Colossiendjé 1:16 - Mbede Lə Luba Kone Gə Sigi

¹⁶ Mba ꞌɗa ne ne tɔ̰y mə dara gə, gə dɔ nangə nee ɗəw gə lə-a, ne gə kəm dəw o gə ye gə kəm dəw o ang, ngəndəng mbay, nje dum dɔ loje, njeko̰ dɔ loje gə njesingamongəje. Neje tɔ̰y nee le ꞌne ja n-ɗa ngaɓa ɔji dɔ-ɛ ja.

Testament ke Siki 1960 (Kabba Laka)

¹⁶ Mbata nda né toï deo té la, né ke mè dara té ke do nange té, né ke kem ase ta ko, ke né ke kem ase ta ko ang, tokou to ngèndé ko béh aséh singa, aséh ndjè ke ö looudjé, aséh ndjè kö béhdjé, nda né toï deo té la, ke mbata la.

Colossiendjé 1:16 ပူးပေါင်းရင်းမြစ်များ

Jean 1:10

Tar le ga̰ dɔ nangə gə nee, ngaɓa dɔ nangə le to gə nekunda lə-a, ngaa dəwje gə dɔ nangə nee ꞌtəl gər-e ang magə.

Jean 1:3

ꞌNe ja ɓa n-unda ne neje tɔ̰y, ngaɓa ne kara be gə gə ga̰ gə lal kar n-to njegəl-e le godo tɔ.

Romaindjé 11:36

Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!

Romaindjé 8:38

Mba m-gərə gə maj-ɛ to gə yo ang nəm, təbə ang nəm, anjije ang nəm, njeko̰ dɔ loje ang nəm, ndɔ gə ɓogəne ang nəm, ndɔ gə bara ang nəm,

Romaindjé 9:5

gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!

1 Corinthiendjé 8:6

be ja kara kar-sijee le, Luba kara baa ɗəgədə, Bɔ dəwje, gə neje tɔ̰y ḭ rɔ-ɛ gə ngaɓa j-a to njeka-ɛje, ngaɓa Mbayɓe kara baa, Jeju Kirisi gə ne tɔ̰y ɗe ɗəw gə lə-a ngaɓa mbɔr dɔ-ɛ ɓa j-aw ne kəm baa.

Ephésiendjé 1:10

gə mba ɗa, logə dɔ kar-ɛ a kasə: kuwa neje tɔ̰y dɔ naa gə ko gəl Kirisi gə, neje gə mə dara gə, gə neje gə dɔ nangə gə nee.

Ephésiendjé 6:12

Mba ɗɔ lə-sijee ɔji buwa darɔ gə məsə ang, ngaa ɔji dɔ nje dum dɔ loje gə njeko̰ ɓeje, gə njeko̰ dɔ loje gə cil ciməri gə gə dɔ nangə gə nee, gə njilje gə njesingamongəje gə kṵra̰y gə dara.

Philippiendjé 2:10

mba kar nje gə ɗa-ɗa, mə dara gə, dɔ nangə nee gə gəl nangə ɓa ɓo ri Jeju oso mbi-je gə nama d-um məkəji,

Colossiendjé 1:15

N-to ndaji Luba gə kəm dəw o-e ang, ngaɓa n-to dər nekundaje tɔ̰y.

Colossiendjé 1:20

ngaɓa mba n-gɔl neje tɔ̰y n-ar um sə-a ꞌne ja naa gə, neje gə dɔ nangə nee gə neje gə mə dara gə, kar ɗɛgɛgɛ ɗe ne ɗəw gə lə-a gə ɗəw məs-e gə kagə dəsə gə.

Colossiendjé 2:10

Ɗaa təbə lə-sisəy andə mə naa gə gə təbə lə-a, ꞌne gə n-to Mbay gə nje dum dɔ njilje gə njeko̰ dɔ loje tɔ̰y ngaɓa njeko̰ loje tɔ̰y nəm tɔ.

Colossiendjé 2:15

n-ɔr ne mbay dɔ njilje gə njeko̰ dɔ loje gə njeko̰ loje, n-unda-je gə nekogo kəm dəwje gə, n-cɛdə ne ɗɔ dɔ-je gə ɗəw kuy gə kagə dəsə gə.

Ebərəje 1:2

ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.

Ebərəje 2:10

Be ɓa ꞌne gə neje tɔ̰y ɗe ɗəw gə lə-a ngaɓa neje tɔ̰y to ɔji dɔ-ɛ, cibi n-ar ngan-ɛ bula d-inga rɔnduba ɗaa nje gəl kaji lə-je n-ar-ɛ ɗe gə dəw gə may pɛdə ɗəw ko ꞌməsərə gə.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.