Colossiendjé 1:28 - Mbede Lə Luba Kone Gə Sigi

²⁸ ꞌNe ja j-ila mbərə lə-a, j-a ndəji ne dəwje kara kara ngaɓa j-a ndo dəwje kara kara gə kəm karə tɔ̰y, mba kar na-na kara to ne dəw gə may pɛdə ɗəw gə lə Kirisi.

Testament ke Siki 1960 (Kabba Laka)

²⁸ Djèdjè mpa tar la, ke djèdjè ndedji dooudjé toï, ke ntòdjou dooudjé toï ke kemkarè toï, baa ta kare djèdjè djare dooudjé toï dé tokou doou mè Christ té.

Colossiendjé 1:28 ပူးပေါင်းရင်းမြစ်များ

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Matiye 3:7

Logə n-o to gə Parijiyɛ̰je gə Sadusiyɛ̰je ꞌɗe bula ya̰ mba batɛm ɗaa n-pa n-ar-je na: Sisəy gə ꞌtoje to gə kondɔtɔlje be, na ɓa tɔji-si pa ka̰y wungu lə Luba gə aw ɗe le wa?

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Marəke 6:34

Logə Jeju ḭ mə to gə uru nangə, ɗaa o bula dəwje ɗaa o kəmtondoo lə-je, mba ꞌnja to gə badəmje gə njekuul-je godo be; ɗaa n-tɔji-je ne kor-e əw ya̰.

Lugu 21:15

Mba ꞌma ja m-a kar-si tar gə a paje gə kəm karə gə dəw kara horo nje kəm tarje gə lə-si a kasə mba cila ne kəm tar lə-si ose gə mba kar ne gədərə no-si gə ang.

Koula 10:36

Luba ula Jeju Kirisi gə to Mbayɓe lə dəwje tɔ̰y ar-ɛ ila mbərə Tar gə May gə kar kinga ne ɗɛgɛgɛ ɗəw gə lə-a ar ngan Ijirayɛlje.

Koula 11:20

Ngaɓa horo-je gə le dəwje gə kɛm gə d-ḭ Sipərə gə Sirɛn ꞌɗe Antiyos ꞌpa d-ar Gərɛgəje tɔ ngaɓa d-ila ne mbərə Tar gə May lə Mbayɓe Jeju d-ar-je nəm.

Koula 13:38

Ngan ko̰-mje, oje gə maj-ɛ: Ɗəw gə lə Moyiji ɓa d-ila ne mbərə kɔr tar neɗaje gə kṵra̰y dɔ dəwje gə d-ar-si.

Koula 17:18

Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy.

Koula 17:3

be ɓa Pɔl ɔr gəl-e ngaɓa tɔji to gə Kirisi a ko ꞌməsərə ngaɓa a ndol horo nje d-uy gə. N-təl n-pa na: Jeju gə m-aw m-pa tar lə-a m-ar-si nee le, ꞌne ja n-to Kirisi.

Koula 20:31

Gəl-e gə nee ɓa may kar-si isije kəm baa, ar-je mə-si ol-e to gə ɓal munda ja, kar-a gə cil, m-əw rɔ-m ang, m-ndəji-si kara gə kara, gə man no kəm gə.

Koula 3:20

Be ɓa Mbayɓe a kar-si ndɔ kar kuwa kɔr ngaɓa ula Jeju, Kirisi gə Luba uwa dɔ gɔl-ɛ kede le.

Koula 5:42

Ngaɓa gə ndɔ-ndɔ ja, mə kəy gə lə Luba ngaɓa mə kəyje gə d-əw rɔ-je tɔji ne gə kila mbərə Tar gə May gə ri Kirisi Jeju ang.

Koula 8:35

Be ɓa Pilibi un tar pa, un ne kud-e dɔ lo tura-a gə nee le, ila ne mbərə Tar gə May lə Jeju ar-ɛ.

Koula 8:5

Pilibi aw mə ɓebo gə Samari kara be ila mbərə Tar gə May lə Kirisi.

Koula 9:20

ɗaa gə tɔg-ɛ baa ja n-aw n-pa tar lə Jeju mə kəy nendoje gə to gə Jeju nee le to ngon lə Luba.

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

1 Corinthiendjé 1:23

Ngaa sijee le, Kirisi gə ꞌɓər-e kagə dəsə gə ɓa j-ila mbər-e, ye ja to gəl koso lə Jiibije ngaɓa dəwje gə ꞌto Jiibije ang gə d-o gə tar mbə.

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 12:8

Njil ar dəw gə kara tar kəm karə; ar dəw gə kən gusutar gərə ne, gə go Njil gə kara baa nee le ja;

1 Corinthiendjé 15:12

Be ɓa, to gə ɓo d-ila mbərə to gə Kirisi uy ɓa ndol horo nje gə d-uy gə ɗaa, nje gə kɛm horo-sisəy gə ꞌpa na ce buwa yo gə lə nje gə d-uy godo to gə ban wa?

1 Corinthiendjé 2:15

Dəw gə Njil isi m-e gə le gərə kɔr kəm ne tɔ̰y, ngaa ꞌne ɗaa dəw kara ja kara asə gangə tar dɔ-ɛ gə ang.

1 Corinthiendjé 2:6

Logə m-pa tar kəm karə m-ar dəwje gə ꞌtɔgə dɔ takagə gə le, to kəm karə gə dɔ nangə nee ang nəm, ɓa to kar mbay lə njilje gə njeko̰ dɔ loje gə dɔ nangə nee gə d-a tuji pugudu le ang.

1 Corinthiendjé 4:14

ꞌM-ɗa mbede gə nee le mba kila ne rɔ kul kəm-si gə ang; ngaa m-ndəji-si to gə ngan-m gə m-njigi-je.

2 Corinthiendjé 10:14

To gə ɓo j-ɔsə rɔ-sijee mba kaw gə j-aw ɓə lə-si nama j-ɔsə rɔ-si j-al ne dɔ ɗəw nimje ang, mba sijee ja to dəwje gə dɔngɔr gə j-aw saar ja ce gə Tar gə May lə Kirisi ɓə lə-sisəy.

2 Corinthiendjé 11:2

Mba m-nər mə mba tar lə-si, to gə nər mə gə ḭ rɔ Luba gə ja, mba m-uwa gə si mɔrə m-ar jingaw kara baa ja, to to gə ꞌmbakum gə to gə losang-ɛ, mba kɔr-si kar Kirisi.

2 Corinthiendjé 4:5

Bənəng ang baa, mbərə tar gə j-ila le ɔji dɔ sijee ang, ngaa Jeju kirisi gə to Mbayɓe ɓa j-ila mbər-e. Ngaɓa sijee j-o rɔ-sijee gə ɓərəje lə-sisəy mba Kirisi.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Ephésiendjé 5:27

mba tɔji ne mbo̰ naa lə njetakagəje gə ɗaga kar-ɛ ndole yondə-yondə ta kəm-e ꞌne gə ja, kar-ɛ n-mina ose n-ndole njɔl-njɔl ang nəm, ose mba kar ne gə to gə mar-ɛ bənəng ɓar ri-a ang nəm tɔ. Ngaa mba kar-ɛ n-to gə losang-ɛ ngaɓa kar tar uwa dɔ-ɛ ang nəm tɔ.

Colossiendjé 1:22

ngaa ɓisine n-um gə si naa gə ɗəw kuy gə lə darɔ-ɛ, mba kar ꞌceje ar-je ne no-ɛ gə gə njerɔsangəje gə may pɛdə ngaɓa tar uwa dɔ-si ang;

Colossiendjé 2:10

Ɗaa təbə lə-sisəy andə mə naa gə gə təbə lə-a, ꞌne gə n-to Mbay gə nje dum dɔ njilje gə njeko̰ dɔ loje tɔ̰y ngaɓa njeko̰ loje tɔ̰y nəm tɔ.

Colossiendjé 2:3

ꞌne le ɓa nekingaje tɔ̰y gə to gə kəm karə gə negərə d-iya rɔ-je rɔ-ɛ gə.

Colossiendjé 3:16

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 4:6

ɔji dɔ neje gə nee le ɗaa, may kar dəw kara kara mbɔlɛ ne lə ngon ko̰-ɛ ose ɗa kəm kə̰y dɔ ne gə lə-a ang, mba Mbayɓe a dal ba̰a̰ neje gə be le tɔ̰y, j-a pa tar-ɛ j-ar-si nam ja ngaa j-a təl pa ja cibi.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

1 Timoce 3:2

Be ɓa, may kar nje ka dɔ lo kuwa dɔ naa le tar a kuwa dɔ-ɛ ang, n-a to nje jene gə kara, n-a ɗa mə bo nekusa ang, n-a kunda kəm karə dɔ rɔ-ɛ gə, n-a to njekuwa nuji, n-a to nje kuwa mbaje cibi n-a kasə mba tɔji ne dəwje.

Ebərəje 10:14

Mba gə go nepolo gə kara baa ja n-təl ne njekɔr ne tar neɗa gə kṵra̰y dɔ-je gə gə dəwje gə may pɛdə gə dɔbo̰.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

2 Piyɛr 3:15

To gə ngon ko̰-si gə m-njig-e ya̰, Pɔl ɗa ne mbede gə go kəm karə gə d-ar-ɛ le, may kar oje kila mə dɔ mar-ɛ gə lə Mbayɓe le gə ɗəw kaji lə-si.