Apocalypse 7:15 - Mbede Lə Luba Kone Gə Sigi

¹⁵ Gəl-e gə nee ɓa d-ar ne no ngəndəng mbay gə lə Luba ꞌpol-e ne kara gə cil mə kəy gə lə-a. Ye gə isi dɔ ngəndəng mbay gə a kar d-isi mə kəy gə lə-a;

Testament ke Siki 1960 (Kabba Laka)

¹⁵ Mbata yèn dèdè déh no ngèndé ko béh té lo Allah, ke dèdè nda sa kade rem tilti rem mè tokou kei Allah té, nè ke nisi do ngèndé ko béh té, nè na da kei koubou la dodè té.

Apocalypse 7:15 ပူးပေါင်းရင်းမြစ်များ

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 8:1

Tar gə to ɓəəl ya̰ gə j-a pa ɓa nee: Buba njekapolo lə-si isi dɔ ji kɔl ngəndəng mbay gə lə Yejeje dɔ dara gə taar.

Apocalypse 11:19

Ɗaa ta kəy gə lə Luba gə mə dara gə cɛ̰, ngaɓa sandubu kone ce to mə kəy gə lə Luba; ɗaa nji təl pa̰y-pa̰y ngaɓa ndu dəwje ɓar gə nji ndangə bangərang-bangərang, nangə kara yə, ngaɓa kɔji nə̰y nangə hadada-hadada tɔ.

Apocalypse 13:6

N-cɛ̰ t-ɛ n-taji Luba, gə n-tar ri-a taar-taar ngaɓa n-taji lo kisi lə-a, gə dəwje tɔ̰y gə d-isi mə dara gə.

Apocalypse 20:10

Ɗaa ꞌSɛ̰ngərɛ̰ gə nje kərə dəwje kar-je ꞌndəəm le, d-ɔs-e d-ila-a dang pər gə o̰ bilim-bilim gə dan sori gə, mbɔr da kɔr gə je gə pajambərə gə gə mbɔr-ɛ. Ɗaa d-a ko ꞌməsərə dan kara gə londul gə, gə ɓal gə ɓal.

Apocalypse 21:22

Mə ɓebo gə nee le m-o kəy lə Luba kəne ang, mba Mbayɓe Luba gə njesingamongə je gə ngon badəm ja ꞌto gə kəy gə kəne.

Apocalypse 22:3

Nekugu tɔ̰y a godo saar gə no. Ngəndəng mbay le Luba je gə ngon badəm a ga̰ mə ɓebo gə le. Ɗaa, ngan njekulaje lə Luba d-a pol-e;

Apocalypse 22:5

Londul a godo saar gə no, d-a kaw ndoo ndogo le lambe ang nəm, gə ndoo ndogo le kar ang nəm tɔ. Mba Mbayɓe Luba ja a ndogo dɔ-je gə. Ngaɓa d-a ko̰ ɓe gə ɓal gə ɓal.

Apocalypse 4:4

Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.

Apocalypse 4:8

Nekundaje gə sɔɔ gə d-aw kəm baa nee le, na-na kara baag-ɛ misa̰-misa̰. Kəm-je ɗusu rɔ-je njḭ gugu bagir-je ula naa gə mbugu saar ce mə-je gə kəy kɔrɔgə. Kar gə cil le, d-uwa kɔr-je ang, ɗaa ꞌpa na: Njerɔsangə, njerɔsangə, njerɔsangə, Mbayɓe, Luba gə njesingamongə, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 4:9

Ngaɓa taar-taar lo gə nekundaje gə sɔɔ gə d-aw kəm baa d-ɔsə gaji nje kisi dɔ ngəndəng mbay gə, ꞌne gə nje kisi gə ɓal-ɓal, ngaɓa ꞌɗɔy-ɛ gə ꞌɗ-ɛ oyo ɗaa,

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,