Apocalypse 22:20 - Mbede Lə Luba Kone Gə Sigi

²⁰ Nje pa tar naji gə ɔji dɔ neje gə nee le pa na: Oyo, m-aw m-ɗe ɓisine. Oyo! ꞌƊe, Mbayɓe Jeju!

Testament ke Siki 1960 (Kabba Laka)

²⁰ Nè ke mpa tar nadji nédjé nèn mpana, Tokoro, mam ndé loshénè. Amen. Edé, Mbaibé Jésus.

Apocalypse 22:20 ပူးပေါင်းရင်းမြစ်များ

Jean 21:25

Jeju ɗa neje gə kɛm gə ɗangə bula ya̰ ja ɓi; to gə ɓo ꞌɗa kara kara tɔ̰y nama, m-əji to gə, dɔ nangə gə nee ja tɔ̰y kara, lo gə d-a kum mbedeje gə d-a ɗa le kəne a godo.

1 Corinthiendjé 16:22

Dəw gə ɓo njigi Mbayɓe ang nama may kar ndɔɔl uwa dɔ-ɛ! Maranata, m-e na Mbayɓe, ꞌɗe.

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Ebərəje 10:37

Mba ꞌpa na: Dɔ kar nay ɓəəl baa, cibi nay njɛ̰ baa be! Ɗaa nje ɗe le a ɗe, n-a ngə̰y ang.

Ebərəje 9:28

Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

Apocalypse 1:18

gə nje kisi kəm baa. M-uy ja, ɗaa oje m-isi kəm baa gə no ngaɓa m-uwa lakɛrɛ kar yo gə kar lo gə jabaw ji-m gə.

Apocalypse 1:2

gə pa tar naj-ɛ to gə ne tɔ̰y gə n-o le to tar lə Luba ngaɓa to tar naji lə Kirisi Jeju tɔ.

Apocalypse 2:16

Be ɗa ꞌturu kəji lə-i. Be ang nama m-a ɗe ɓə lə-i ɓisine baa, ɗaa m-a ɗɔ gə je gə tar gə ta-m gə gə to gə kiya bayi.

Apocalypse 22:10

Cibi n-pa n-ar-m na: Iya dɔ tarje lə pajambərə gə to mbede gə nee ang, mba dɔ kar nay dəb baa ngaa.

Apocalypse 22:12

A o, m-aw m-ɗe ɓisine baa, ngaɓa m-ɗe gə nekuga dɔ ji lə-m kara dɔ-m gə, mba kar na-na kara m-uga-a ne ɔji dɔ kula ɗ-ɛ ɗ-ɛ.

Apocalypse 22:18

ꞌMa, m-pa tar naji le m-ar dəw gə njigi mba ko tarje gə pajambərə pa mə mbede gə nee: To gə ɓo dəw ila mar-ɛ kəne nama Luba a kum tujije gə ꞌpa tar-ɛ mə mbede gə nee le gə dɔ mar-ɛ gə dɔ mar-ɛ gə kar-ɛ.

Apocalypse 22:7

A o, m-aw m-ɗe ɓisine baa. Nokarə to kar dəw gə ngom tarje lə Luba gə pajambərə ɗa mə mbede gə nee le.