3 Jean 1:11 - Mbede Lə Luba Kone Gə Sigi

¹¹ Ngon ko̰-m gə m-njigi-i ya̰, may kar ꞌndaji ne gə kṵra̰y ang, ne ꞌndaji ne gə may. Nje ɗa may le to nje kar Luba, ngaa nje ɗa ne gə kṵra̰y le o Luba ang.

Testament ke Siki 1960 (Kabba Laka)

¹¹ I ke mam ndiki nya, ao go tar té ke madjang ang, a ao go tar té ke madji. Doou ke da madji to ngä Allah, doou ke da madjang wo Allah ang nga.

3 Jean 1:11 ပူးပေါင်းရင်းမြစ်များ

Jean 10:27

Badəmje lə-m d-o ndu-m, ꞌma le, m-gərə-je, ɗaa ꞌjejee ꞌndole go-m tɔ.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Jean 3:20

Dəw gə nje ɗa ne gə kṵra̰y le njigi lokarə ang gə kɔrɔ ngaɓa n-ɔsə lokarə ngərəng mba dəwje d-a ko neɗaje lə-a gə kṵra̰y le.

1 Corinthiendjé 11:1

ꞌNdajije kəm-m to to gə ꞌma ja kara m-ndaji kəm Kirisi be.

1 Corinthiendjé 4:16

Be ɓa m-ndəji sisəy m-pa na: ꞌNdajije kəm-m.

Ephésiendjé 5:1

Sisəy le, ꞌtoje gə ngan njigije lə Luba, be ɗaa ꞌndəjije kəm-e,

Philippiendjé 3:17

May kar ꞌtoje nje ndaji kəm-mje, ngan ko̰-mje, may kar oreje kəm-si ndəng go nje gə d-un pa nja sijee gə ne kɔji mar-ɛ.

1 Thessaloniciendjé 1:6

Sisəy ꞌndəjije kəm sijee gə kəm Mbayɓe ɗaa, dan neməko̰je gə bula ja ꞌtaje Tar lə Luba gə rɔləl lə Njil Njerɔsangə.

1 Thessaloniciendjé 2:14

Be ɓa ngan ko̰-mje, ꞌtəl ꞌtoje nje ndaji kəm Mbo̰ naaje lə njetakagəje gə lə Luba gə gəl Kirisi Jeju gə gə d-isi dɔ nangə gə Jude gə. Mba njebaɓeje lə-sisəy gə kuji kəy ja d-ula kəm-si ndoo ɗəw kara baa to gə Jiibije d-ula ne kəm ꞌjejee ndoo be tɔ.

2 Timoce 3:10

Be ɓa ꞌi le, ore kəm-i ndəng o ne pa nendo gə m-ndo dəwje, o pa nja-m, ꞌgərə gəl kula gə m-gɔl, ꞌgərə go takagə lə-m, gə kore ur ndəng lə-m, gə njigi gə m-njigi dəwje, gə kuwa gə m-uwa gədərə,

Ebərəje 6:12

ɓo ꞌdabəje dɔ-ɛ gə ang ngaa may kar-si ꞌndəjije kəm nje gə d-uwa gədərə gə go takagə gə ɓa d-inga ne nenduba gə d-uwa dɔ gɔl-ɛ le.

1 Piyɛr 3:11

May kar n-ɔsə ne gə kṵra̰y ngərəng ɗaa ne gə may ɓa n-ɗa, May kar n-sangə ɗɛgɛgɛ ngaɓa n-ndole go-e nəm;

1 Piyɛr 3:13

To gə ɓo kəji ɗa may uwa mə-si le se, na ja ɓa a ɗa si məyɛr wa?

1 Jean 2:29

To gə ɓo sisəy ꞌgər-eje gə dəw gə gadə-gadə nam, to gə ɓo dəw ɗa-ɗa ɓa ɗa ne gə gadə-gadə nama may kar ꞌgərəje to gə ꞌne ja n-uji-e.

1 Jean 3:10

Ye ɓa tɔji to gə nganje lə Luba ꞌto dang gə nganje lə ꞌSɛ̰ngərɛ̰. Dəw gə ɗa-ɗa gə ɗa ne gə gadə-gadə ang le, to kar lə Luba ang, ɗəw kara baa to gə dəw gə njigi ngon ko̰-ɛ ang nama to dəw lə Luba ang tɔ.

1 Jean 4:1

Ngan ko̰-mje gə m-njigi-si ya̰, ꞌtaje kagə njil tɔ̰y baa ang, ngaa ꞌnaje njilje oje se ꞌtoje kar Luba ja wa; mba pajambərəje gə gə mbɔr-ɛ bula ꞌɗe dɔ nangə nee.