Apocalypse 9:20 - Mbede Lə Luba Kone Gə Sigi

²⁰ Ɔji dɔ kɛsə dəwje gə ꞌnay ɗaa, nje gə d-uy yo tuji gə oso ang le, ꞌturu kəji lə-je ɔji dɔ kula ɗa-je ang, ꞌpolo njilje gə kṵra̰y dɔ-je gə kede-kede, magəje gə maa ose gə lar kasə, gə lar kasə gə ər ose gə kagəje gə d-asə ko lo ndɔ kara be ang nəm, ko tar ndɔ kara ang nəm ɓa, nja ndɔ kara ang nəm tɔ.

Testament ke Siki 1960 (Kabba Laka)

²⁰ Kese dooudjé ke ntòldè deo né ndoo té nèn ang, dèdè mbeté koula ke djidè da ang, aséh dïya ta wal ndildjé ke madjang ang, ke kòrdjé ke to lor ke to narè ke ndaa ke to narè kasè ke to err ke kake, ke ase ta ko loou ang, aséh ta ko tar ang, aséh ta ndja ang.

Apocalypse 9:20 ပူးပေါင်းရင်းမြစ်များ

Matiye 21:32

Mba Ja̰ ɗe rɔ-si gə gə ɗəw gə gadə-gadə, ngaa ꞌtaje kag-ɛ ang. Ɗaa njembo̰ lar gədə ɓeje gə jene kayaje ɓa ꞌta kag-ɛ, ngaɓa oje neje nee le gə kəm-si ja ngaa ꞌmbadəje mba turu kəji lə-si gə mba ta kag-ɛ.

Koula 17:29

Be ɓa ɓo ja to ngan mə Luba nama j-a kəji to gə Luba unda rɔ maa ose lar ose kɔr ər, gə kagə gə ꞌtɔl ngaɓa unda rɔ-ɛ to to gə dəw əji ne m-e gə ang.

Koula 19:26

Ngaɓa oje gə kəm-si nəm gə mbi-si nəm, Epɛs nee baa ang ngaa gə dɔ nangə gə Aji ja tɔ̰y, ꞌne gə Pɔl nee le, n-pa na: Magəje gə dəwje ꞌɗa gə ji-je le ꞌto magəje ang, n-bɛ̰ ne ta bula dəwje ngaɓa n-turu ne kəji lə-je nəm.

Koula 7:41

Ɗaa dɔ kar-ɛ gə əng le d-uba-je ngon mangə ngaɓa d-un-je nepolo d-ar-je magəje le cibi ꞌtəl-je ꞌɗa-je rɔləl no ne gə sijee ja ꞌɗa gə ji-je le.

2 Corinthiendjé 12:21

M-ɓəəl mba logə m-a ce ɓə lə-si nama Luba a kḭ kila rɔ kul dɔ-m gə mba sisəy, kar man no a ndogo-m ɔji dəwje bula gə kede ꞌto nje gə ɗa neɗaje gə kṵra̰y, ɗaa ꞌturu kəji lə-je dɔ ne gə mina gə ang nəm, gə dɔ kaya gə ang nəm ngaɓa dɔ to bula njagəda gə ang nəm tɔ.

1 Timoce 4:1

Be ɓa Njil pa arə ngadə ja na: dɔ ndɔ gə gugu le, dəwje gə kɛm d-a tusu takagə lə-je kḭya̰ mba kuwa go kəji gə baa nəm gə netɔjije lə njilje gə kṵra̰y.

Apocalypse 15:1

Cibi, m-o netɔji gə ɗangə gə bo ngaɓa to ɓəəl ya̰ mə dara gə; anjije siri d-uwa tujije gə gə bo̰ siri ji-je gə, mba Luba ɓugu wungu lə-a ɗəw gə lə-je.

Apocalypse 16:8

Anji gə njekum gə sɔɔ mbəl ngo nekay lə-a kəm kar gə. D-un ɗəw d-ar-ɛ n-ro dəwje gə pər,

Apocalypse 9:19

Mba singamongə lə kundaje le to mə kil-je gə ngaɓa to ɓongə-je gə. To gə be ɓa ɓongə-je ta naa gə lije, ɗaa dɔ-je kəne, ye ɓa d-asə mba ɗa ne dəwje məyɛr.

Apocalypse 9:21

ꞌTuru kəji lə-je dɔ tɔl dəwje gə lə-je ang nəm, dɔ ɗa mbɛ̰je gə lə-je ang nəm, dɔ kayaje gə lə-je ang nəm, dɔ ɓogoje gə lə-je ang nəm tɔ.