Colossiendjé 3:22 - Mbede Lə Luba Kone Gə Sigi

²² Ngan njekulaje, dan neje gə tɔ̰y le, ilaje kuji dɔ ꞌɓəə-sijee gə gə go ɗəw gə darɔ gə, ɓo ꞌɗaje mba ta kəm-je ang to to gə aw sangəje mba mayje ne ta kəm dəwje gə, ngaa ꞌɗaje gə mə gə may ꞌɓəəlje ne Mbayɓe.

Testament ke Siki 1960 (Kabba Laka)

²² Beredjé, woidjé tar lo dèdè ke nto ebèèsésè ke nange nèn mè né té toï, edaidjé mbata kemdè ba ang tokou dèdè ke nda ta kare dooudjé koukou, a ke mè kadaba mbata ebelidjé Mbaibé Seigneur.

Colossiendjé 3:22 ပူးပေါင်းရင်းမြစ်များ

Matiye 6:22

Kəm dəw to lambe lə darɔ-ɛ. To gə ɓo kəm-i to gə maj-ɛ nama darɔ-i a nja dan lokarə gə tɔ.

Matiye 8:9

Mba, ꞌma kara njeko̰ dɔ-mje ga̰ ja, ngaɓa ꞌma kara, m-o̰ dɔ njeɗɔje tɔ. To gə m-pa na: ꞋI gə nee aw be, nama n-aw, ngaɓa m-pa na: ꞋI gə nee ꞌɗe ne, nama n-ɗe ja tɔ, ngaɓa ɓo m-ula ngon njekula nəm pa na: ꞌƊa ne gə be nama ɗa ja tɔ.

Lugu 6:46

Mba ɗi ɓa ꞌɓar-mje: Mbayɓe, Mbayɓe ngaa, ꞌɗaje ne gə m-pa m-ar-si ang wa?

Lugu 7:8

Mba, ꞌma kara njeko̰ dɔ-mje ꞌga̰ ja, ngaɓa ꞌma kara, m-o̰ dɔ njeɗɔje tɔ. To gə m-pa na: ꞋI gə nee aw be, nama nj-ɛ aw, ngaɓa m-pa na: ꞋI gə nee ꞌɗe ne, nama nj-ɛ ɗe ja tɔ, ngaɓa ɓo m-ula ngon njekula lə-m na: ꞌƊa ne gə be nama n-ɗa ja tɔ.

Koula 2:46

Gə ndɔ-ndɔ ja d-um mə-je naa gə d-isi mə kəy gə lə Luba, d-usa ne naa gə kara baa mə kəyje gə lə-je ngaɓa d-usa ne gə rɔləl nəm gə mənda nəm tɔ.

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Colossiendjé 3:20

Nganje, dan neje gə tɔ̰y le, ilaje kuji dɔ njekuji-sijee gə, mba ye gə kən ja ɓa may ta ne kəm Mbayɓe gə.

1 Thessaloniciendjé 2:4

ngaa mba Luba na mə-sijee ɗaa o-si gə maj-ɛ ɓa um kula kila mbərə Tar gə May ji-si gə, be ɓa j-a pa tar mba may ne ta kəm dəwje baa ang ngaa mba may ne ta kəm Luba gə nje na mə dəwje.

Pilimo 1:16

ꞌi a ko-e gə ɓərə baa ang ngaa, ngaa ꞌne ɗaa n-nday ɓərə, n-to gə ngon ko̰-si gə j-a njigi-e ya̰. N-to ngon kəm-m ngaɓa kar-i ɗaa asə pa ang, ɗəw darɔ gə ose ɗəw gə lə Mbayɓe.