Colossiendjé 3:13 - Mbede Lə Luba Kone Gə Sigi

¹³ Oreje ur-si dɔ naa gə gə yo gə nee, ngaɓa dəw gə ɓo aw gə njemar-ɛ gə tar nama ɔrəje tar dɔ naa gə gə yo gə nee, to to gə Kirisi kara ɔr ne tar dɔ-si gə le, sisəy kara ꞌɗaje gə naa to gə bənəng tɔ.

Testament ke Siki 1960 (Kabba Laka)

¹³ Ouridjé woursè kena horosè té, ke tokou mare kada éh ke tar toula do maredjé, ïyaidjé tar lona horosè té, deo kadaba tokou Mbaibé Seigneur ïya aresè, sésè asidjé ta kïya ban to.

Colossiendjé 3:13 ပူးပေါင်းရင်းမြစ်များ

Matiye 5:44

Ngaa ꞌma, ɗaa m-pa m-ar-si: ꞌNjigije njeba̰a̰je lə-si, ꞌtɔrəje ndu-si dɔ nje gə d-ugu ne d-ar-si, ꞌɗaje may gə nje gə ꞌnjigi-si ang gə kɔrɔ ja ꞌdəjije Luba mba nje gə d-ula kəm-si ndoo nəm tɔ.

Matiye 6:12

Kɔgərɔ ja ɔr tar neɗa gə kṵra̰y dɔ si gə, to gə sijee kara j-ɔr tar-ɛ dɔ nje gə ɗa gə sijee kṵra̰y be tɔ.

Marəke 11:25

Logə ar-je taar gə mba dəji, ngaa ɓo ne kara tɔsə um-si naa gə gə dəw kara nama, ꞌɔrje tar dɔ-ɛ gə, mba kar Bɔ-sijee gə isi dara kara ɔr tar kal tar dɔ-si gə tɔ.

Lugu 11:4

Kɔgərɔ ja ɔr tar neɗa gə kṵra̰y dɔ si gə, to gə sijee kara j-ɔr ne tar-ɛ dɔ nje gə ꞌɗa gə si kṵra̰y be tɔ. Ɓo ḭya̰ si ar j-oso dan nekərə gə ang.

Lugu 23:34

Cibi Jeju pa na: Bɔy, ɔr tar dɔ-je gə, mba ne gə ꞌɗa le ꞌgərə ang baa. ꞌƊa ꞌya̰a̰ ꞌkay ne naa kubuje lə-a.

Romaindjé 15:7

Uwaje naa gə rɔ naa gə gə maj-ɛ gə yo gə nee, to to gə Kirisi uwa ne si gə rɔ-ɛ gə, mba rɔnduba lə Luba.

2 Corinthiendjé 2:10

Ngaɓa, dəw gə ɔrəje tar dɔ-ɛ gə nama, ꞌma kara m-ɔr tar dɔ-ɛ gə tɔ. Be ɓa, to gə ꞌma m-ɔr tar dɔ ne gə nama, m-ɗa mba sisəy no Kirisi gə,

2 Corinthiendjé 6:6

ɗəw karə ngadə gə, ɗəw negərə gə, ɗəw kila mə dɔ mar-ɛ gə, ɗəw məmay, ɗəw gə lə Njil Njerɔsangə, ɗəw njigi gə lal tar mula,

Galatedjé 6:2

ꞌLaje gə naa dan neje gə kədərə gə ce dɔ-si gə yo gə nee, be ɓa, a ꞌɗaje ne torondu Kirisi.

Ephésiendjé 4:2

ulaje dɔ-si ngulum, awje yururu ngaɓa ilaje mə-si dɔ mar-ɛ gə po̰-po̰ tɔ. Oreje ur-si dɔ naa gə gə yo gə nee gə njigi,

Ephésiendjé 4:32

ꞌMay-je gə naa gə yo gə nee, ꞌɗa-je gə naa məmay gə yo gə nee; ɔrəje tar dɔ naa gə yo gə nee to gə Luba ɔr ne tar dɔ-si gə ɗəw gə lə Kirisi be tɔ.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Colossiendjé 3:12

Be ɓa Luba ja njigi-si, mbərə-si ngaɓa togo-si le ɗaa, may kar ko kəmtondoo gə tɔgərɔ, gə məmay, kula dɔ ngulum, gə kaw yururu gə kila mə dɔ mar-ɛ gə ɓa ar-je uwa mə-si.

Jacques 2:13

Mba ndɔ gangə tar le, ko kəmtondoo lə dəw gə o kəmtondoo ang le godo; ngaa dəw gə o kəmtondoo le, ye ɓəəl lo gangə tar ang.

1 Piyɛr 2:21

Ye gə kən le ja ɓa ꞌɓar-si mb-ɛ, mba Kirisi kara o ꞌməsərə mba-si tɔ ngaɓa ḭya̰ gə ne kɔji mar-ɛ ar-si, mba kar unje ne dɔ gɔl-ɛ.