Colossiendjé 3:1 - Mbede Lə Luba Kone Gə Sigi

¹ To gə ɓo uyje ɓa ꞌndolje gə Kirisi naa gə nama, may kar ꞌsangəje go neje gə dara, lo gə Kirisi isi kəne dɔ ji kɔl Luba gə.

Testament ke Siki 1960 (Kabba Laka)

¹ Tokou ban, tokou ïdjé ke Christ mbä, esangidjé nédjé nèn ke to ke tarr loou té ke Christ éh kendé, ke isi do dji kòl Allah té.

Colossiendjé 3:1 ပူးပေါင်းရင်းမြစ်များ

Matiye 22:44

Mbayɓe Luba pa ar Mbayɓe lə-m na: Isi nangə dɔ ji kɔlə-m gə. Saar gə mba kar-m m-a kar-i a lagə njeba̰a̰je lə-i gə gɔl-i.

Matiye 26:64

Jeju ila-a kəne na: Ce ta-i ꞌi gə ja, ngaɓa m-pa m-ar-si, a kun kud-e ɓisine ja, a ko-mje ꞌMa gə ngon lə dəw, M-a kisi dɔ ji kɔl Luba gə njesingamongə gə ngaɓa m-a kar dɔ kil lə nji mə dara gə.

Matiye 6:20

be ɓa may kar-si ꞌɓərəje nekingaje lə-si umje dara, lo gə sɔlɔlɔ ose ɓɔgəɓar a tuji ne kəne ang, ngaɓa nje ɓogoje kara d-a kasə cɛdə ta kəyje kəne ang nəm tɔ.

Matiye 6:33

ꞌSangəje ɓeko̰ lə Luba gə gadə-gadə ja dɔngɔr ɗaa neje gə sisəy aw-je ndoo-e nee le, Luba a kar-si dɔ-ɛ gə.

Marəke 12:36

Dabidi gə darɔ-ɛ ja pa gə ɗəw gə lə Njil Njerɔsangə ɔji dɔ Kirisi na: Mbayɓe Luba pa ar Mbayɓe lə-m: Isi dɔ ji kɔl-m gə, Saar gə mba kar-m m-təl ne njeba̰a̰je lə-i mba kar ꞌnja dɔ-je gə.

Marəke 14:62

Jeju ila kəne na: To ꞌma ja. Ɗaa a ko-mje ꞌma gə Ngon lə dəw gə m-isi dɔ ji kɔl Njesingamongə gə, m-a ɗe dan kil lə nji gə dara.

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Lugu 12:33

ꞌƊabəje nekingaje lə-si, ɔrəje ne kəne ꞌkayje njendooje. ꞌSangəje gɛmɛ̰ kum lar gə a tuji ang, iyaje nekingaje lə-si rɔ Luba gə dara, lo gə nje ɓogo a ce kəne ang nəm, ngaɓa sɔlɔlɔ kara unda ne kəne ang nəm tɔ.

Lugu 20:42

Mba Dabidi ja gə dɔ-ɛ pa mə mbede Paje gə na: Mbayɓe pa ar Mbayɓe lə-m na: Isi nangə dɔ ji kɔl-m gə,

Lugu 22:69

Ngaa un kud-e ɓogəne le, ꞌma gə Ngon lə dəw m-a kisi dɔ ji kɔl Luba gə njesingamongə gə.

Koula 2:34

Mba Dabidi uba nangə ḭ aw dara ang, ngaa ye ja pa gə darɔ-ɛ na: Mbayɓe pa ar Mbayɓe lə-m na: ꞌƊe isi dɔ ji kɔl-m gə nee

Koula 7:55

Ngaa Njil Njerɔsangə ɗusu mə Etiyɛn ɗaa un kəm-e a lo gə dara, o rɔnduba lə Luba cibi o Jeju ar taar dɔ ji kɔl Luba gə.

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

Romaindjé 8:6

Nja gə go ɓo neje gə darɔ gə to yo, nja gə go ɓo neje lə Njil le to gə təbə, gə ɗɛgɛgɛ.

2 Corinthiendjé 4:18

Neje gə kəm dəwje o ɓa sijee ja tɔsə kəm-si kəne ang baa, ngaa neje gə kəm dəwje o ang; neje gə kəm dəwje o le a nday, ngaa neje gə kəm dəwje o ang le to gə ndɔ gə ndɔ.

Ephésiendjé 4:10

ꞌNe gə nje ɗisi kuru nangə le, to gə ꞌne gə kara baa nee le ja n-ḭ n-aw dɔ dara gə taar tɔ̰y, mba ta ne lo ya̰-ya̰ tɔ.

Ephésiendjé 5:22

Jeneje, na-na kara, oso kul no ngab-ɛje gə ngab-ɛje gə, to gə ꞌɗaje ne gə Mbayɓe be.

Colossiendjé 2:20

To gə ɓo uyje gə Kirisi naa gə nama ar-je əw gə ndu kar neje gə dɔ nangə nee mba ɗi ɓa ar-je ndu neje gə dɔ nangə nee d-o̰ ɓe dɔ-si gə cibi wa?

Colossiendjé 3:2

Ar-je kəji neje gə dara ɓa uwa mə-si ɓo neje gə dɔ nangə gə nee ang.

Ebərəje 1:13

Ngaɓa anji gə ɗa ɓa horo mar-eje gə n-pa n-ar-ɛ ndɔ kara na: Isi dɔ ji kɔl-m gə nee, Saar kar m-turu njeba̰a̰je lə-i kar-i n-nja dɔ-je gə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 10:12

Ngaa ꞌne le, logə n-un nepolo mba neɗa gə kṵra̰y gɔl kara ja ɗaa, n-isi dɔ ji kɔl Luba gə gə ɓal-ɓal,

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 8:1

Tar gə to ɓəəl ya̰ gə j-a pa ɓa nee: Buba njekapolo lə-si isi dɔ ji kɔl ngəndəng mbay gə lə Yejeje dɔ dara gə taar.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.