Colossiendjé 1:10 - Mbede Lə Luba Kone Gə Sigi

¹⁰ mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Testament ke Siki 1960 (Kabba Laka)

¹⁰ Ta ndja madji ase kem Mbaibé Seigneur té, ta da né ke arè rònèl nya, ta kan kandé mè koula té ke madji toï, ke ta kan deo geré Allah té.

Colossiendjé 1:10 ပူးပေါင်းရင်းမြစ်များ

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 15:8

Ɗəw gə Bɔy a kinga ne riɓar le ɓa to nee: kar-sisəy andəje mbənji-mbənji ngaɓa kar ꞌtoje gə ngan njenendoje lə-m tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Romaindjé 1:13

Ngan ko̰-m, m-njigi kar-si ꞌgərəje to gə taar-taar ja m-gɔl mba kaw ɓə lə-si, mba kaw ɗa kula kinga ne dəwje kar Kirisi to to gə m-ɗa ne horo nje gə kɛm gə to Jiibije ang, ngaa saar ɓogəne kara m-inga ɗəw ang ja ɓi.

Romaindjé 4:12

ngaɓa n-to ka njekunja bərəje, gə to gə dəwje gə njekunja bərəje go kara baa ang ngaa nja-je dɔ gɔl ka-sijee Abəraham le ɗəw takagə gə kede nam ɓa unja bərə ɓi le.

Romaindjé 6:4

ꞌDubu-si sə-a naa gə kara baa ɗəw batɛm gə, mba kar to gə Kirisi uy ɓa ndol ne horo nje gə d-uy gə ɗəw rɔnduba gə lə Bɔ dəwje le, ɗəw kara baa kar-sijee kara j-a nja ne ɗəw kisi kəm baa gə sigi tɔ.

2 Corinthiendjé 2:14

Oyo ar Luba gə ar-sijee ja cɛdə ɗɔ mə Kirisi gə gə ndɔje tɔ̰y, ngaɓa ɗəw gə lə-sijee ɗaa, ba̰y kəndə mambo̰ negərə lə Kirisi sagə pə-pə gə lo tɔ̰y.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

2 Corinthiendjé 5:9

Gəl-e gə nee ɓa, to gə ɓo j-isi ne mə darɔ-si gə nee, ose ja tusu j-iya̰ kara, ne gə uwa mə-sijee, to gə may ta kəm Mbayɓe gə.

2 Corinthiendjé 9:8

Luba asə kar-si nemayje dang-dang, mba kar ingaje ne ne gə ndɔje tɔ̰y gə a la gə rɔ-si, ngaɓa ye gə nay ji-si gə ya̰ le a kuwaje ne nuji tɔ,

Ephésiendjé 1:17

mba kar Luba lə Mbayɓe lə-sijee Jeju Kirisi, Bɔ dəwje gə njeriɓar, ar-sisəy njil kəm karə gə njil kila dɔ ne mba kar-si ꞌgər-eje ne.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 4:13

saar kar-sijee ja tɔ̰y, ja təl ja to ne gə dəwje gə kara baa ɗəw takagə gə, gə ɗəw gərə Ngon lə Luba gə, gə to ne gə dəw gə tɔgə asə naa gə lo kunda rɔ Kirisi gə may pɛdə.

Ephésiendjé 5:10

ꞌSangəje ɗəw mba gərə ne gə mə Mbayɓe njigi;

Ephésiendjé 5:15

Be ɓa, undaje kəm karə dɔ pa nja-si gə gə maj-ɛ: ꞌnjaje ji mbəje ang, ngaa ji njekəmkarəje.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Philippiendjé 4:18

M-inga ne tɔ̰y ɗaa m-isi dan may gə ngaa; mə-m ti mbidi, mba ne gə ar-je Epaporoditə ɗe ne le əndə ləl to to gə ba̰y kəndə mambo̰ gə əndə sa̰a̰ be, to gə nepolo gə Luba njigi ngaɓa ta kəm-e tɔ.

Colossiendjé 2:19

ꞌJejee nee le, d-um naa gə gə Kirisi gə to dɔ dəw le ang. Mba Kirisi le to dɔ dəw gə darɔ gə ngira rɔje tɔ-ɛ ne naa gə lo kuru go̰je naa gə ɗaa Luba ɓa ar dəw tɔgə ne.

Colossiendjé 2:6

Be ɓa mba ꞌtaje Kirisi Jeju gə Mbayɓe ɗaa may kar-si ꞌnjaje ɗəw gə lə-a,

Colossiendjé 3:20

Nganje, dan neje gə tɔ̰y le, ilaje kuji dɔ njekuji-sijee gə, mba ye gə kən ja ɓa may ta ne kəm Mbayɓe gə.

Colossiendjé 4:5

ꞌNjaje horo nje gə ꞌgərə Kirisi ang ɓi le, gə kəm karə, ḭya̰je dɔ kar ar-ɛje nday baa ang.

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

1 Thessaloniciendjé 4:1

Ɗudu tar ɗaa, ngan ko̰-sijee, ne gə j-a dəji sisəy ngaɓa j-a ndəji sisəy kəne ɗəw gə lə Mbayɓe Jeju ɓa to nee: pa nja gə dəw a nja ɓa mba ta ne kəm Luba le ꞌndoje rɔ-sijee gə, ɗaa njaje pa nj-ɛ nam ngaa, be ɓa may kar-si ꞌnjaje kəne be dɔ-si gə kede ja ɓi.

2 Timoce 2:4

Dəw gə un rɔ-ɛ gə njeɗɔ le, ɓo njigi may ta kəm njeko̰ dɔ-ɛ gə nama a jɔgə rɔ-ɛ mba neje gə ɗangə ang.

Tite 3:1

Ole mə njetakagəje tɔ̰y ar-je d-oso kul no njeko̰ dɔ dəwje gə cibi d-ila kuji dɔ njeko̰ ɓeje gə ɓo d-isi pɛrɛrɛ mba ɗa ne kula gə ɗa-ɗa gə may,

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Ebərəje 11:5

Gə go takagə ɓa d-un ne Enɔgə kəm baa lal kar-ɛ uy, ar d-o-e ang magə, mba Luba un-e. Mba nam ɓa kar d-un-e le, ꞌɗa tar naji lə-a to gə n-ta kəm Luba.

Ebərəje 13:16

Be ɓa ar-je mə-si uy dɔ ɗa may gə gə la gə dəwje ang, mba nepoloje gə to gə be le ɓa ləl Luba.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

2 Piyɛr 1:8

Be ɓa ɓo neje gə nee le to mə-si gə ngaɓa ɓo ɔsə dɔ naa gə kede-kede nama, a ɗaje kula kar nduj-e a to mba kar ꞌgərəje ne Mbayɓe Jeju Kirisi;

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.

1 Jean 3:22

Ne gə ɗa-ɗa ɓa gə j-a dəji nama, j-a kinga ji-a gə, mba sijee ja ngom ndu-e ngaɓa j-a ɗa ne gə may ta kəm-e gə.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

3 Jean 1:6

ꞌPa tar naji njigi lə-i no Mbo̰ naa lə njetakagəje. May kar ꞌgɔl ne kaw mbaa lə-je gə ɗəw gə Luba njigi,