Colossiendjé 3:16 - Mbede Lə Luba Kone Gə Sigi

¹⁶ Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

Testament ke Siki 1960 (Kabba Laka)

¹⁶ Aridjé tar lo Christ to mèsè té nya, tokou sésè etòdjidjé tar ke ndedjidjéna horosè té ke kemkarè toï, ke tokou sésè òsidjé pa lo David, ke pa lo Allah, ke pa lo Ndil, ke edaidjé woio Allah ke mèsè té.

Colossiendjé 3:16 ပူးပေါင်းရင်းမြစ်များ

Matiye 26:30

Logə d-ɔsə paje kar ɗa nay Pagə d-ɔsə ne gaji Luba d-ila nangə ɗaa, d-ɔdə d-aw dɔ ər gə kagə Olibiyeje ar kəne.

Lugu 2:51

Cibi, Jeju təl aw gə je gugu mə ɓe gə Najarɛd, ngaɓa ila kuji dɔ-je gə. Ko̰-ɛje ngom tarje nee le tɔ̰y m-e gə.

Jean 15:7

To gə ɓo um-je sə-m naa gə ngaɓa uwaje tar lə-m mə-si gə nama ꞌdəjije ne gə mə-si njigi, ɗaa sisəy a kingaje.

Romaindjé 10:17

Be ɓa takagə ɗe ɗəw ko tar gə, ngaɓa tar gə d-o le ḭ mə tar gə lə Kirisi.

Romaindjé 15:14

Ngan ko̰-mje, tar gə ɔji dɔ sisəy le ɗaa, ꞌma ja kara m-gərə gə maj-ɛ to gə məmay ɗusu mə-si, negərə ɗusu mə-si ngaɓa asəje mba ndəji-je naa gə yo gə nee.

1 Corinthiendjé 14:15

Ɗi ɓa m-a ɗa wa? M-a dəji Luba ɗəw Njil gə ja, ngaa m-a dəji gə kəji negərə; m-a kɔsə pa ɗəw Njil gə ja, ngaa m-a kɔsə gə kəji negərə.

1 Corinthiendjé 14:26

Ngan ko̰-mje, ɗi ɓa to ne gə kəm ɗa wa? Logə uwaje dɔ naa nama, na-na kara asə kɔsə pa, dəw kara gə nje tɔji ne, dəw gə nee pa tar ne gə ꞌkila gəl-e d-ar-ɛ, dəw gə kən pa ndo̰ tar, dəw ɗangə to njendaji-e, ngaa may kar neje tɔ̰y nee le ar-si singa tɔ̰y ja ɓa.

Ephésiendjé 1:17

mba kar Luba lə Mbayɓe lə-sijee Jeju Kirisi, Bɔ dəwje gə njeriɓar, ar-sisəy njil kəm karə gə njil kila dɔ ne mba kar-si ꞌgər-eje ne.

Ephésiendjé 5:17

Be ɓa, ꞌnjaje dɔ mbə gə baa ang, ngaa ꞌgərəje se ɗi ɓa to gə mə njigi lə Mbayɓe wa?

Ephésiendjé 5:19

Ulaje jingaw mə naa gə pa kɔsə, gə paje ɓədə-ɓədə, gə paje gə ɗəw njil gə, ɔsəje pa ꞌpoloje ne Mbayɓe gə dɔ ɓəngərə si tɔ̰y.

Ephésiendjé 5:26

n-tog-e ne gə man gə to gə tar, mba kunda-a gə losang-ɛ

Colossiendjé 1:28

ꞌNe ja j-ila mbərə lə-a, j-a ndəji ne dəwje kara kara ngaɓa j-a ndo dəwje kara kara gə kəm karə tɔ̰y, mba kar na-na kara to ne dəw gə may pɛdə ɗəw gə lə Kirisi.

Colossiendjé 1:9

Gəl-e gə nee ɓa sijee kara, un kud-e dɔ ndɔ gə j-o ne tar-ɛ ja, j-a dəji Luba ngɔɔgɔ-ngɔɔgɔ mba sisəy ngaɓa j-a dəji-e mba kar n-ar gərə mə njigi lə-a ɗusu mə-si, gə kəm karə gə negərə tɔ̰y gə ɗəw Njil gə,

Colossiendjé 4:6

Ar-je tar gə ta-si ləl gə ləl dɔro, ilaje kadə dɔ tar gə lə-si, mba kar ꞌgərəje ne ɗəw kila ne dəw tar gə.

1 Thessaloniciendjé 1:8

Mba Tar lə Mbayɓe ɓar kagə ɓə lə-si, ce Masedowan gə Akayi ja kara baa ang ngaa dəwje ꞌgərə takagə Luba lə-si gə lo tɔ̰y, ar al dɔ lo sula.

1 Thessaloniciendjé 4:18

Be ɓa ꞌndəjije naa gə yo gə nee gə tarje gə nee le.

2 Thessaloniciendjé 3:15

O-eje gə njeba̰a̰ ang ngaa ꞌndəj-eje to gə ngon ko̰-si.

1 Timoce 6:17

ꞌNdəji bawje gə dɔ ndɔ gə ɓogəne mba kar d-unda kar-je ang, ngaɓa mba kar d-unda mə-je to dɔ nekinga gə a nday gə ang, ngaa d-unda mə-je dɔ Luba gə. ꞌNe gə to nje kar-si ne gə j-aw ndoo-e gə kobəre mba kar j-a ɗa ne rɔləl.

2 Timoce 3:15

Gə kasə-i baa ja ꞌgərə Tar lə Luba, gə a kasə kar-i kəm karə kar ꞌta ne kagə Kirisi Jeju mba kinga ne kaji.

Tite 3:6

Luba ula Njil Njerɔsangə ɗəw gə lə Njekaji-si Jeju Kirisi ar-ɛ ɗusu mə-si tubu,

Jacques 1:5

Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

Jacques 5:13

Se dəw kara horo-si gə isi dan ꞌməsərə gə wa? May kar-ɛ dəji Luba. Se dəw kara isi dan rɔləl gə wa? May kar-ɛ ɔsə pa.

1 Jean 2:14

M-ɗa mbede m-ar-si, bɔ nganje, mba ꞌgərəje dəw gə isi lo kuma kudu neje gə ləw baa. M-ɗa mbede m-ar-si, basa̰je, mba uba-je singa ya̰, tar lə Luba uwa mə-si ar ꞌcɛdəje ne ɗɔ njeməndul.

1 Jean 2:24

Gəl-e gə nee ɓa, tar gə sisəy oje kede dɔngɔr le, may kar uwaje Ngon gə Bɔ dəwje mə-si gə tɔ.

1 Jean 2:27

Sisəy le ɗaa, Njerɔsangə uwa dɔ-si gə ubu le nam, ɓo dəw a tɔji-si ne ang ngaa; ngaa mba ubu gə n-uwa ne dɔ-si le tɔji neje tɔ̰y, to gə n-to ne tar gə tɔgərɔ ja ɓo tar gə ɗəgərə ang, ɗaa umje sə-a naa gə to gə n-tɔji le.

2 Jean 1:2

mba tar gə tɔgərɔ gə to mə-si gə le, a nay gə sijee gə ndɔ gə ndɔ.

Apocalypse 14:3

D-ɔsə pa gə sigi, no ngəndəng mbay gə, no nekundaje gə sɔɔ gə d-aw kəm baa, gə no buba ɓeje gə. Ɗaa dəw kara be kara asə mba ndo pa ne le ang, ɗaa ɓɛl nje gə tɔl dɔg lo dɔg gə dɔ-je gə tɔl dɔg lo dɔg gə sɔɔ gə gir-je gə tɔl dɔg lo sɔɔ ne ja baa, ꞌjejee gə d-uga dɔ-je dɔ nangə gə nee.

Apocalypse 15:3

D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.