Colossiendjé 3:5 - Mbede Lə Luba Kone Gə Sigi

⁵ Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

Testament ke Siki 1960 (Kabba Laka)

⁵ Tokou ban, etòlidjé boo né ke nange nèn ke to mèsè té, to loou to madjang, né ke madjang, boo da rò té dang dang, boo ta da né ke madjang, ke mè, ke to né polo kòr.

Colossiendjé 3:5 ပူးပေါင်းရင်းမြစ်များ

Matiye 15:19

Mba mə dəw ja ɓa kəjije gə kṵra̰y, tɔl dəw, ɓogo lo to, kaya, ɓogo, gangə tar kunda ta dəw gə, taji Luba ḭ kəne.

Romaindjé 1:26

Gəl-e gə nee ɓa Luba ḭya̰-je ne ar ɓo neje gə to rɔ kul uwa-je ne ɓərə gə. Mba jeneje lə-je d-uba ji neje gə gə dɔ gɔl-ɛ d-ḭya̰ ɗaa, ꞌturu ꞌto gə naa to gə jingaw to ne gə jene be,

Romaindjé 1:29

neɗaje gə dɔ buguru dang-dang ja ɗusu mə-je njḭ, məndul, ɓo lar, ɗa məyɛr, mal neje ɗusu mə-je, tɔl naa, tɔsə tar, kərə naa, məngo̰y; tuji riɓar lə naa,

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 6:6

j-a gərə-je to gə pa nja lə-si gə ləw le ꞌɓər-e sə-a kagə dəsə gə, mba kar darɔ gə neɗa gə kṵra̰y kəne nee le tuji ne ngaɓa mba kar j-a to ne ɓərəje lə neɗa gə kṵra̰y ang ngaa;

Romaindjé 7:23

ngaa mə bar kəm rɔ-mje gə ɗaa torondu gə ɗangə ɓa m-o kəne, ɗa ɗɔ gə torondu kəji negərə lə-m ngaɓa uwa-m gə ɓərə lə torondu kar neɗa gə kṵra̰y gə to mə bar kəm rɔ-mje gə.

Romaindjé 7:5

Mba kede, logə j-a nay darɔ gə ɓi le, ɓo neɗa gə kṵra̰y ɗa kula rɔ-si gə ɗəw gə lə torondu ngaɓa kar j-oso kandə ɔji dɔ yo.

Romaindjé 8:13

To gə ɓo awje kəm baa ɗəw darɔ gə nama a kuyje, ngaa to gə ɓo ꞌtujije kula ɗaje lə darɔ pugudu ɗəw Njil gə nama, a kawje kəm baa,

1 Corinthiendjé 5:1

Tar kaya gə to horo-si gə le, ꞌpa tar-ɛ gə lo tɔ̰y, mba to kaya gə dəwje gə ꞌgərə Luba ang ja kara d-asə ɗa ndɔ kara ang; ꞌpa tar-ɛ to gə dəw kara horo-si gə to gə jene lə bɔ-ɛje.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

1 Corinthiendjé 6:13

Nekusa to mba mə dəw, to to gə mə dəw kara to mba nekusa tɔ; ngaa Luba a tuji-je joo kɛm. Ngaa darɔ dəw to kar kun ɗa ne kaya ang; darɔ to kar Mbayɓe, to to gə Mbayɓe kara to kar darɔ tɔ.

1 Corinthiendjé 6:18

A̰yje kaya gə ka̰y. Neɗa gə kṵra̰y gə ɗa-ɗa gə dəw ɗa le, ɗa darɔ-ɛ gə ɗaga nee baa, ngaa dəw gə un rɔ-ɛ ɗa ne kaya nama ɗa kṵra̰y gə darɔ-ɛ ye ja.

2 Corinthiendjé 12:21

M-ɓəəl mba logə m-a ce ɓə lə-si nama Luba a kḭ kila rɔ kul dɔ-m gə mba sisəy, kar man no a ndogo-m ɔji dəwje bula gə kede ꞌto nje gə ɗa neɗaje gə kṵra̰y, ɗaa ꞌturu kəji lə-je dɔ ne gə mina gə ang nəm, gə dɔ kaya gə ang nəm ngaɓa dɔ to bula njagəda gə ang nəm tɔ.

Galatedjé 5:24

Ɗaa nje kar Kirisi Jeju-je le ɓərə darɔ gə ɓo neje gə uwa-je ɓərə gə kagə dəsə gə.

Ephésiendjé 4:19

D-asə mba riya horo ne gə may gə ne gə kṵra̰y ang ɗaa, d-ula rɔ-je bababa dan kaya gə, d-ḭya̰ ne rɔ-je yag dan neɗa gə ɓədə-ɓədə gə to yoro gə polo naa gə ɓo lar.

Colossiendjé 2:11

Mba um-je sə-a naa gə le ɓa d-uja si bərə gə ji dəwje ɓa unja ang, gə to gə d-unja ndaar rɔ-si d-ɔr gə ɗangə le ang; ngaa to kunja bərə gə ḭ rɔ Kirisi gə.

1 Thessaloniciendjé 4:3

Ne gə Luba njigi le, to sangə rɔ lə-si, kar ɔsəje kaya ngərəng,

1 Thessaloniciendjé 4:5

mba kar ḭya̰ ar ɓo gə darɔ gə o̰ dɔ-ɛ to to gə dəwje gə ꞌgərə Luba ang be ang,

1 Timoce 6:10

Gəl-e gə nee ɓa, ngira ne gə kṵra̰y tɔ̰y to njigi lar, dəwje bula gə d-un rɔ-je d-ila kəne le, ꞌtusu takagə lə-je d-ḭya̰ ngaɓa d-oso dan tuji gə badagə tɔ.

Ebərəje 12:16

Oje gə maj-ɛ mba kar dəw kara ja kara aw gə bula njagəda ang nəm, gə dəw gə njedabə ne lə Luba dasəra to to gə Esaw be ang, mba n-to ngon dəər ngaa n-uwa mbəl ne nekusa.

Ebərəje 13:4

May kar-sisəy tɔ̰y ja ꞌɗɔyje ta naa, ngaɓa ɔsəje ɓogo lo to ngərəng. Mba Luba a gangə tar dɔ bula jagədaje gə gə dɔ nje ɓogo lo toje gə.

Ebərəje 13:5

Ar-je ɓo lar uwa-si gə ɓərə ang, ɗaa ne gə ingaje mə ji-si gə əng ja undaje mə-si dɔ-ɛ gə, mba Luba pa na: M-a kuba-i kḭya̰-i ang nəm m-a mbadə-i ang nəm.

Jacques 4:1

Kaw gə naa gə tar, gə tɔsə tarje gə horo-si gə le se, d-ḭ ɗa wa? D-ḭ ɗəw ɓo neje gə kar darɔ, gə d-aw ɗa gə naa ɗɔ bar kəm rɔ-sijee gə le ang wa?

1 Piyɛr 2:11

Ngan ko̰-m gə m-njigi-si ya̰, may kar-si ꞌgərəje to gə ꞌtoje nje kaw taarje ngaɓa gə mbaje dɔ nangə nee, ɗaa aje rɔ-si dɔ ɓo neje gə darɔ gə, gə d-aw ɗɔ gə si le.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.

Apocalypse 22:15

Bisije, njembɛ̰je, njekayaje, nje tɔl dəwje, nje polo magəje ngaɓa na-na ɓa gə njigi tar gə ɗəgərə ngaɓa to gə nje p-ɛ le, d-a tɔbə-je kum-je ɗaga.