Apocalypse 7:14 - Mbede Lə Luba Kone Gə Sigi

¹⁴ Ɗaa ꞌma m-ila-a kəne m-pa na: Mbayɓe lə-m, ꞌi ꞌgərə som! N-pa n-ar-m na: D-ḭ lo neməko̰ gə to ɓəəl ya̰. ꞌTogo kubuje lə-je gə ngal yududu-yududu ngaɓa ꞌsugu gə məsə Ngon badəm gə d-ar nda kələw-kələw.

Testament ke Siki 1960 (Kabba Laka)

¹⁴ Ma mpa marè, Ebemdjè, i geré. Nè mpa narem, Dèdè nto dèdè ke ntéh daka ke tokou né ndoo, dèdè ntoko koubou lodè ke ndadè daredè ndé ndaa ke mese lo Ngon bati.

Apocalypse 7:14 ပူးပေါင်းရင်းမြစ်များ

Matiye 24:21

Mba dɔ kar-ɛ gə əng ja le, neməko̰je gə to ɓəəl ya̰ gə ce ndɔ kara ang a ce dɔ nangə. Ngaɓa neməko̰ gə be le a təl ce ang magə ja gə dɔbo̰.

Marəke 13:19

Mba a to ndɔ ne ur tije gə ce ndɔ kara ang, neməko̰je gə gar-ɛ godo, logə Luba un kudu ɗa ne dɔ nangə nee ja saar ce ɓogəne, ngaɓa neməko̰ gə be le a təl ce ang magə ja gə dɔbo̰.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Romaindjé 5:3

Cibi ɓa, le dan ꞌməsərəje gə ja kara sijee j-a ɗa rɔləl, mba j-a gərə to gə ꞌməsərə uji kuwa gədərə,

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

2 Thessaloniciendjé 1:4

Be ɓa, rɔ-si ləl-si dɔ sisəy gə horo Mbo̰ naaje lə njetakagəje le Luba, mba uwaje gədərə gə takagə lə-si dan nekəmandooje gə, gə dan ꞌməsərəje gə ce dɔ-si gə.

Ebərəje 13:12

To gə be ɓa Jeju kara ꞌtɔl-ɛ gir ɓe gə ɗaga ɓa togo ne dəwje gə məs-e.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

1 Piyɛr 1:19

ngaa ꞌndogo-si gə məsə gə may pɛdə, to to gə məsə ngon badəm gə rɔ-ɛ to təb ngaɓa arə ngadə, to məsə Kirisi;

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 12:11

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Apocalypse 15:2

Ɗaa m-o ne gə ta naa gə babo gə arə kə̰rə̰rə̰ to gə ər gə ndɔ̰y be, polo naa gə pər, ngaɓa nje gə ꞌcɛdə ɗɔ da kɔr, gə ndaji lə-a ngaɓa gə kɔr ne gə ta ri-a gə, d-ar taar dɔ babo gə, gə arə kə̰rə̰rə̰ to gə ər gə ɓar-ɛ kirisital. D-uwa konde lə Luba ji-je gə.

Apocalypse 17:6

Ɗaa m-o jene gə ay məsə njerɔsangəje gə njetar najije lə Jeju ar ɗ-ɛ to gə kodo be. Logə m-o-e ɗaa lo tar igi-m sɛl.

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.

Apocalypse 22:14

Nje gə ꞌtogo kubu lə-je le, ꞌto gə njenokarəje mba d-asə kusa kandə kagə təbə, ngaɓa mba kar d-andə mə ɓebo gə ta ɗəw kəyje tɔ.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,