Colossiendjé 2:18 - Mbede Lə Luba Kone Gə Sigi

¹⁸ Ar-je dəw unda gusu gə njekula dɔ-ɛ ngulum ila ne tar dɔ-si gə ang ngaɓa lo polo anjije gə nj-ɛ a pa na n-o lokiya gə, n-ɗa gə ne kunda kar baa gə go tar kəjije lə-a gə ɗəw darɔ gə.

Testament ke Siki 1960 (Kabba Laka)

¹⁸ Aridjé doou kada òkou deo kinga né losè ang, deo tar da rò ngadji, ke deo tar wal angedjé, nè nounda mèa do né ni té, ke nè ndoi rè ba deo kedji da rè té.

Colossiendjé 2:18 ပူးပေါင်းရင်းမြစ်များ

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Romaindjé 1:25

ꞌjejee gə d-uwa tar gə ɗəgərə ꞌtaje ne toro tar gə tɔgərɔ lə Luba, ngaɓa neje gə Luba unda-je ɓa ꞌpolo-je ngaɓa ꞌɗa kula d-ar-je ɗaa d-ḭya̰ Njekunda-je gə ndu tɔr to k-ɛ gə ɓal-ɓal! Oyo!

Romaindjé 16:18

Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

1 Corinthiendjé 13:4

Njigi ila m-e dɔ mar-ɛ gə, njigi ndangə ang, njigi nər mə ang, njigi ɔsə gaji rɔ-ɛ ang, njigi unda kar-ɛ ang,

1 Corinthiendjé 3:3

mba darɔ o̰ dɔ-si ɓi. Mba nər mə ngaɓa ko ta naa ang to horo-si gə nəm le se, to neje gə darɔ gə ang wa? Ngaɓa se ꞌnja-je gə go kəji gə darɔ gə ja dɔngɔ ang wa?

1 Corinthiendjé 4:18

Nje gə kɛm d-ɔsə gaji rɔ-je to to gə m-a kaw ɓə lə-si ang ja yom.

1 Corinthiendjé 4:6

Ngan ko̰-mje, m-un ndaji neje nee le ɔji dɔ Apolos gə dɔ ꞌma mba tar lə-sisəy. Be ɓa a ndo-je ne ne gə oje rɔ-sijee gə, mba kawje əw gə tar ne gə ꞌɗa mə mbede gə ang, mba kar dəw kara kara horo-si gə uwa dəw gə kara unda ne kar-ɛ tɔsə ne kəm dəw gə kara ang.

1 Corinthiendjé 8:1

Ne gə ɔji dɔ da gə ꞌpolo ne magəje le, gərəje to gə tɔ̰y ja negərə lə-si ga̰. Negərə ɗa dəw gə nje kɔsə rɔ-ɛ ngaa njigi ula jingaw mə dəw gə.

1 Corinthiendjé 9:24

May kar-si ꞌgərəje to gə nje kuma naa gə ngɔdə ꞌɓaraje le d-a̰y gə ka̰y ja tɔ̰y ngaa dəw kara baa ja inga ne dɔ ji-a. Ɗaa a̰yje gə go ɗəb-e mba kinga ne ne dɔ ji.

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

2 Corinthiendjé 12:20

Mba m-ɓəəl mba kar logə m-ce ɓə lə-si nama, m-inga-si to gə m-njigi le ang baa, ngaɓa sisəy kara kar inga-mje to gə ꞌnjigije le ang tɔ; m-ɓəəl mba kar neje gə to nee a kḭ to: Mbadə tar ta naa gə, nər mə, wungu mbə, kəji mə bo, pa gə naa, pa tar gə to, kunda kar ngaɓa neje gə wɔr-wɔr.

Ephésiendjé 4:17

Tar gə m-pa gə ri Mbayɓe ɗaa m-təl m-pa ɓi le ɓa nee: Sisəy le ɗaa pa nja lə dəwje gə gərə Luba ang le, ꞌnjaje ang ja gə dɔbo̰ ngaa. ꞌJejee le, ꞌnja gə go tar kəji negərə lə-je gə d-aw ne dɔ mbə gə baa.

Ephésiendjé 5:6

May kar dəw kara kara ərə si gə tar paje gə baa gə nangə əng ang; mba neje gə to gə be le ja ɓa wungu lə Luba ɗe ne dɔ nganje lə njekal tarje gə.

Philippiendjé 3:14

m-a̰y ngɔdə dɔ-m gə ne gə m-kuji gə, mba kinga nekuga dɔ ji ɓar gə Luba ɓar-m ɗəw gə lə Kirisi Jeju.

Colossiendjé 2:23

tɔgərɔ ja, to nduje gə ta naa gə kəm karə be, gə ɗəw polo ne gə ḭ mə dəw gə, gə may lə-a kara kara godo ngaa gə mba tɔl ne ta ɓo gə darɔ gə ja baa.

Colossiendjé 2:4

M-pa bənəng mba kar dəw ɗe ərə si gə tarje gə baa ang.

Colossiendjé 2:8

Oje gə maj-ɛ ɓa, mba kar dəw un kəm karə lə dəwje uba ne si gə kula ngaɓa gə tar kərəje gə baa gə go nejiɓe lə dəwje, gə go neje gə dɔ nangə nee baa ɓo gə go ɗəw lə Kirisi ang.

1 Timoce 1:7

ꞌƊaje rɔ-je to gə njekɔr gəl toronduje lə Moyijije ngaa ꞌgərəje mə tar gə d-aw tɔji ang nəm, ngaɓa ꞌgərə gəl tar gə d-aw pa gə singa le ang nəm tɔ.

1 Timoce 4:1

Be ɓa Njil pa arə ngadə ja na: dɔ ndɔ gə gugu le, dəwje gə kɛm d-a tusu takagə lə-je kḭya̰ mba kuwa go kəji gə baa nəm gə netɔjije lə njilje gə kṵra̰y.

2 Piyɛr 2:14

Kəm-je to kəm sangə jeneje dɔro ngaɓa d-ɔr kəm neɗa gə kṵra̰y ang, d-ərə dəwje gə njeməmbɔrɛje ngaɓa kəm kə̰y kinga ne ɓa uwa mə-je; ꞌjejee nee le ꞌto nganje gə ndɔɔl uwa dɔ-je.

1 Jean 2:26

M-ɗa mbede nee m-pa ne tar lə dəwje gə njigi kuru-si muu.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 13:14

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Apocalypse 3:11

M-a ɗe ɓisine. Uwa ne gə inga le gaa mba kar dəw kara kara ta dɔ gugu lə-i ang.