Apocalypse 14:15 - Mbede Lə Luba Kone Gə Sigi

¹⁵ Cibi, anji gə ɗangə kara ɔsə lo ce mə kəy gə lə Luba ɗaa uru ꞌkuwi gə ndu-e gə boy wəəl ar ye gə isi dɔ mum gə le na: Ila marəm lə-i ɓo unja ne ko. Kar kunja ko asə ngaa, mba ko gə dɔ nangə gə nee le tɔgə ngaa.

Testament ke Siki 1960 (Kabba Laka)

¹⁵ Mare ange kada téh mè tòkou kei Allah té, nè mpa ke ndou ke bar nya nare nè ke nisi do ndi té ke il, mpana, Etourou ndö kiaa loi oudja ko, mbata nai koudja ko dé mbä, mbata ko ke do nange té sange mbä.

Apocalypse 14:15 ပူးပေါင်းရင်းမြစ်များ

Matiye 13:30

Iya̰-je ar-je tɔgə naa gə kara baa ɗaa, ndɔ kunja ko ɓa m-a pa kar njekunjaje d-ɔr waa da̰w le ꞌtɔ mba ro nam ngaɓa, go-e gə ɗaa d-a kiya̰ wa gə may kum mə dam gə lə-m.

Matiye 13:39

njeba̰a̰ gə dubu waa da̰w lə to ꞌSɛ̰ngərɛ̰; nay kunja ko le to ɗudu ndɔ gə dɔ nangə nee; njekunja koje le to anjije.

Matiye 23:32

A ɓo bənəng nama, ulaje kudu-si gə kede, ꞌtɔlje ne ta kula lə njekuji-sijee gə kede le.

Marəke 4:29

ngaa ɓo dɔ ko le tudu nam ɗaa d-ila marəm kəne mba nay kunja ne asə ngaa.

1 Thessaloniciendjé 2:16

D-ɔgə si ɗəw kar j-a pa tar j-ar dəwje gə ꞌgərə Luba ang d-inga ne kaji ngaɓa ꞌɗaje ne neɗaje gə kṵra̰y lə-je gə kede-kede. Ngaa lo tɔl t-ɛ ɗaa wungu lə Luba ubaje nangə.

Apocalypse 11:19

Ɗaa ta kəy gə lə Luba gə mə dara gə cɛ̰, ngaɓa sandubu kone ce to mə kəy gə lə Luba; ɗaa nji təl pa̰y-pa̰y ngaɓa ndu dəwje ɓar gə nji ndangə bangərang-bangərang, nangə kara yə, ngaɓa kɔji nə̰y nangə hadada-hadada tɔ.

Apocalypse 13:12

N-ɗa kula gəl da gə dɔngɔr gə, gə ɗəw singa ko̰ dɔ neje tɔ̰y gə ar-ɛ. N-ɗa n-ar dəwje tɔ̰y gə d-isi dɔ nangə nee ꞌpolo da gə dɔngɔr gə inga do asə kar-ɛ uy ɓa do lə-a təl ərə kəgəsə le.

Apocalypse 14:14

Cibi m-o kil lə nji gə nda, ɗaa ta naa gə ne gə Ngon lə dəw isi dɔ kil lə nji gə le. Jɔgə mbay gə ꞌɗa gə maa to dɔ-ɛ gə ngaɓa marəm gə t-ɛ adə yəm-yəm to ji-a gə tɔ.

Apocalypse 14:16

Ye gə isi dɔ kil lə nji le ila marəm lə-a dɔ nangə gə, ɗa unja ne ko gə dɔ nangə nee tɔ̰y.

Apocalypse 14:17

Cibi anji gə ɗangə kara ɔsə lo ce mə kəy gə lə Luba gə to dara, gə marəm gə t-ɛ adə yəm-yəm ji-a gə tɔ.

Apocalypse 14:18

Cibi anji gə ɗangə kara ɔsə lo ce no kɔgə gə. N-aw gə singa gə kar ko̰ dɔ pər, ɗaa n-uru ꞌkuwi gə ndu-e gə boy wəəl n-ar ye gə uwa marəm gə t-ɛ adə yəm-yəm ji-a gə na: Ila marəm lə-i gə t-ɛ adə yəm-yəm ɓo unja ne dɔ ko gə dɔ nangə gə, mba ko le asə kunja ngaa.

Apocalypse 15:6

Anjije gə siri gə d-uwa tujije gə siri ji-je gə le d-ɔsə lo mə kəy gə lə Luba ꞌce, d-ula kubu gə nda kələw-kələw, gə ndogo pə̰ə̰, ꞌtɔ ɓərə-je gə gagəra gə to gə maa.

Apocalypse 16:17

Anji gə njekum gə siri mbəl ngo nekay lə-a mə ləl gə. Ndu dəw ḭ ngəndəng mbay gə, mə kəy gə lə Luba ɓar to gə boy wəəl na: Ɓɛlɛ ngaa!

Apocalypse 6:10

D-uru ꞌkuwi gə ndu-je gə boy na: Saar ndɔ gə ɗa gə ja ɓa, ꞌɓəə neje, njerɔsangə gə dəw gə gadə-gadə, saar ndɔ gə ɗa gə ja ɓa kur-i a kəw gə mba kar-i ꞌgangə tar, gə ꞌdal ba̰a̰ məsə-sije dɔ dəwje gə dɔ nangə gə nee le wa?