Colossiendjé 1:29 - Mbede Lə Luba Kone Gə Sigi

²⁹ Mba ye gə nee ɓa m-ɗa ne kula, m-ɗɔ ne gə singa-a gə ɗa kula rɔ-m gə gə mong-e.

Testament ke Siki 1960 (Kabba Laka)

²⁹ Mbata yèn mam nda koula, mam nda ke singa toï ke nè narem mem té.

Colossiendjé 1:29 ပူးပေါင်းရင်းမြစ်များ

Lugu 13:24

Uwaje rɔ-si kɔgərɔ andəje gə ta ɗəw kəy gə njondəro̰. M-pa m-ar-si, dəwje bula d-a sangə ɗəw mba kandə, ngaa d-a kasə ang.

Romaindjé 15:20

Ngaa lo gə d-ila mbərə Tar gə May kəne ang ja m-un rɔ-m mba kila mbərə lə Kirisi kəne, be ɓa gə mba kar-m m-unda kəy dɔ gɔl kəy gə nje gə kɛm d-ɔsə nangə kede ang, to gə ꞌɗa ne mə mbede gə na:

Romaindjé 15:30

Ngan ko̰-m, m-ndəji-si gə ri Mbayɓe lə-si Jeju Kirisi ngaɓa gə go njigi lə Njil, kar ilaje dər mar-ɛ gə ar-mje, ɗəw dəji gə a dəjije Luba gə mba-m,

1 Corinthiendjé 12:11

Ngaa Njil gə njekara baa nee le ja ɗa neje nee le tɔ̰y, ar na-na kara to gə m-e ye njigi.

1 Corinthiendjé 12:6

Ji ɗa kulaje to dang-dang ja, ngaa Luba gə kara ɗəgədə ja ar ji ɗa ne tɔ̰y gə lo dang-dang.

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

2 Corinthiendjé 11:23

ꞌTo njekulaje lə Kirisi wa? M-pa to to gə dəw gə dɔ-ɛ godo gə kɔrɔ be, m-to njekula lə Kirisi m-unda-je: ɗəw kula gə, ɗəw to kəy kula gə, ɗəw kunda gə ꞌkunda-m gə. Taar-taar ja m-aw ta yo cɛbɛdə-cɛbɛdə,

2 Corinthiendjé 13:3

Mba sisəy ꞌsangəje ne gə tɔji to gə Kirisi pa tar ɗəw gə lə-m ɗaa, ꞌne gə n-ɗa kula rɔ-si gə le n-mbɔrɛ ang, ngaa n-tɔji singamong-e horo-sisəy gə.

2 Corinthiendjé 5:9

Gəl-e gə nee ɓa, to gə ɓo j-isi ne mə darɔ-si gə nee, ose ja tusu j-iya̰ kara, ne gə uwa mə-sijee, to gə may ta kəm Mbayɓe gə.

2 Corinthiendjé 6:5

dan kunda gə kunda-si, gə to kəy kula gə, dan wungu gə lə bula dəwje, kula rɔ ndubu dan kulaje gə, dan ɓi gə naa kəm tasə-tasə, dan tɔl mə ɓo gə,

Ephésiendjé 1:19

ngaɓa ɗi ɓa to gə singamongə lə-a gə dum dɔ neje tɔ̰y gə to ɔji dɔ sijee gə j-a takagə ɗəw singamongə lə-a gə to ɓəəl.

Ephésiendjé 3:20

Luba gə singa-a ɗa kula rɔ-sijee ngaɓa asə ɗa gə si may kal ne dɔ ne tɔ̰y gə ja dəji ose ye gə kəji lə-si uwa dɔ-ɛ le,

Ephésiendjé 3:7

M-təl m-to ne gə nje kul-ɛ gə go mənuji lə Luba gə m-inga gə nekarə baa ɗəw singamongə gə lə-a.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Philippiendjé 1:30

kar ɔsə gəl ɗɔ gə kara gə o-mje lo ɗɔ-ɛ gə le, oje tar-ɛ to gə m-aw m-ɗɔ ɓisine ja ɓi.

Philippiendjé 2:13

mba Luba ja ɓa ɗa kula mə-si mba kar ꞌɗaje ne ne gə m-e njigi gə maj-ɛ.

Philippiendjé 2:16

uwaje ngəng ɓo ilaje mbərə tar təbə ar-jeje. Ye ɓa a to ne riɓar lə-m ndɔ təl gə lə Kirisi. Mba m-a̰y ngɔdə baa ang nəm ɓa m-jɔgə rɔ-m baa ang nəm tɔ.

Colossiendjé 2:1

Be ɓa m-njigi kar-si ꞌgərəje ɗɔ gə to ɓəəl ya̰ gə m-ar t-ɛ gə mba-si, mba nje gə Lawdise ngaɓa mba ꞌjejee tɔ̰y gə d-o-m ang ɓi,

Colossiendjé 2:12

ꞌDubu-si sə-a ɗəw batɛm gə, d-ar-si ja ꞌce-je sə-a mə buwa yo tɔ ngaɓa gə ɗəw ta kagə singamongə Luba gə ar-ɛ n-ce ne horo nje gə d-uy gə.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 2:9

Ngan ko̰-mje, oleje mə-si dɔ rɔ-sijee gə j-ula ndubu ngaɓa gə dɔ kɔrje gə j-ɔr gə, j-a ɗa kula cil gə kar le, ɓa mba to ne nekodo dɔ dəw kara horo-sisəy gə ang ja ɓa j-ila ne mbərə Tar gə May lə Luba j-ar-si.

2 Thessaloniciendjé 3:8

Sijee le, j-usa ne lə dəw baa ang, ngaa kara gə cil gə le j-ula rɔ-si ndubu j-ɔr ɗɛgə-ɗɛgə mba təl to nekodo dɔ dəw gə kara kara horo-si gə ang.

2 Timoce 2:10

Gəl-e gə ne ɓa m-uwa ne gədərə dan ne gə tɔ̰y mba kar nje gə Luba mbərə-je le d-inga ne kaji gə ḭ rɔ Kirisi Jeju gə, gə riɓar gə a to gə ndɔ gə ndɔ.

Ebərəje 12:4

Sisəy le ꞌɗɔje gə neɗa gə kṵra̰y uwaje gədərə saar uy-je ne ang baa ɓi.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Apocalypse 2:3

ꞌI uwa gədərə ngaɓa o ꞌməsərə mba ri-m ɗaa mə-i ila kasə ang.