Colossiendjé 2:23 - Mbede Lə Luba Kone Gə Sigi

²³ tɔgərɔ ja, to nduje gə ta naa gə kəm karə be, gə ɗəw polo ne gə ḭ mə dəw gə, gə may lə-a kara kara godo ngaa gə mba tɔl ne ta ɓo gə darɔ gə ja baa.

Testament ke Siki 1960 (Kabba Laka)

²³ Tokoro, dodè tokou né kemkarè ta kare da rò singa ta wal Allah, ke ta da rò ngadji ke ta kwaa rò ngeng, a dèdè nto né ke ba, da toudjou boo rò ang.

Colossiendjé 2:23 ပူးပေါင်းရင်းမြစ်များ

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

Ephésiendjé 5:29

Mba dəw gə nje njigi darɔ-ɛ ang ja gə kɔrɔ kara be le godo; ngaa ye uul-e ngaɓa unda-a dan kəm-e to gə Kirisi ɗa ne gə Mbo̰ naa lə njetakagəje be tɔ;

Colossiendjé 2:18

Ar-je dəw unda gusu gə njekula dɔ-ɛ ngulum ila ne tar dɔ-si gə ang ngaɓa lo polo anjije gə nj-ɛ a pa na n-o lokiya gə, n-ɗa gə ne kunda kar baa gə go tar kəjije lə-a gə ɗəw darɔ gə.

Colossiendjé 2:22

Neje tɔ̰y nee le to neje gə dəwje d-aw ɗa ɗaa a tuji ang wa? To ndu ko̰ dɔ neje gə netɔjije gə ḭ ta dəwje gə ja baa,

Colossiendjé 2:8

Oje gə maj-ɛ ɓa, mba kar dəw un kəm karə lə dəwje uba ne si gə kula ngaɓa gə tar kərəje gə baa gə go nejiɓe lə dəwje, gə go neje gə dɔ nangə nee baa ɓo gə go ɗəw lə Kirisi ang.

1 Timoce 4:3

D-ɔgə dəwje lo ta naa gə jingaw gə jene, d-ɔgə kar d-usa neje gə kɛm, nekusaje tɔ̰y nee le Luba ja ɗa. A ɓo, njetakagəje gə gərə tar gə tɔgərɔ tɔr nduje dɔ-ɛ gə nama d-a kusa gə oyo.

1 Timoce 4:8

May kḭya̰ rɔ-i mə ji Luba gə, mba kula rɔ ndubu may ja ngaa, kila kuji dɔ ne gə lə Luba may unda neje tɔ̰y, be ɓa Luba gɔl təbə gə ɓogəne gə ye gə bara ar dəw gə ḭya̰ rɔ-ɛ mə ji-a gə.