Colossiendjé 1:23 - Mbede Lə Luba Kone Gə Sigi

²³ Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Testament ke Siki 1960 (Kabba Laka)

²³ Tokou sésè ndjaidjé ke ko mè té ngeng ke né kada yèsè ang, ke etouraidjé ta kïya mè ngebe lo tar ke madji ang, ke sésè woidjé leo ke mpa dare dooudjé toï ke dò nange té nèn, ke darem ma Paul ta dé ndjè tòdjou tarè.

Colossiendjé 1:23 ပူးပေါင်းရင်းမြစ်များ

Marəke 16:15

Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y.

Lugu 22:32

Ngaa ꞌma ɗaa, m-dəji Luba mba-i mba kar takagə lə-i unda nangə ang. Ɗaa ꞌi, lo gə ꞌtəl um sə-m naa gə nama, ꞌi ngaɓa a kula jingaw mə ngan ko̰-ije gə.

Lugu 6:48

N-taa naa gə dəw gə unda kəy, uru buwa gadə kəy ar uru ya̰ ɓa um ər kəne nam ɓa unda kəy dɔ-ɛ gə. Logə man ta lo ɗaa kəy le to taar jagəra, mba kəy le d-unda gə maj-ɛ.

Jean 15:6

Dəw gə um sə-m naa gə ang nama d-ɔs-ɛ d-ila-a ɗaga asə naa gə bar kəm kagə bḭyə̰, n-tudu kurum ɗaa d-un-e d-ila-a pədə ɗaa pər o̰.

Koula 1:17

ꞌNe ja kara ꞌtura-a horo-si gə ngaɓa d-um kula k-ɛ ji-a gə tɔ.

Koula 1:25

mba kar n-to ngon njekula ngaɓa n-ɗa kula toro lo gə Judas uba ḭya̰ aw lo gə ɔji dɔ-ɛ gə.

Koula 1:8

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Koula 11:23

Logə n-ce Antiyos gə to gə n-o mənuji lə Luba ɗaa n-ɗa rɔləl ngaɓa n-ula jingaw mə-je gə mba kar d-um mə-je dɔ Mbayɓe gə.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Koula 2:5

Dɔ ndɔ-ɛ gə əng le Jiibije gə njekila kuji dɔ Luba gə je, mə gəl kuji dəwje gə tɔ̰y gə dɔ nangə nee ja ꞌɗe d-isi Jerujalɛm.

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

Koula 26:16

Ngaa uba nangə ḭ taar ar dɔ gɔl-i gə; ne gə m-kila ne rɔ-m kəm-i gə ɓa nee: M-ɔr-i gə njekula lə-m ngaɓa njetar naji lə neje tɔ̰y gə o gə yeje gə m-a kar-i a ko.

Koula 4:12

Dəw gə ɗangə kara gə kaji a kḭ rɔ-ɛ gə le godo, mba horo dəwje gə dɔ nangə nee le ri dəw kara gə j-a kaji ne godo.

Romaindjé 10:18

Ngaa m-pa na: Ko ɓa d-o ang wa? Ngaa gə Ndu-je ta lo dɔ nangə nee tɔ̰y le, Ngaɓa tarje gə ꞌpa le ɔr sṵra̰ dɔ nangə njal.

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 5:5

ngaɓa, kunda mə ɗa nerɔkul ang, mba Njil Njerɔsangə gə d-ar-si le, ar njigi lə Luba ta mə-si ya̰-ya̰.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

1 Corinthiendjé 3:5

Apolos ɓa to gə ɗi wa? Pɔl ɓa to gə ɗi wa? ꞌTo gə njekulaje gə ɗəw gə lə-je ɓa ꞌta-je ne kagə, gə go ɗəw gə Mbayɓe ar-je ne ne kara kara.

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 11:23

ꞌTo njekulaje lə Kirisi wa? M-pa to to gə dəw gə dɔ-ɛ godo gə kɔrɔ be, m-to njekula lə Kirisi m-unda-je: ɗəw kula gə, ɗəw to kəy kula gə, ɗəw kunda gə ꞌkunda-m gə. Taar-taar ja m-aw ta yo cɛbɛdə-cɛbɛdə,

2 Corinthiendjé 3:6

Luba ja təl sijee gə dəwje gə d-asə to ngan njekulaje lə kone gə sigi, ɗəw torondu gə mə mbede gə ꞌɗa ang, ngaa ɗəw Njil gə; mba torondu gə mə mbede gə le to gə yo, ngaa Njil ɓa ar dəw kisi gə təbə.

2 Corinthiendjé 4:1

Gəl-e gə nee ɓa, kula gə Luba um ji-si gə go məmay gə lə-a le, sijee j-ila ne kasə ang.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Galatedjé 4:11

Njil-im ce mba kulaje tɔ̰y gə m-ɗa horo-si gə le təl to ne gə baa.

Galatedjé 5:5

Kar-sijee le, j-a ngina gə takagə ɗəw Njil gə mba kar d-o si gə dəwje gə gadə-gadə, ye ɓa gə ne gə m-ngəɓə.

Galatedjé 5:7

Sisəy unje ɗəw gə maj-ɛ nam: Na ɓa ɔgə-si lo kila kuji dɔ tar gə tɔgərɔ gə wa?

Galatedjé 6:9

May kar-si j-ɔrəje dɔ neɗa gə may gə ang; mba dɔ kar-ɛ asə nama j-a kunjaje kand-e to gə ɓo j-ar njang dɔ-ɛ gə.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Ephésiendjé 2:21

Ɗəw gə lə-a ꞌne ɓa d-unda ne kəy le tɔ̰y d-ar-ɛ uwa naa njid-njid gə maj-ɛ d-ar-ɛ ḭ taar mba kar to kəy gə lə Luba gə to gə losang-ɛ ɗəw gə lə Mbayɓe.

Ephésiendjé 3:17

May kar Kirisi ɗa ɓe mə-si gə kəy kɔrɔgə ɗəw takagə gə, ngaɓa may kar njigi ula ngira-a mə-si gə pə̰y-pə̰y nəm, ar-je dan-ɛ gə dana badagə nəm tɔ.

Ephésiendjé 4:16

Ɗəw gə lə-a ꞌne, ngaɓa mbɔr dɔ lokurugo̰je tɔ̰y ɗaa, darɔ ja tɔ̰y nam ta naa gə to ne kara baa, ngaɓa mbara rɔ kara kara tɔ̰y ja ɗa kula ar darɔ le tɔgə ne dan njigi gə.

Colossiendjé 1:25

Mbo̰ naa le njetakagəje nee le ja m-təl m-to njekula kəne. Luba um kula ji-m gə mba kar m-ila mbərə tar lə-a gə n-pa n-ar-si.

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

1 Thessaloniciendjé 3:3

mba kar neməko̰je gə ɓisine cɛdə singa dəw kara horo-sisəy gə ang. Mba sisəy ja kara ꞌgərəje to gə neje gə əng le to ɔji dɔ sijee ja.

1 Thessaloniciendjé 3:5

Gəl-e gə nee ɓa ꞌma ja kara m-ore mə-m pḭḭ ɗaa m-ula Timoce mba kar aw tən-si dɔ takagə lə-si o, mba m-ɓəəl m-pa na kar nje kərə dəwje d-aw d-ərə si ngaɓa kar tuji ne kula gə sijee j-a ɗa le pugudu.

1 Thessaloniciendjé 5:8

Ngaa sijee gə ja to nje nja dan kara-je le, j-undaje kəm karə dɔ rɔ-si gə: J-ulaje kubu ɗɔ gə ngira king-king kar takagə, gə kar njigi ngaɓa jɔgə kar kunda mə lə kaji.

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

1 Timoce 1:12

M-ar oyo Kirisi Jeju, Mbayɓe lə-si gə ar-m singa ngaɓa tura-m gə dəw gə gadə-gadə ɓa ɓar-m mə kula gə lə-a,

1 Timoce 2:7

Kudu tar-ɛ gə nee le ɓa, Luba təl-m ne to gə njetɔji tar ngaɓa to njeka̰ykula, mba kar m-tɔji tar dəwje gə ꞌgərə Luba ang ɗəw takagə gə ɗəw tar gə tɔgərɔ gə. M-pa tar gə tɔgərɔ ɓo m-ɗəgərə ang.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Ebərəje 10:38

Ɗaa dəw lə-m gə gadə-gadə a kaw kəm baa ɗəw gə lə takagə. Ngaa to gə ɓo n-ɔr rɔ-ɛ gə gugu nama, kəm lə-m a kinga rɔləl dɔ-ɛ gə ang.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 4:14

Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

Ebərəje 6:19

Nekunda mə nee le uwa nangə baa-baa to gə ngaw lar gə ɔy gə ꞌtɔ man gə be, mba təbə lə-si. N-riba bal dɔ gə mə kəy gə lə Luba gə to dara, n-andə no kɔgə gə,

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

1 Jean 2:27

Sisəy le ɗaa, Njerɔsangə uwa dɔ-si gə ubu le nam, ɓo dəw a tɔji-si ne ang ngaa; ngaa mba ubu gə n-uwa ne dɔ-si le tɔji neje tɔ̰y, to gə n-to ne tar gə tɔgərɔ ja ɓo tar gə ɗəgərə ang, ɗaa umje sə-a naa gə to gə n-tɔji le.

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.