Apocalypse 20:4 - Mbede Lə Luba Kone Gə Sigi

⁴ M-o ngəndəng mbayje, ngaɓa nje gə d-isi dɔ-ɛ gə le d-ar-je ɗəw mba kar gangə ne tar. Cibi m-o kəm nje gə ꞌtuga gɔbə-je gə cina ꞌgangə mba tar naji lə Jeju, gə mba tar lə Luba, ngaɓa nje gə ꞌpolo da kɔr gə njil-e ang, ngaɓa nje gə bəngə ji da, gə njil-e godo ɓida noje gə ji-je gə kara m-oje tɔ. ꞌTəl d-aw kəm baa ngaɓa d-o̰ ɓe gə Kirisi ɓal tɔl-tɔl dɔg lo kara.

Testament ke Siki 1960 (Kabba Laka)

⁴ Gè té nèn ma mo mare ngèndé kö béh, ke dèdè ke daredè ta gange saria disi do ngèndé té nèn. Ma mo kem lo dooudjé ke doudja gòboudè mbata tar nadji lo Jésus ke mbata tar lo Allah, dèdè ke nwal da nèn aséh make la ang, ke ntaa ndadji la natenòdè té aséh djidè té ang. Dèdè ntél ke tébe bai, ke dèdè do béh ke Christ bal dourou kada.

Apocalypse 20:4 ပူးပေါင်းရင်းမြစ်များ

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Matiye 24:10

Gəl-e gə nee ɓa dəwje bula d-a kiya̰ takagə lə-je kila kɔrɔ, gə nje gə d-a kun dɔ naa gə yo gə nee, ngaɓa d-a njigi naa ang gə kɔrɔgə yo gə nee.

Marəke 6:16

Ngaa lo gə Erɔdə o tar-ɛ ɗaa pa na: To Ja̰ gə m-ar-je ꞌgangə dɔ-ɛ le ja təl ndol.

Marəke 6:27

Be ɓa mbay un ndu ar nje ka dɔ-ɛ aw gangə dɔ Ja̰ mə kəy kula gə ɗe ne.

Marəke 9:11

Ngan njenendoje ꞌdəji-e tar to gə be: Mba ɗi ɓa njekɔr gəl toronduje ꞌpa na: May kar Eli ɗe kede ɓa wa?

Lugu 1:17

N-aw no Luba gə njil gə singa lə Eli mba ɗe gə məlom horo bɔ nganje gə nganje gə, mba gɔl kəji lə dəwje gə njembadə tar kar təl to dəwje gə gadə-gadə, ɓa gə mba gɔl-je gə gəl dəwje may kar Mbayɓe.

Lugu 14:14

A to njenokarə mba dəwje nee le d-a kasə kuga dɔ ji-i ang, ngaa Luba ja ɓa a kuga dɔ ji-i ndɔ gə dəwje gə gadə-gadə gə d-uy d-a ndol ne.

Lugu 22:30

Be ɓa, a kusaje gə a kayje sə-m naa gə kara baa mə ɓeko̰ gə lə-m, ngaɓa a kisije dɔ ngəndəngje gə mba gangə tar dɔ gəl kuji Ijirayɛlje gə dɔg gə gir-e gə joo.

Jean 14:19

Waga ɓəəl ɓi ɗaa, dəwje gə dɔ nangə gə nee d-a ko-m ang gə dɔbo̰; ngaa sisəy ɗaa, a ko-mje, ꞌma le, m-isi kəm baa, ngaɓa sisəy kara a kisije kəm baa tɔ.

Romaindjé 11:15

Mba to gə ɓo kɔsə gə d-ɔsə-je ngərəng le ɓa ar dɔ nangə nee um ne naa gə gə Luba nama logə d-a təl gə je gugu le ɗi ɓa a ɗa ne wa? Se to to gə d-uy ɓa ꞌtəl d-inga təbə be ang wa?

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

2 Timoce 2:12

To gə ɓo j-uwaje gədərə nama J-a ko̰je sə-a ɓe naa gə tɔ; To gə ɓo j-a mbad-eje nama N-a mbadə si tɔ;

Apocalypse 1:2

gə pa tar naj-ɛ to gə ne tɔ̰y gə n-o le to tar lə Luba ngaɓa to tar naji lə Kirisi Jeju tɔ.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 11:11

Go ndɔ gə munda gə gɛ̰-ɛ le ɗaa, njil gə kar kaw kəm baa kara ḭ rɔ Luba gə ɗe uru mə-je gə ɗaa d-ḭ d-ar taar dɔ gɔl-je gə. Be ɓa ɓəəl gə boy ja unda nje gə d-o-je badə gangə-je.

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 11:3

ɗaa m-pa m-ar njetar najije lə-m gə joo, mba kar d-ila mbərə kəm ndɔ tɔl-tɔl dɔg lo kara gə dɔ-ɛ gə tɔl-tɔl joo gə gir-e gə dɔg misa̰ gə d-ula kubu kuwa ndoo.

Apocalypse 11:7

Ngaɓa lo gə d-a kunda ngangə tar naji lə-je ɗaa, da gə ɔsə lo mə buwa wəl gə ce le, a ɗa gə je ɗɔ, a cɛɗə kinga-je ɗaa tɔl-je.

Apocalypse 12:11

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Apocalypse 14:11

Kəm ndoo lə-je le sa pər uba ngug-ngug gə ndɔ gə ndɔ, lo kuwa kɔr-je godo dan kara gə londul gə, nje gə ꞌpolo da kɔr gə ndaji-ɛ, na-na gə d-unja ndaji ri-a rɔ-ɛ gə.

Apocalypse 15:2

Ɗaa m-o ne gə ta naa gə babo gə arə kə̰rə̰rə̰ to gə ər gə ndɔ̰y be, polo naa gə pər, ngaɓa nje gə ꞌcɛdə ɗɔ da kɔr, gə ndaji lə-a ngaɓa gə kɔr ne gə ta ri-a gə, d-ar taar dɔ babo gə, gə arə kə̰rə̰rə̰ to gə ər gə ɓar-ɛ kirisital. D-uwa konde lə Luba ji-je gə.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.

Apocalypse 2:26

Dəw gə cɛɗə ɗɔ, ye gə ngom kula ɗaje lə-m saar ɔr sṵra̰ nama, m-a kar-ɛ singamongə ko̰ dɔ gəl kuji dəwje.

Apocalypse 20:6

Nje gə ꞌga̰ horo dəwje gə d-uy ɓa ꞌndol dɔngɔr nee le, ꞌto gə njenokarəje gə njerɔsangəje. ꞌJejee nee le, yo gə njekum gə joo o̰ ɓe dɔ-je gə ang ngaa: Ngaa d-a to njekapoloje lə Luba je gə Kirisi, ngaɓa d-a ko̰ sə-a ɓe ɓal tɔl-tɔl dɔg lo kara tɔ.

Apocalypse 22:5

Londul a godo saar gə no, d-a kaw ndoo ndogo le lambe ang nəm, gə ndoo ndogo le kar ang nəm tɔ. Mba Mbayɓe Luba ja a ndogo dɔ-je gə. Ngaɓa d-a ko̰ ɓe gə ɓal gə ɓal.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.

Apocalypse 4:4

Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.

Apocalypse 6:9

Lo gə n-ɔr ta bəngə ji gə njekum gə mi ɗaa, m-a lo gə gəl no kɔgə ɗaa m-o kəm lə nje gə ꞌtɔl-je gə nekunja məsə mba tar lə Luba ngaɓa gə mba tar naji lə-je tɔ.

Apocalypse 7:3

n-pa na: Əw-je rɔ-si mba ɗa məyɛr dɔ nangə, babo, ose kagəje, saar gə mba kar-si j-ɔsə bəngə ji ɓida no njekulaje gə lə Luba kede nam ɓa.