Apocalypse 2:26 - Mbede Lə Luba Kone Gə Sigi

²⁶ Dəw gə cɛɗə ɗɔ, ye gə ngom kula ɗaje lə-m saar ɔr sṵra̰ nama, m-a kar-ɛ singamongə ko̰ dɔ gəl kuji dəwje.

Testament ke Siki 1960 (Kabba Laka)

²⁶ Nè ke ndai ke singa ke ngem koula lom sar ndò té ke goukou, ma ma karè singa ta kö dò gel dooudjé.

Apocalypse 2:26 ပူးပေါင်းရင်းမြစ်များ

Matiye 10:22

Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Matiye 24:13

Ngaa dəw gə uwa gədərə saar ce ɗud-e gə ɓa a kinga kaji.

Jean 6:29

Jeju ila-je kəne na: Kula lə Luba le, to mba kar-sisəy ꞌtaje kagə ye gə ꞌne ja n-ula-a.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 8:37

Ngaa dan neje gə nee tɔ̰y le, sijee j-a to njecɛdə ɗɔje gə to ɓəəl ɗəw gə lə nje njigi-si.

1 Thessaloniciendjé 3:5

Gəl-e gə nee ɓa ꞌma ja kara m-ore mə-m pḭḭ ɗaa m-ula Timoce mba kar aw tən-si dɔ takagə lə-si o, mba m-ɓəəl m-pa na kar nje kərə dəwje d-aw d-ərə si ngaɓa kar tuji ne kula gə sijee j-a ɗa le pugudu.

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Jacques 2:20

Ngaa ꞌi gə ɛɓɛ, ꞌnjigi gərə to gə takagə le, kula ɗ-ɛ godo nama aw kadə baa ang wa?

1 Jean 2:19

Nje kəm tarje lə Kirisi le ꞌce horo-sijee gə ja ɓa d-aw, ngaa ꞌto kar-sijee ang ngaa; mba to gə ɓo ꞌto dəwje lə-si nama d-a kisi gə si; ngaa, to arə ngadə to gə ꞌjejee tɔ̰y ja ꞌto dəwje lə-si ang.

1 Jean 3:23

Oje ndu-e le ɓa nee: May kar j-a ta kagə gə ri ngon-e Jeju Kirisi, cibi j-a njigije naa gə yo gə nee gə go ndu gə n-un n-ar-si.

1 Jean 5:5

Dəw gə nje cɛdə ɗɔ dɔ nangə to na wa? Be ang nama, dəw gə ta kagə to gə Jeju to Ngon lə Luba ja ɓa.

Apocalypse 2:11

May kar, dəw gə ɓo mbi-a ga̰ nama, o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama a ko ꞌməsərə gə yo gə gɔl joo ang ja saar.

Apocalypse 2:17

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama m-a kar-ɛ muru misi gə to nekusa gə ḭ dara gə to lo kiya gə, m-a kar-ɛ kɔr ər gə nda; ɗaa kɔr ər gə nee le, ꞌɗa ri gə sigi kəne kara, gə dəw kara kara gərə ang, ngaa nj-ɛ gə ta ja baa ɓa.

Apocalypse 2:7

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Apocalypse 20:4

M-o ngəndəng mbayje, ngaɓa nje gə d-isi dɔ-ɛ gə le d-ar-je ɗəw mba kar gangə ne tar. Cibi m-o kəm nje gə ꞌtuga gɔbə-je gə cina ꞌgangə mba tar naji lə Jeju, gə mba tar lə Luba, ngaɓa nje gə ꞌpolo da kɔr gə njil-e ang, ngaɓa nje gə bəngə ji da, gə njil-e godo ɓida noje gə ji-je gə kara m-oje tɔ. ꞌTəl d-aw kəm baa ngaɓa d-o̰ ɓe gə Kirisi ɓal tɔl-tɔl dɔg lo kara.

Apocalypse 21:7

Dəw gə cɛdə ɗɔ nama a kinga nenduba gə nee le, ɗaa m-a to gə Luba lə-a, ɗaa ye a to gə ngon-m.

Apocalypse 22:5

Londul a godo saar gə no, d-a kaw ndoo ndogo le lambe ang nəm, gə ndoo ndogo le kar ang nəm tɔ. Mba Mbayɓe Luba ja a ndogo dɔ-je gə. Ngaɓa d-a ko̰ ɓe gə ɓal gə ɓal.

Apocalypse 3:12

Dəw gə cɛdə ɗɔ nama, m-a kar-ɛ to gə dubu mə kəy gə lə Luba, a kila gɔl-ɛ ɗangə ang car, ngaɓa m-a kunda ri Luba lə-m, gə ri ɓebo lə Luba lə-m gə to Jerujalɛm gə sigi gə ḭ dara rɔ Luba gə lə-m dɔ-ɛ gə, ngaɓa ri-m ꞌma gə sigi nəm tɔ.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.

Apocalypse 3:5

Be ɓa, dəw gə cɛdə ɗɔ nama, d-a kula-a kubu gə nda; m-a tuji ri-a mə mbede təbə gə ang, ngaɓa m-a pa tar lə-a gə ɗaga no gɔl Bɔy gə, gə no gɔl anjije gə lə-a.