3 Jean 1:10 - Mbede Lə Luba Kone Gə Sigi

¹⁰ Gəl-e gə nee ɓa, to gə ɓo, m-ce horo-si gə nama, m-a təl pa tar kula ɗ-ɛje, gə tarje gə kṵra̰y gə n-pa n-tuji ne ri-si gə lo-lo, ye gə kən ja kara as-ɛ ang ja dɔro ɓi ɗaa, n-mbadə mba kuwa ngan ko̰ naaje mba, ngaɓa nje gə ꞌnjigi mba ɗa kul-ɛ kara n-ɔgə je nəm, n-tɔɓə-je lo Mbo̰ naa lə njetakagəje gə nəm tɔ.

Testament ke Siki 1960 (Kabba Laka)

¹⁰ Mbata tar nèn, tokou mam ndé ma ma tòdjou koula la ke daka, mbata nè ntoula dòdjè ke tar ke madjang. Ke yèn ase mèa ang, a nè ndja mbeté ta taa ngaködjèdjè ke nè nto deo lodè, dèdè ke ndiki ta taadè, ke nè niladè daka kei Allah té.

3 Jean 1:10 ပူးပေါင်းရင်းမြစ်များ

Lugu 6:22

A toje njenokarəje, logə dəwje d-a njigi-si ang gə kɔrɔ, ngaɓa logə d-a tɔbə-si, d-a taji si cibi d-a tuji ri-si mba tar lə ꞌma gə Ngon lə dəw.

Jean 9:22

Nje kuj-eje ꞌpa tar to gə benəng mba ꞌɓəəl Jiibije. Jiibije d-o mə naa gə kede ɗɔdə mba kar to gə ɓo dəw kara pa na Jeju to gə Kirisi nama d-a tɔb-ɛ kəy nendo gə lə-je.

Koula 1:15

Dɔ ndɔ-ɛje gə əng le ngan ko̰ naaje d-asə tɔl gə dɔg joo be ꞌmbo̰ naa ɗaa Piyɛr uba nangə ḭ taar horo-je gə ngaɓa un tar pa na:

2 Corinthiendjé 13:2

Logə m-ga̰ ne horo-si gə gə njekum gə gɔl joo ja m-pa tar-ɛ nam, ngaɓa ɓogəne m-godo horo-si gə kara m-təl m-pa ja cibi m-ar nje gə kede, ꞌto gə njeneɗaje gə kṵra̰y ngaɓa gə nje gə kɛm ja tɔ̰y: To gə ɓo m-ce ɓə lə-si nama m-a kɔr kəm dəw ang.

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

1 Timoce 5:13

Ye gə ɗangə ja cibi ɓa nee, ꞌtoje gə njedabəje baa, ndoje ɗəw nja gə ta kəy kəy, ngaɓa to njetaɓarje baa ang ne, to njeɗəgərəje nəm, cibi d-ula rɔ-je mə ne gə ɔsə-je kəne ang tɔ. Jene ndubaje gə ꞌto njedabəje nee le pa tar ne gə asə kəm pa ang baa.

2 Jean 1:10

To gə ɓo dəw ɗe ɓə lə-si gə nendo nee le ang nama, ꞌuwaje gə rɔ-si gə ang nəm ngaɓa ꞌɗa-ɛje m-o-i ɓa ang nəm tɔ.

2 Jean 1:12

Neje bula to kar-m m-ɗa mbede gə m-ar-si ja, m-njigi ɗa mə mbede gə nee ang; ngaa m-gɔl mə-m gə mba kaw ɓə lə-si, ɗaa m-a pa gə si tar gə ndu gə boy, mba kar rɔləl lə-sijee ɔr ne sṵra̰.

3 Jean 1:3

Rɔ-m ləl-m ya̰ mba logə ngan ko̰-mje d-ḭ rɔ-i ꞌɗe ɗaa ꞌpa tar naji tar gə tɔgərɔ gə to mə-i gə, gə ɗəw pa nja lə-i mə tar gə tɔgərɔ gə.

3 Jean 1:5

ꞋI gə m-njigi-i ya̰ le, ꞌto ngon kuji gə ngan ko̰-sijee gə maj-ɛ ɗəw kara baa gə njembaaje.