Apocalypse 2:13 - Mbede Lə Luba Kone Gə Sigi

¹³ M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.

Testament ke Siki 1960 (Kabba Laka)

¹³ Mam ngeré loou ke i to té, loou ke ngèndé lo Satan to kendé, i waa rim ngeng ke i mbeté ko mè té lom ang, lé ndò té lo Antipas ndjè pa tar nadji lom ke ndjè mè ndaa kaï lom, ke ntòlè horosè té, loou ke Satan to kendé.

Apocalypse 2:13 ပူးပေါင်းရင်းမြစ်များ

Matiye 10:23

Logə d-a kula kəm-si ndoo mə ɓebo gə nee gə nama a̰yje awje ye gə ɗangə gə. Tɔgərɔ ja m-pa m-ar-si, a kɔrəje sṵra̰ ɓeboje gə Ijirayɛl tɔ̰y ang ja, ꞌma gə Ngon lə dəw m-a ɗe.

Matiye 24:9

Be ɓa d-a kun dɔ-si kar d-a kuwa-si kula kəm-si ndoo, gə d-a tɔl si nəm ngaɓa gəl kujije tɔ̰y d-a njigi-si ang gə kɔrɔ mba tar lə-m.

Matiye 4:10

Jeju pa ar-ɛ na: ꞌSu ɔdə gə ɗangə! Mba ꞌɗa mə mbede gə na: ꞋI a polo Mbayɓe, Luba lə-i, ngaɓa ꞌne ja gə kar-ɛ baa ɓa a kun rɔ-i kar-ɛ.

Lugu 21:17

Dəwje tɔ̰y d-a njigi-si ang gə kɔrɔ mba tar lə-m.

Koula 22:20

ngaɓa ndɔ gə d-aw d-ila məsə Etiyɛn, njetar naji lə-i nangə le, ꞌma ja kara m-ga̰ kəne nəm, m-njigi go-e nəm ngaɓa m-ngom kubuje lə njetɔl-ɛje nəm tɔ.

Koula 9:14

Ngaɓa buba njekapoloje d-un ndu d-ar-ɛ n-ɗe nee mba kar n-tuwa ne dəwje tɔ̰y gə ꞌɓar ri-i.

1 Thessaloniciendjé 5:21

ngaa ꞌtənje neje tɔ̰y so-so ɗaa ɔrəje kəm ꞌye gə may;

1 Timoce 5:8

To gə ɓo dəw tɔsə kəm-e dɔ njeka-ɛje ang ose nje gə mə kəy gə lə-a ang nama, nj-ɛ nee le ila takagə lə-a bagir-e gə baa, ngaɓa ɗa ne gə kṵra̰y unda dəw gə gərə Luba ang.

2 Timoce 1:13

Tar gə tɔgərɔ gə o ta-m gə ɗəw takagə gə njigi gə ḭ rɔ Kirisi Jeju gə le, un gə ne kɔji mar-ɛ.

2 Timoce 2:12

To gə ɓo j-uwaje gədərə nama J-a ko̰je sə-a ɓe naa gə tɔ; To gə ɓo j-a mbad-eje nama N-a mbadə si tɔ;

Ebərəje 10:23

J-ar singa-si ɔr ang ɗaa j-a pa tar məkunda lə-si gə ɗaga, mba nje kuwa dɔ gɔl ne le to dəw gə gadə-gadə.

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Jacques 2:7

ꞌJejee le ja ɓa ꞌtaji ri gə may pɛdə gə to dɔ-si gə le ang wa?

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 11:3

ɗaa m-pa m-ar njetar najije lə-m gə joo, mba kar d-ila mbərə kəm ndɔ tɔl-tɔl dɔg lo kara gə dɔ-ɛ gə tɔl-tɔl joo gə gir-e gə dɔg misa̰ gə d-ula kubu kuwa ndoo.

Apocalypse 12:11

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Apocalypse 13:2

Da gə m-o-e le ta naa gə makɔr, gɔl-ɛ to to gə kar njagəmanjɛr, t-ɛ ta naa gə ta ꞌnam. Ɗaa da kɔb ar-ɛ singamongə lə-a, gə ngəndəng mbay lə-a, ngaɓa gə singa ko̰ dɔ neje.

Apocalypse 14:12

To kar gə kar njerɔsangəje gə ꞌngom ndu kunje lə Luba gə ꞌta kagə Jeju d-uwa gədərə.

Apocalypse 17:14

D-a ɗa ɗɔ gə ngon badəm ɗaa, ngon badəm a cɛdə-je ɗɔ, mba n-to Mbayɓe lə mbayɓeje ngaɓa Mbay lə mbayje. Ɗaa nje gə ꞌɓar-je, gə nje gə ꞌmbərə-je ngaɓa gə nje gə ꞌto ngon kuji d-a cɛdə sə-a ɗɔ naa gə kara baa tɔ.

Apocalypse 17:6

Ɗaa m-o jene gə ay məsə njerɔsangəje gə njetar najije lə Jeju ar ɗ-ɛ to gə kodo be. Logə m-o-e ɗaa lo tar igi-m sɛl.

Apocalypse 2:2

M-gərə kula ɗa-ije gə kula lə-i, gə kuwa gədərə lə-i, ngaɓa asə kɔsə kudu njeməyɛrje ang tɔ. ꞌI ꞌna mə dəwje gə d-uwa rɔ-je gə ngan njekulaje ɗaa ꞌto gə njeka̰ykulaje ang baa, ɗaa ꞌgərə to gə ꞌto gə njetar gə ɗəgərəje.

Apocalypse 3:11

M-a ɗe ɓisine. Uwa ne gə inga le gaa mba kar dəw kara kara ta dɔ gugu lə-i ang.

Apocalypse 3:3

Ar mə-i ole dɔ ɗəw gə ꞌta ne tar ta-je gə ose dɔ ɗəw gə ꞌtuga mbi-i o ne. ꞌNgom tar gə nee ɓo ꞌturu tar kəji lə-i; to gə ɓo unda kəm karə dɔ rɔ-i gə ang nama, m-a ɗe to gə nje ɓogo be, lal kar ꞌgərə kar gə m-a ɗe kuba-i ne nangə bus.