Apocalypse 8:9 - Mbede Lə Luba Kone Gə Sigi

⁹ Nekundaje gə d-aw dan man babo gə le, ꞌkay-je dana ɓe munda ɗaa, dəɓə-je gə ɓe kara d-uy kərəng ngaɓa toje gə ꞌkay-je dana ɓe munda le, ꞌtuji dəb-eje gə ɓe kara pugudu.

Testament ke Siki 1960 (Kabba Laka)

⁹ Er man kada ke dana mouta dé to mese, nédjé ke to tébe ke mè tòkou man té er kada ke dana mouta woei, ke to er kada ke dana mouta toudjou.

Apocalypse 8:9 ပူးပေါင်းရင်းမြစ်များ

Apocalypse 12:4

ꞌKay ndɛ̰ndərɛ̰ndɛ̰je dana lo munda ɗaa, ɓong-e təbə dəɓə-je gə ɓe kara ndolong um-je dɔ nangə gə. Ɗaa da kɔb ar ngɔbə ta jene gə aw mba kuji ngon le, mba kar lo gə nuji ngon-e pəngə n-ila-a nangə nama kun-e kusa.

Apocalypse 16:3

Anji gə njekum gə joo mbəl ngo nekay lə-a mə babo kadə gə, ɗaa babo kadə le təl məsə to gə məsə dəw gə uy be; nekundaje tɔ̰y gə d-aw kəm baa gə to mə babo kadə gə d-uy.

Apocalypse 8:10

Anji gə njekum gə munda to kuul lə-a ɗaa ndɛ̰ndərɛ̰ndɛ̰je gə boy ya̰ d-ḭ dara ꞌtoso nangə d-o pər to gə ngəəl be toso dɔ dəbə baa gə kara gə ꞌkay dana ɓe munda gə dɔ kəm ɗəw manje gə.

Apocalypse 8:12

Anji gə njekum gə sɔɔ to kuul lə-a ɗa dəbə kar gə ꞌkay dana lo munda, gə dəbə nay gə ꞌkay dana lo munda, gə dəbə ndɛ̰ndərɛ̰ndɛ̰je gə ꞌkay-je dana lo munda le ꞌtuji-je pugudu. Dəb-eje gə ɓe kara ndogo ang magə. ꞌKay lokarə dana ɓe munda ɗaa dəb-e gə ɓe kara unda mburugu ngaɓa londul kara to gə bənəng tɔ.

Apocalypse 8:7

Ye gə dɔngɔr to kuul lə-a: kuji gə pər gə polo naa gə məsə wɛgəsɛ-wɛgəsɛ toso nangə. Dɔ nangə gə ꞌkay dana ɓe munda le, dəb-e gə kara o̰ pər kərəng, ꞌkay kagəje dana ɓe munda ɗaa dəb-eje gə ɓe kara o̰ pər kərəng ngaɓa mə kɔr gə ndul gə man ngɔ̰y-ngɔ̰y le o̰ pər kərəng tɔ.

Apocalypse 9:15

Ɗa ꞌtudu anjije gə sɔɔ gə d-ar pɛrɛrɛ ɔji dɔ kar-ɛ, gə ndɔ-ɛ, gə nay-ɛ, gə ɓal-ɛ gə d-a tɔl ne dəbə dəwje gə kara gə kay-je dana lo munda le.

Apocalypse 9:18

Pər, gə sa pər, gə sori gə ce ta kundaje gə le, to gə tujije munda. Ɗəw gə lə tujije gə munda nee le ja ɓa dəwje gə ꞌkay-je dana lo munda le, dəɓə-je gə ɓe kara ꞌbusu ne ragə tɔ.