Colossiendjé 2:8 - Mbede Lə Luba Kone Gə Sigi

⁸ Oje gə maj-ɛ ɓa, mba kar dəw un kəm karə lə dəwje uba ne si gə kula ngaɓa gə tar kərəje gə baa gə go nejiɓe lə dəwje, gə go neje gə dɔ nangə nee baa ɓo gə go ɗəw lə Kirisi ang.

Testament ke Siki 1960 (Kabba Laka)

⁸ Ngemidjé madji ta kare mare doou kada waasè to bere deo ndiki né geré té ka ke kere ke ba, deo tar béh té lo dooudjé ke leo, ke tar ke dongor ke nange nèn, ke to deo té lo Christ ang.

Colossiendjé 2:8 ပူးပေါင်းရင်းမြစ်များ

Matiye 10:17

Aje rɔ-si rɔ dəwje gə, mba d-a kaw gə si no ngɔ gangə tar gə lə Jiibije nəm ɓa d-a kunda-si gə abəlay kəy nendo gə lə-je.

Matiye 16:6

Jeju pa ar-je na: Oje gə maj-ɛ ɓa, aje rɔ-si dɔ guway kodo gə lə Parijiyɛ̰je gə Sadusiyɛ̰je.

Matiye 7:15

Aje rɔ-si rɔ pajambərəje gə gə mbɔr-ɛ baa. ꞌƊa rɔ-je to gə badəmje be ngaa ꞌto njagəmanjɛrje njekusa da dɔngɔr gə je dɔ ɓəngərə-je gə.

Koula 17:18

Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy.

Koula 17:32

Logə d-o-je tar ce buwa yo gə ɗaa nje gə ɓe kara ꞌkogo-e gə kogo ngaa nje gə kɛm ꞌpa na: Ndɔ gə ɗangə ɓa a pa tar gə əng kar j-o ɓi.

Romaindjé 16:17

Ngan ko̰-mje, m-ndəji-si mba kar undaje kəm karə dɔ rɔ-si gə, mba nje kɔsə kudu kay naaje ngaɓa ꞌpa tar ꞌtuji ne neje gə ꞌtɔji-si d-ar njetakagəje d-uba ne netɔji nee le d-ḭya̰. May kar ɔrəje rɔ-si rɔ-je gə gugu.

1 Corinthiendjé 10:12

Be ɓa, may kar dəw gə əji to gə n-ar taar nama o gə maj-ɛ mba a ce koso.

1 Corinthiendjé 8:9

Be ja kara, oje gə maj-ɛ ɓa, may kar dɔ to doy lə-sisəy təl to jigi tuga lə nje tɔgə godoje ang.

2 Corinthiendjé 10:5

Ngaɓa kəji tarje gə baa gə d-unda ne karje dɔ gərə Luba gə le, ja tuji pugudu, ngaɓa ja dum dɔ kəji lə-je mba kar d-ila ne kɔji dɔ Kirisi gə.

Galatedjé 1:14

M-ɗa singa m-nday dəwje bula gə to njeba kujije lə-m, gə nje gə gəl kuji-m gə, ɔji dɔ nejiɓe lə Jiibije, m-un rɔ-m ja tɔ̰y mba nejiɓe lə ka-sijee.

Galatedjé 4:3

Sijee kara, logə j-a nay nganje ɓi le, j-a to ɓərəje lə njilje gə o̰ dɔ nangə nee.

Galatedjé 4:9

Ngaa ɓisine ɗaa, ꞌgərəje Luba ose, Luba gərə si, ngaa na ban cibi ɓa ꞌtəlje awje rɔ njilje gə tɔgə-je godo, ngaɓa to neje gə baa wa? Se ꞌnjigije mba təl to ɓərəje lə-je cibi wa?

Galatedjé 5:15

Ngaa to gə ɓo ꞌto̰je naa gə usaje naa gə yo gə nee nama, oje gə maj-ɛ ɓa na a tujije naa gə yo gə nee tɔ.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 4:20

Ngaa sisəy le, to gə be ɓa ꞌgərəje ne Kirisi ang baa,

Ephésiendjé 5:6

May kar dəw kara kara ərə si gə tar paje gə baa gə nangə əng ang; mba neje gə to gə be le ja ɓa wungu lə Luba ɗe ne dɔ nganje lə njekal tarje gə.

Philippiendjé 3:2

Aje rɔ-si rɔ bisije gə, aje rɔ-si dɔ njekulaje gə kṵra̰y gə, aje rɔ-si dɔ njekunja bərəje gə gə mbɔr-ɛ baa gə.

Colossiendjé 2:18

Ar-je dəw unda gusu gə njekula dɔ-ɛ ngulum ila ne tar dɔ-si gə ang ngaɓa lo polo anjije gə nj-ɛ a pa na n-o lokiya gə, n-ɗa gə ne kunda kar baa gə go tar kəjije lə-a gə ɗəw darɔ gə.

Colossiendjé 2:20

To gə ɓo uyje gə Kirisi naa gə nama ar-je əw gə ndu kar neje gə dɔ nangə nee mba ɗi ɓa ar-je ndu neje gə dɔ nangə nee d-o̰ ɓe dɔ-si gə cibi wa?

Colossiendjé 2:22

Neje tɔ̰y nee le to neje gə dəwje d-aw ɗa ɗaa a tuji ang wa? To ndu ko̰ dɔ neje gə netɔjije gə ḭ ta dəwje gə ja baa,

Colossiendjé 2:23

tɔgərɔ ja, to nduje gə ta naa gə kəm karə be, gə ɗəw polo ne gə ḭ mə dəw gə, gə may lə-a kara kara godo ngaa gə mba tɔl ne ta ɓo gə darɔ gə ja baa.

1 Timoce 6:20

ꞋI Timoce, ngom neje tɔ̰y gə d-um ji-i gə, iya̰ go tar gə baa, gə tar gə aw naa gə gə tar lə Luba ang, gə tar ma̰y kar negərə gə baa.

2 Timoce 3:13

Ngaa njeməngo̰yje gə njekunja liba kəm-je gə je le, ꞌSu a kərə-je ɗaa neɗaje gə kṵra̰y a kɔsə dɔ mar-ɛ gə kede-kede ngaɓa d-a kərə ne nje gə kɛm gə d-a kərə ne darɔ-je nəm tɔ.

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

Ebərəje 3:12

Oje gə maj-ɛ ɓa, ngan ko̰-mje, kar dəw kara horo-si gə m-e ndul gə takagə lə-a godo ngaɓa mbadə Luba gə nje kisi kəm baa ang.

1 Piyɛr 1:18

ꞌGərəje to gə d-un neje gə a tuji, gə to lar ose maa ɓa ndogo-si ne ɗəw pa nja gə kṵra̰y gə, gə bɔ-sijee-je d-ḭya̰ gə nenduba d-ar-si le ang,

2 Piyɛr 3:17

Ngan ko̰-m gə m-njigi-si ya̰, sisəy le ɗaa, ꞌndəji-si nam, ɗaa ar-je dɔ gɔl-si gə, ar-je nje gərə Luba angje d-ḭ d-ərə-si d-ar ubaje kuwa gədərə lə-si ḭya̰je,

2 Jean 1:8

Undaje kəm karə dɔ rɔ-si mba kar kandə kula lə-si tuji ang, ngaa mba kinga ne dɔ ji gə maj-ɛ.