Colossiendjé 3:24 - Mbede Lə Luba Kone Gə Sigi

²⁴ mba Mbayɓe ja a kar-si nekuga dɔ ji gə nenduba. Ɗaa ꞌɗaje kula lə Kirisi Mbayɓe.

Testament ke Siki 1960 (Kabba Laka)

²⁴ Mbata egeridjé sésè a kingaidjé né ndouba dji Mbaibé Seigneur té tokou kouka losè, sésè edaidjé mbata Mbaibé Christ.

Colossiendjé 3:24 ပူးပေါင်းရင်းမြစ်များ

Matiye 10:41

Dəw gə uwa pajambərə gə rɔ-ɛ gə mba n-to njekula lə Luba nama nj-ɛ a kinga kuga to gə pajambərə tɔ, ngaɓa dəw gə uwa njeneɗa gə gadə-gadə gə rɔ-ɛ gə mba to dəw gə gadə-gadə nama a kinga kuga to gə njeneɗa gə gadə-gadə be tɔ.

Matiye 5:12

ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Matiye 5:46

To gə ɓo nje gə ꞌnjigi-si ɓa ꞌnjigi-jeje le se ɗi ɓa a kinga-je gə nekuga dɔ ji wa? Njembo̰ lar gədə ɓeje kara ꞌɗa bənəng tɔ.

Matiye 6:16

Logə ꞌtɔlje mə-si ɓo ɗaa, ꞌɗaje kəm-si to ndoo ang, to gə njetar mulaje gə ɗa kəm-je to ndoo ɓa gə mba tɔji ne dəwje to gə ꞌtɔl mə-je ɓo. Tɔgərɔ ja, m-pa m-ar-si to gə d-inga nekuga dɔ ji-je nam.

Matiye 6:5

Logə aw dəji-je Luba nama, əwje rɔ-si ɗaje to gə njetar mulaje be, mba ꞌjeje le ꞌnjigi kar taar mə kəy nendo gə lə Jiibije, gə kar taar mbɔr ɗəw boo ɓa dəji Luba mba tɔji ne rɔ-je kəm dəwje gə. M-pa tar gə tɔgərɔ ja m-ar-si to gə d-inga kuga lə-je nam ngaa.

Lugu 14:14

A to njenokarə mba dəwje nee le d-a kasə kuga dɔ ji-i ang, ngaa Luba ja ɓa a kuga dɔ ji-i ndɔ gə dəwje gə gadə-gadə gə d-uy d-a ndol ne.

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

Romaindjé 14:18

Dəw gə ɗa kula lə Kirisi to gə be le ta kəm Luba nəm ngaɓa may ta kəm dəwje nəm tɔ.

1 Corinthiendjé 11:23

Mba ꞌma le, ne gə m-tɔji-si le m-inga ji Mbayɓe gə: Mbayɓe Jeju le, mə cil gə d-un dɔ-ɛ kəne ja, un mbə;

1 Corinthiendjé 3:8

Nje maa-e je gə njekum man kəne le d-ore naa kara baa, ngaa na-na kara a kinga kuga lə-a gə go kula lə-a gə ɗa.

1 Corinthiendjé 7:22

Be ɓa ɓərə gə Mbayɓe ɓar-ɛ le, Mbayɓe ɔr kula ɓərə gɔs-ɛ gə, ɗəw kara baa gə dəw gə to ɓərə ang ɓa ɓo Luba ɓar-ɛ nama to ɓərə lə Kirisi.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Ephésiendjé 6:6

ɓo ꞌɗaje gə mba ta kəm-je baa ang, ngaɓa to gə gə mba may ne ta kəm dəwje gə, ngaa asə naa gə ngan lokisije lə Kirisi, gə ꞌɗa mə njigi lə Luba gə dɔ ɓəngərə-je tɔ̰y ja.

Ephésiendjé 6:8

may kar-si ꞌgərəje gə maj-ɛ to gə kara kara tɔ̰y ja, ngon lokisi ose ngon kuji kara, neɗa lə-a gə may gə ye ɗa ja ɓa a kinga ne ne gə may mə ji Mbayɓe gə.

Colossiendjé 2:18

Ar-je dəw unda gusu gə njekula dɔ-ɛ ngulum ila ne tar dɔ-si gə ang ngaɓa lo polo anjije gə nj-ɛ a pa na n-o lokiya gə, n-ɗa gə ne kunda kar baa gə go tar kəjije lə-a gə ɗəw darɔ gə.

Ebərəje 10:35

Undaje mə-si gə maj-ɛ dɔ kuga gə lə-si, ɓo ḭya̰je go-e ang!

Ebərəje 11:6

Be ɓa ɓo takagə godo nama ɗəw gə dəw a ta ne kəm-e godo tɔ. Dəw gə njigi ɗəm gə rɔ Luba gə nama may kar takagə to gə n-ga̰ ngaɓa nje gə ꞌsang-e nama nuga dɔji-je.

Ebərəje 9:15

Gəl-e gə nee ɓa n-to ne nje gɔl tar lə kone gə sigi, ɓa gə mba kar kuy lə-a ja tar neɗaje gə kṵra̰y gə gəl kone gə dɔngɔr gə ɔr ne dɔ nje gə ꞌɓar-je gə, d-inga ne nenduba gə d-uwa dɔ gɔl-ɛ gə a to saar gə no.

1 Piyɛr 1:4

gə dɔ nenduba gə a ndusu ang nəm, a mina ang nəm, gə a to kəm-kəm, ne gə d-uwa dɔ gɔl-ɛ ꞌngina-si mə dara gə,

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.