Apocalypse 22:17 - Mbede Lə Luba Kone Gə Sigi

¹⁷ Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.

Testament ke Siki 1960 (Kabba Laka)

¹⁷ Ndil ndja ke dènè ke siki mpana, Edé. Ase kare nè ke no mpa, Edé. Ke ase kare nè ke kounda man öè dé ase kare nè ke ndiki ntaa man tébe ntaa ba.

Apocalypse 22:17 ပူးပေါင်းရင်းမြစ်များ

Jean 1:37

Logə ngan njenendoje lə-a gə joo le d-o tar gə n-pa ɗaa d-ɔdə d-aw go Jeju gə.

Jean 4:10

Jeju ila-a kəne na: To gə ɓo ꞌgərə nekarə baa lə Luba ose ye gə pa ar-i na ar-m man m-ay le nama, ꞌI ja a to kiigi mba dəji-e man dɔngɔr kay, ɗaa n-a kar-i man gə kar kisi gə təbə ay.

Jean 4:11

Jene pa ar-ɛ na: Bɔy, ꞌI le, ka kula kɔr man lə-i kara godo, ngaɓa buwa man le kara uru ya̰ nəm tɔ; ngaa se a kḭ gə man gə kar kisi gə təbə nee le lo gə ɗa gə wa?

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Jean 4:29

ꞌƊeje oje dəw gə ɔr gəl kula ɗa-m kɔdɛ-kɔdɛ ar-m nee. N-a to gə Kirisi ang ja baa wa?

Jean 7:37

Ɗudu ndɔ ɗa nay gə to ndɔ gə bɔy le, Jeju ar taar ɗaa ila ndu-e nangə ɓolong pa ne tar na: To gə ɓo dəw gə kunda tɔl-ɛ nama may kar-ɛ ɗe gə rɔ-m gə ɗe ta man ay.

Romaindjé 3:24

ngaa Luba oje gə dəwje gə gadə-gadə ta kəm-e gə gə go mənuji lə-a ye ja, mba Kirisi Jeju gə ta dɔ-je.

1 Corinthiendjé 2:12

Be ɓa sijee le ɗaa njil gə dɔ nangə nee ɓa j-inga ang baa, ngaa Njil gə ḭ rɔ Luba gə, mba kar j-a gərə ne neje gə Luba ar-si gə go mənuji.

Apocalypse 14:13

Ɗaa m-o ndu ḭ dara pa na: ꞌƊa mbede, nokarə to kar dəwje gə ɓisine d-uy gəl Mbayɓe gə! Njil pa na, oyo, may kar d-uwa kɔr-je dɔ kula rɔ ndubu gə lə-je gə, mba kula ɗa-je ɔr go-je.

Apocalypse 2:7

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Apocalypse 21:2

Ɗaa m-o ɓebo gə to gə losang-ɛ, Jerujalɛm gə sigi, ḭ rɔ Luba gə dara ɗisi uru nangə, ta naa gə jene nje ngaw gə ɗa mandə mba ngab-ɛje.

Apocalypse 21:6

Ngaɓa n-pa n-ar-m na: Ɓɛlɛ ngaa. M-to Aləpa gə Omega, lo kuma kudu ne gə lo tɔl ngangə ne. Ye gə kunda ɔr-ɛ nama m-a kar-ɛ man gə a̰y kuji-kuji gə kar kisi kəm baa, gə a ndogo gə lar ang.

Apocalypse 21:9

Cibi, kara lə anjije gə siri gə d-uwa ngo kay neje siri gə tujije gə siri gə ɗusu tub-tub ji-je gə le ɗe pa tar ar-m pa na: ꞌƊe, m-a tɔji-i rɔ jene njemɔrə, ye gə to jene lə ngon badəm le.

Apocalypse 22:1

Cibi anji le tɔji-m man baa gə kar kaw kəm baa gə ndogo to gə kɔr ər gə ꞌɓar-ɛ kirisətal be, uba ɓula ngəndəng mbay gə lə Luba je gə ngon badəm.

Apocalypse 22:16

ꞌMa, Jeju, m-ula anji lə-m mba kar-ɛ pa tar naji gə ɔji dɔ mbo̰ naaje lə njetakagəje ar-sisəy. ꞌMa le ɓa ngira-m ḭ gəl Dabidi gə, gə gəl kuji lə-a tɔ, duji lo kar gə ndogo.

Apocalypse 7:17

Mba Ngon badəm gə ar dan ngəndəng mbay gə dana le a to gə njekuul-je, ɗaa n-a kɔr no-je kaw gə je kəm ɗəw man təbə gə kul gə. Ngaɓa Luba a bḭ man no tɔ̰y kəm-je gə.