Apocalypse 3:5 - Mbede Lə Luba Kone Gə Sigi

⁵ Be ɓa, dəw gə cɛdə ɗɔ nama, d-a kula-a kubu gə nda; m-a tuji ri-a mə mbede təbə gə ang, ngaɓa m-a pa tar lə-a gə ɗaga no gɔl Bɔy gə, gə no gɔl anjije gə lə-a.

Testament ke Siki 1960 (Kabba Laka)

⁵ Nè ke ndai ke singa nè na koula koubou ke ndaa tokou ban, ke ma ma toudjou ria maketourou tébe té ang, ma ma bar ria no Bòi té ke no angedjé té la.

Apocalypse 3:5 ပူးပေါင်းရင်းမြစ်များ

Matiye 10:32

Gəl-e gə nee ɓa, dəw gə ɗa-ɗa gə tɔji rɔ-ɛ gə ɗaga no dəwje gə to gə n-to nje kar ꞌma nama ꞌma kara m-a pa gə ɗaga no Bɔ-mje Luba gə isi dara to gə nj-ɛ to nje kar ꞌma tɔ.

Lugu 10:20

Be ja kara, ɗaje rɔləl mba njilje gə d-ula dɔ-je d-ar-si ang, ngaa ꞌɗaje rɔləl mba Luba ɗa ri-si mə mbede gə dara.

Lugu 12:8

M-pa m-ar-si, dəw gə ɗa-ɗa gə tɔji rɔ-ɛ gə ɗaga no dəwje gə to gə n-to nje kar ꞌma nama, ꞌma gə Ngon lə dəw m-a tɔj-ɛ gə ɗaga no anjije gə lə Luba to gə n-to nje kar ꞌma tɔ.

Philippiendjé 4:3

Ngaɓa ꞌi kara, ꞌto nje baa kula gə ila kuji ɗaa m-dəji-i mba kar ꞌla gə je, ꞌto jeneje gə d-ila kudu-m gə d-ar m-ɗɔ ne mba Tar gə May, gə Kɛləma je gə nje baa kulaje lə-m gə kɛm gə ri-je to mbede təbə gə.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.

Apocalypse 19:8

Cibi d-un ɗəw d-ar-ɛ gə mba kar n-ula kubu gə ndo̰y mələg-mələg ngaɓa arə ngadə, mba kubu gə ndo̰y mələg-mələg le, to gə kula ɗaje gə gadə-gadə lə njerɔsangəje.

Apocalypse 2:11

May kar, dəw gə ɓo mbi-a ga̰ nama, o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama a ko ꞌməsərə gə yo gə gɔl joo ang ja saar.

Apocalypse 2:7

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Apocalypse 20:12

Be ɓa m-o nje gə d-uy, bubaje gə nganje, d-ar gə ngal-je tar mbiwu no ngəndəng mbay gə ɗaa ꞌcɛ̰ mə mbedeje. Cibi ꞌɗəm ꞌcɛ̰ mə mbede gə ɗangə kara gə to gə mbede təbə, ɗaa ꞌgangə tar dɔ nje gə d-uy gə ɔji buwa kula ɗaje kula ɗa-je, gə go neje gə ꞌɗa mə mbedeje gə le.

Apocalypse 20:15

Na-na ɓa ꞌɗa ri-a mə mbede təbə gə ang ɗaa, d-ɔs-e d-ila-a dang pər gə.

Apocalypse 21:27

Ne gə mina kara be kara a kandə mə ɓe gə ne wɔr ang nəm, dəw gə nje ɗa nekɔbə gə njepatar gə ɗəgərə kara be kara a kandə kəne ang nəm tɔ, ngaa nje gə ꞌɗa ri-je mə mbede təbə gə lə Ngon badəm ja kara baa.

Apocalypse 22:19

To gə ɓo dəw ɔr ne mə tarje gə pajambərə pa mə mbede gə nee nama, Luba a kɔr ta ne lə-a kagə təbə, gə ɓebo gə to gə losang-ɛ, gə ꞌpa tar-ɛ mə mbede gə nee.

Apocalypse 3:12

Dəw gə cɛdə ɗɔ nama, m-a kar-ɛ to gə dubu mə kəy gə lə Luba, a kila gɔl-ɛ ɗangə ang car, ngaɓa m-a kunda ri Luba lə-m, gə ri ɓebo lə Luba lə-m gə to Jerujalɛm gə sigi gə ḭ dara rɔ Luba gə lə-m dɔ-ɛ gə, ngaɓa ri-m ꞌma gə sigi nəm tɔ.

Apocalypse 3:4

Ngaa, Sarədə gə le, dəwje lə-i gə kɛm, gə kubu lə-je uwa yoro ang ꞌga̰ kəne əng. D-a dan-m, gə kubu lə-je gə nda mba ꞌje d-asə ja.

Apocalypse 6:11

Ɗaa d-ar-je, na-na kara, kubu gə ngal yududu gə nda kələw-kələw. Ngaɓa ꞌpa d-ar-je kar d-uwa kɔr-je dɔ kar njɛ̰ be, saar gə mba kar nje baa kulaje lə-je, gə ngan ko̰-sijee gə d-a tɔl-je to gə ꞌjejee be tɔ le, d-udu ta-je bugum ɓa.