Apocalypse 1:11 - Mbede Lə Luba Kone Gə Sigi

¹¹ pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Testament ke Siki 1960 (Kabba Laka)

¹¹ Ke pana, Né ke i wo eda mè maketourou té, oula né kei Allah té ke shiri, ke Ephèse, ke Smyrne, ke Pergame, ke Thyatire, ke Sardas, ke Philadelphie, ke Laodicée.

Apocalypse 1:11 ပူးပေါင်းရင်းမြစ်များ

Koula 16:14

Ɗaa jene kara, ri-a na Lidi, n-to nje ɗabə dɔ kubuje gə kasə wɛgɛ ngaɓa n-to gə Tiyatir, n-ɓəəl Luba ya̰. Jene nee le tuga mbi-a o ne tar ɗaa Mbayɓe mbudu dɔ ɓəngər-e ar-ɛ n-ta kagə tarje gə Pɔl pa le.

Koula 18:24

Jiibi kara ri-a na Apolos, n-to gə Alɛgəjandəri, to dəw ndu gɔs-ɛ may tar ya̰ ngaɓa gərə mbede lə Luba gə maj-ɛ ɗaa ɗe Epɛs.

Koula 20:17

Dɔ ndɔ-ɛ gə əng le Pɔl isi Mile ja ula ɓar ngatɔgəje gə Mbo̰ naa lə njetakagəje gə Epɛs.

1 Corinthiendjé 15:32

To gə ɓo ɗɔ gə m-ɗɔ gə daje gə mu mə ɓe gə Epɛs le, m-ɗɔ mba kəm dəwje baa ɗaa, ɗi ɓa to may lə-m kəne wa? To gə ɓo nje gə d-uy d-a təl ndol ang nama, J-usaje gə j-ayje, mba bara nama j-a kuyje!

1 Corinthiendjé 16:8

Be ja kara m-a kisi Epɛs saar ndɔ Pa̰təkɔdə;

Ephésiendjé 1:1

ꞌMa Pɔl njeka̰ykula lə Kirisi Jeju gə go mə njigi lə Luba, m-ɗa mbede nee m-ar njerɔsangəje gə d-isi Epɛs, gə ꞌto gə njetakagə Kirisi Jeju-je gə tɔgərɔ.

Colossiendjé 2:1

Be ɓa m-njigi kar-si ꞌgərəje ɗɔ gə to ɓəəl ya̰ gə m-ar t-ɛ gə mba-si, mba nje gə Lawdise ngaɓa mba ꞌjejee tɔ̰y gə d-o-m ang ɓi,

1 Timoce 1:3

To gə m-pa nee m-ar-i, isi mə ɓe gə Epɛs mba kɔgə dəwje gə kɛm ɗəw tɔji nendo gə ɗangə ang, to gə m-pa nee m-ar-i kede nam ɓa kar m-ɔdə m-aw ne dɔ nangə gə Masedowan le.

Apocalypse 1:17

Lo gə m-o-e ɗaa, m-oso nangə no gɔl-ɛ gə to gə dəw gə uy be, ɗaa n-ila ji kɔl-ɛ dɔ-m gə ngaɓa n-pa na: ꞌƁəəl ang, M-to dəw gə dɔngɔr gə dəw gə njekudu bo̰,

Apocalypse 1:19

ꞌƊa ne gə o gə kəm-i nee le mə mbede gə, ne gə to dɔ kar gə nee, gə ne gə a ɗe kore go-e.

Apocalypse 1:2

gə pa tar naj-ɛ to gə ne tɔ̰y gə n-o le to tar lə Luba ngaɓa to tar naji lə Kirisi Jeju tɔ.

Apocalypse 1:20

Kar nemisi gə ɔji dɔ ndɛ̰ndərɛ̰ndɛ̰je gə siri gə oje mə ji-m gə dɔ kɔl gə dɔ ne kunda lambeje gə siri gə ꞌɗa gə maa le: Ndɛ̰ndərɛ̰ndɛ̰je gə siri to anjije lə mbo̰ naa lə njetakagəje gə siri ngaɓa lo kunda nendogoje gə siri to gə mbo̰ naa lə njetakagəje gə siri tɔ.

Apocalypse 1:4

ꞌMa gə Ja̰, m-ɗa mbede nee m-ar mbo̰ naa lə njetakagəje gə siri gə dɔ nangə gə Aji: May kar-si ingaje mənuji gə ɗɛgɛgɛ gə ḭ mə ji dəw gə ga̰, gə dəw gə ga̰ kede ləw baa, gə a ɗe ngaɓa gə rɔ njilje gə siri gə d-ar no ngəndəng mbay gə lə-a,

Apocalypse 1:8

Mbayɓe Luba pa na: M-to Aləpa gə Omega, lo kuma kudu ne gə lo tɔl ngangə ne, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 10:4

Logə nji gə ndangə gɔl siri pa tar le, m-aw gə mba ɗa tar-ɛ mə mbede gə ɗaa, m-tuga mbi-m m-o ndu ḭ mə dara gə taar pa ar-m na: ꞌNgom tar gə nji gə ndangə gɔl siri pa nee le mə-i gə ɓo ꞌɗa mbede gə ang.

Apocalypse 14:13

Ɗaa m-o ndu ḭ dara pa na: ꞌƊa mbede, nokarə to kar dəwje gə ɓisine d-uy gəl Mbayɓe gə! Njil pa na, oyo, may kar d-uwa kɔr-je dɔ kula rɔ ndubu gə lə-je gə, mba kula ɗa-je ɔr go-je.

Apocalypse 19:9

N-pa n-ar-m na: ꞌƊa! Nokarə to kar nje gə ꞌɓar-je lo muru ta naa gə lə ngon badəm! Cibi ꞌpa n-ar-m na: To gə tarje gə tɔgərɔ gə Luba ja pa.

Apocalypse 2:1

ꞌƊa mbede ula ne ar anji lə mbo̰ naa lə njetakagəje gə Epɛs: O tar gə nje kuwa ndɛ̰ndərɛ̰ndɛ̰je gə siri ji-a gə kɔl gə nja ne horo lambe maa̰je gə siri pa:

Apocalypse 2:12

ꞌƊa mbede ar anji lə mbo̰ naa lə njetakagəje gə Pɛrəgam: O tar gə dəw gə ndo̰ kiya bayi lə-a adə ngɛl-ngɛl ngaɓa t-ɛ adə pəm-pəm ɓe joo pa:

Apocalypse 2:18

ꞌƊa mbede ar Anji lə Mbo̰ naa lə njetakagəje gə Tiyatir: A o, tar gə Ngon lə Luba, ye gə kəm-e ta naa gə ndo̰ pər gə o̰ bilim-bilim, gə gɔl-ɛ ta naa gə lar kasə pa le ɓa na nee:

Apocalypse 2:24

Kar-sisəy ɗaa, m-pa m-ar nje gə kɛm gə d-isi Tiyatir. Nje gə tɔ̰y gə ꞌta tar sula lə-a ꞌne gə Jejabɛl nee ang nəm, ngaɓa d-ula rɔ-je bababa dan negərə gə lə ꞌSu ang, to gə ꞌpa ne tar-ɛ le: ꞌMa m-unda nekodo gə uway gə ɗangə dɔ-si gə ang.

Apocalypse 2:8

ꞌƊa mbede ar Anji lə Mbo̰ naa lə njetakagəje gə Isimirənə: A o tar gə dəw gə dɔngɔr gə dəw gə njekudu bo̰ pa, ye gə uy ɓa təl ndol aw kəm baa:

Apocalypse 21:5

Ye gə isi dɔ ngəndəng mbay gə le pa na: A o, m-ɗa neje tɔ̰y to gə sigi. Cibi n-pa na: ꞌƊa mbede gə, mba tarje gə nee le, to gə tarje gə gadə gə tɔgərɔ.

Apocalypse 22:10

Cibi n-pa n-ar-m na: Iya dɔ tarje lə pajambərə gə to mbede gə nee ang, mba dɔ kar nay dəb baa ngaa.

Apocalypse 22:16

ꞌMa, Jeju, m-ula anji lə-m mba kar-ɛ pa tar naji gə ɔji dɔ mbo̰ naaje lə njetakagəje ar-sisəy. ꞌMa le ɓa ngira-m ḭ gəl Dabidi gə, gə gəl kuji lə-a tɔ, duji lo kar gə ndogo.

Apocalypse 3:1

ꞌƊa mbede ula ne ar anji lə mbo̰ naa lə njetakagəje gə Sarədə: A o, tar gə dəw gə uwa njilje gə siri lə Luba gə ndɛ̰ndərɛ̰ndɛ̰je gə siri ji-a gə pa le ɓa nee: M-gərə kula ɗa-ije; m-gərə gə maj-ɛ to gə ꞌpa tar lə-i gə lo-lo na aw kəm baa, ngaa uy.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 3:4

Ngaa, Sarədə gə le, dəwje lə-i gə kɛm, gə kubu lə-je uwa yoro ang ꞌga̰ kəne əng. D-a dan-m, gə kubu lə-je gə nda mba ꞌje d-asə ja.

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.