Colossiendjé 1:9 - Mbede Lə Luba Kone Gə Sigi

⁹ Gəl-e gə nee ɓa sijee kara, un kud-e dɔ ndɔ gə j-o ne tar-ɛ ja, j-a dəji Luba ngɔɔgɔ-ngɔɔgɔ mba sisəy ngaɓa j-a dəji-e mba kar n-ar gərə mə njigi lə-a ɗusu mə-si, gə kəm karə gə negərə tɔ̰y gə ɗəw Njil gə,

Testament ke Siki 1960 (Kabba Laka)

⁹ Tokou ban, ounkotè ke ndò ke djèdjè djo tar nèn, djèdjè djeo ang ta doudjou Allah mbata losè, djèdjè ndoudjou baa ta kare sésè edousidjé ke kemkarè geré né ke Allah ndiki, ke kemkarè lo Ndil toï ke ndii geré né.

Colossiendjé 1:9 ပူးပေါင်းရင်းမြစ်များ

Jean 7:17

To gə ɓo dəw njigi mba ɗa mə njigi lə Luba nama, a gərə to gə netɔji gə nee le ḭ rɔ Luba gə ose, to ꞌma ɓa m-pa tar gə dɔ rɔ-m wa?

Koula 12:5

Piyɛr le ꞌngəm-e kəy kula gə ngaa Mbo̰ naa lə njetakagəje kara d-uwa gədərə gə dəji Luba mba tar lə-a tɔ.

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

1 Corinthiendjé 1:5

mba ɗəw gə lə-a ja d-unda ne si dan may gə ɔji dɔ ne tɔ̰y, ɔji dɔ tar tɔ̰y ngaɓa gə negərə tɔ̰y nəm,

Ephésiendjé 1:8

gə n-ar ne si gə kobəre-kobəre gə go kəm karə tɔ̰y gə negərə.

Ephésiendjé 5:10

ꞌSangəje ɗəw mba gərə ne gə mə Mbayɓe njigi;

Ephésiendjé 5:17

Be ɓa, ꞌnjaje dɔ mbə gə baa ang, ngaa ꞌgərəje se ɗi ɓa to gə mə njigi lə Mbayɓe wa?

Ephésiendjé 6:6

ɓo ꞌɗaje gə mba ta kəm-je baa ang, ngaɓa to gə gə mba may ne ta kəm dəwje gə, ngaa asə naa gə ngan lokisije lə Kirisi, gə ꞌɗa mə njigi lə Luba gə dɔ ɓəngərə-je tɔ̰y ja.

Philippiendjé 1:4

Taar-taar ja ɓo m-aw m-dəji Luba mba-si tɔ̰y nama, m-dəji gə rɔləl,

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

Colossiendjé 3:16

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

Colossiendjé 4:5

ꞌNjaje horo nje gə ꞌgərə Kirisi ang ɓi le, gə kəm karə, ḭya̰je dɔ kar ar-ɛje nday baa ang.

1 Thessaloniciendjé 1:3

Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

1 Thessaloniciendjé 5:17

Əwje rɔ-si dəji Luba ang

2 Thessaloniciendjé 1:11

Gəl-e gə nee ɓa, ja dəji ne Luba taar-taar gə mba sisəy, mba kar Luba turu-si kar asə njaje gə go ɓar lə-a, ngaɓa gə go singamongə lə-a ɗaa, n-ar-si ꞌɗaje ne ne gə may tɔ̰y gə ꞌgɔlje mə-si gə mba ɗa nəm gə kula gə ɗəw takagə gə tɔ.

Pilimo 1:4

M-ar oyo Luba lə-m ngaɓa m-ila-i, mə dəjije gə lə-m taar-taar nəm tɔ,

Pilimo 1:6

May kar takagə lə-i gə j-a ɗa mə kara kəne le ɓar mii ɗəw gərə ne tɔy gə may ɔji dɔ sijee mba Kirisi.

Ebərəje 10:36

Ne gə kəm kar-si ꞌɗaje ja to kuwa gədərə, mba logə ꞌɗaje mə njigi lə Luba nam ɗaa a kingaje ne gə d-uwa dɔ gɔl-ɛ mba-si ja.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Jacques 1:5

Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

1 Piyɛr 2:15

mba Luba njigi kar pa nja-si to gə maj-ɛ ar mbəje d-o ne lo pa tar ang,

1 Piyɛr 4:2

mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa.

1 Jean 2:17

Ɗaa neje gə dɔ nangə nee a nday gə ɓo-e tɔ̰y; ngaa dəw gə nje ɗa mə njigi lə Luba a kisi kəm baa gə ndɔ gə ndɔ.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.