbede Lə Luba Kone Gə Sigi

¹¹ Jeju gə ꞌɓar-ɛ Jusətus na m-o-si m-ar ꞌne tɔ. ꞌJejee nee ja gə kar-je baa ꞌto Jiibije gə njetakagə kirisije gə ꞌɗa sə-m kula mba ɓeko̰ lə Luba, ɗaa m-uba ne singa ya̰.

Testament ke Siki 1960 (Kabba Laka)

¹¹ Ke Jésus, nè ke mmarè na Justus, dasè laphia. Dèdè nèn ke nto ndjè koudja ta motedè, dèdè kadaba to horo ndjè kouladjé té ke oumam mbata béh ko lo Allah, ke dèdè dòrou ongou mem té mbä.

Colossiendjé 4:11 ပူးပေါင်းရင်းမြစ်များ

Koula 10:45

Njetakagəje gə to Jiibije tɔ̰y gə ꞌɗe gə Piyɛr d-o dum dɔ-je mba dəwje gə ꞌgərə Luba ang kara d-inga nekarə baa lə Njil Njerɔsangə.

Koula 11:2

Be ɓa logə Piyɛr təl aw Jerujalɛm ɗaa nje kunja ta bərəje d-ḭ sə-a gə tar na:

Romaindjé 16:3

Oje Pirisika je Akilas ar-mje, ꞌto nje baa kulaje lə-m gə mə Kirisi Jeju gə,

Romaindjé 4:12

ngaɓa n-to ka njekunja bərəje, gə to gə dəwje gə njekunja bərəje go kara baa ang ngaa nja-je dɔ gɔl ka-sijee Abəraham le ɗəw takagə gə kede nam ɓa unja bərə ɓi le.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Ephésiendjé 2:11

Ar-je mə-si ole dɔ ne gə nee: Sisəy gə kede ləw, ɗəw gə lə darɔ nama ꞌtoje gə Jiibije ang, ngaɓa nje gə d-ɔsə gaji rɔ-je mba bərə-je gə ji dəw ɓa unja, ɗəw gə lə darɔ, ꞌɓar-si gə njekunja bərə angje le,

Philippiendjé 4:3

Ngaɓa ꞌi kara, ꞌto nje baa kula gə ila kuji ɗaa m-dəji-i mba kar ꞌla gə je, ꞌto jeneje gə d-ila kudu-m gə d-ar m-ɗɔ ne mba Tar gə May, gə Kɛləma je gə nje baa kulaje lə-m gə kɛm gə ri-je to mbede təbə gə.

Colossiendjé 4:7

Neje gə ɔji dɔ-m ꞌma ɗaa, ngon ko̰-m gə m-njig-e ya̰, njekula gə gadə, njeba kula lə-m gə ɗəw gə lə Mbayɓe, gə ri-a na Tisikə ɓa a pa tɔ̰y kar-si oje.

1 Thessaloniciendjé 3:2

ɗaa j-ula ngon ko̰-si Timoce gə to nje baa kula lə Luba ɗəw Tar gə May gə lə Kirisi, mba kar n-aw n-ar-si singa ngaɓa n-ula jingaw mə-si gə n-ar ɔsə kudu takagə lə-si,

1 Thessaloniciendjé 3:7

Ngan ko̰-mje, be ɓa dan ne ur tije gə tɔ̰y gə dan neməko̰je gə j-isi kəne le, mbɔr dɔ kuwa gədərə lə-sisəy ɓa sijee j-inga ne singa.

Tite 1:10

Tɔgərɔ ja, dəwje bula ꞌto njekula dɔje-je ang, ꞌto nje pa tar gə baaje gə nje kərə dəwje horo Jiibije gə.

Pilimo 1:1

ꞌMa Pɔl gə m-to kəy kula gə lə Kirisi Jeju gə je gə ngon ko̰-si Timoce ja ɗa mbede nee j-ar Pilimo, nje baa kula m-ar-si gə j-a njigi-e ya̰,

Pilimo 1:24

ngaɓa Marəke, gə Arisətarəkə, gə Demas, gə Lugu gə ꞌto nje baa kulaje lə-m d-o-si.