Colossiendjé 1:6 - Mbede Lə Luba Kone Gə Sigi

⁶ Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

Testament ke Siki 1960 (Kabba Laka)

⁶ Ke nè ndé ròsè té, deo kadaba tokou nao do nange té toï ke nan kandè ke ntokou, to tokou ban horosè té, ounkotè ke ndò té ke sésè woidjé ke egeridjé tokou mè madji lo Allah ke tokoro,

Colossiendjé 1:6 ပူးပေါင်းရင်းမြစ်များ

Matiye 24:14

D-a kila mbərə Tar gə May gə ɔji dɔ ɓeko̰ nee le dɔ nangə nee tɔ̰y ja, gə tar naji horo gəl kuji dəwje gə tɔ̰y. Ngaɓa ɗudu ndɔ a ɗe ɓi.

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Marəke 16:15

Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y.

Marəke 4:8

Kɛs-ɛ gə ɗangə um dɔ nangə gə may gə; ɗaa unda baa mbənji-mbənji gə kede-kede. Kand-ɛ kara nama unda dɔg munda, ye gə nee unda dɔg misa̰ ngaɓa ye gə kən unda tɔl.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 17:19

ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.

Jean 4:23

Ngaa kar-ɛ ɗe ɗaa dɔ kar-ɛ ja nee mba kar njepolo neje gə tɔgərɔ d-a polo Bɔ dəwje ɗəw njil gə gə ɗəw tar gə tɔgərɔ gə, mba njepolo neje gə to gə be ɓa Bɔ dəwje sangə-je.

Koula 11:18

Logə d-o-je tar le to gə be ɗaa məko̰ lə-jə unda nangə bɛm ar d-ɔsə gaji Luba na: Be ɓa dəwje gə ꞌgərə Luba ang kara Luba ar-je ɗəw mbəl kəji mba kar d-inga ne təbə tɔ.

Koula 12:24

Ngaa tar lə Luba ja̰rɛ̰ kɔr pa-pa ngaɓa aw dɔ-ɛ gə kede-kede.

Koula 16:14

Ɗaa jene kara, ri-a na Lidi, n-to nje ɗabə dɔ kubuje gə kasə wɛgɛ ngaɓa n-to gə Tiyatir, n-ɓəəl Luba ya̰. Jene nee le tuga mbi-a o ne tar ɗaa Mbayɓe mbudu dɔ ɓəngər-e ar-ɛ n-ta kagə tarje gə Pɔl pa le.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 1:13

Ngan ko̰-m, m-njigi kar-si ꞌgərəje to gə taar-taar ja m-gɔl mba kaw ɓə lə-si, mba kaw ɗa kula kinga ne dəwje kar Kirisi to to gə m-ɗa ne horo nje gə kɛm gə to Jiibije ang, ngaa saar ɓogəne kara m-inga ɗəw ang ja ɓi.

Romaindjé 15:19

ɗəw singamongə netɔjije gə neje dang-dang gə kəm dəw o ndɔ kara ang, ɗəw singamongə Njil, un kud-e Jerujalɛm saar ce ne Iliri ja m-ila mbərə Tar gə May lə Kirisi m-ar ta lo ya̰-ya̰.

Romaindjé 15:28

Be ɓa ɓo ꞌɗa tɔ̰y, ngaɓa ɓo m-aw gə nembo̰je nee m-ar-je kəm naa gə tɔ̰y ɗaa ye ɓa m-a nday gə ɗəw gə ɓe lə-si kaw ɛsəpa̰y.

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

2 Corinthiendjé 10:14

To gə ɓo j-ɔsə rɔ-sijee mba kaw gə j-aw ɓə lə-si nama j-ɔsə rɔ-si j-al ne dɔ ɗəw nimje ang, mba sijee ja to dəwje gə dɔngɔr gə j-aw saar ja ce gə Tar gə May lə Kirisi ɓə lə-sisəy.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Ephésiendjé 3:2

Tɔgərɔ ja, mənuji lə Luba gə m-inga ɔji dɔ sisəy le, tar-ɛ oso mbi-si gə ja.

Ephésiendjé 4:21

ngaa to gə ɓo ꞌne ja to gə tɔgərɔ ɓa ꞌpa tar lə-a d-ar-si oje ose to gə ɓo ꞌne ja ɓa ꞌndo-si neje gə ɔji dɔ-ɛ ɗəw tar gə tɔgərɔ gə ḭ rɔ Jeju ɗaa:

Ephésiendjé 4:23

ɓo ar-je Njil mbəl kəji negərə lə-si to gə sigi,

Ephésiendjé 5:9

Mba kandə lokarə le, ɔji dɔ ne ja tɔ̰y gə to gə məmay, neɗa gə gadə-gadə, gə tar gə tɔgərɔ.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 4:17

To gə nekarə baa ɓa m-sangə ang, ngaa m-sangə nduji kula lə-si gə ɔsə dɔ mar-ɛ.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

1 Thessaloniciendjé 1:5

Mba Tar gə May gə j-ila mbər-e j-ar-sisəy le, j-a pa gə ta-si baa ang, ngaa Njil Njerɔsangə ore kud-e gə singamongə ngaɓa to tar gə tɔgərɔ ja. Be ɓa sisəy ꞌgərəje pa nja sijee gə horo-sisəy gə mba kar to may lə-si.

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

2 Thessaloniciendjé 2:13

Sijee le ɗaa, may kar j-ar oyo Luba gə dɔ karje tɔ̰y ɔji dɔ sisəy, ngan ko̰-sijee gə Mbayɓe njigi-si. Mba Luba mbərə-si lo kun kudu neje gə ləw baa mba kar-si ingaje kaji gə go ɗəw Njil unda-si gə losang-ɛ nəm gə go takagə tar gə tɔgərɔ.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.