2 Timoce 4:1 - Mbede Lə Luba Kone Gə Sigi

¹ M-ndəji kəm Luba gə kəm Kirisi Jeju gə a gangə tar dɔ nje gə d-aw kəm baa gə nje gə d-uy gə, gə ri ɗe lə-a nəm gə ri ko̰ ɓe lə-a nəm tɔ.

Testament ke Siki 1960 (Kabba Laka)

¹ Mam ndedji no Allah té ke Christ Jésus, nè ke na gange saria lo dooudjé ke kem, ke lo ndjè ke woei, ke deo téh té la ke béh ko la.

2 Timoce 4:1 ပူးပေါင်းရင်းမြစ်များ

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Lugu 19:12

N-pa to gə be na: ꞌMay kuji kara aw mba ɓe gə əw mba kar d-ula mbay dɔ-ɛ gə ɓa a təl ɗe ɓi.

Lugu 19:15

Be ɓa, lo gə d-ula mbay dɔ-ɛ gə ɗɔdə ɗaa, ndɔ gə n-təl ɗe, ɗaa n-ula ɓar ngan njekulaje gə n-kay-je lar nee le no-ɛ gə gə mba ko, se dəw gə ɗa-ɗa kara təl ji-a to gə ban wa?

Lugu 23:42

Ɗaa n-pa na: Jeju, ar mə-i ole dɔ-m gə logə a təl ɗe gə singamongə ko̰ ɓe lə-i.

Koula 10:42

Be ɓa n-un ndu n-ar-si mba kar j-ila mbərə j-ar dəw mə ɓeje ngaɓa kar j-a pa tar naji to gə ꞌne le ɓa Luba unda gə nje gangə tar dɔ nje gə d-aw kəm gə nje gə d-uy gə.

Koula 17:31

mba n-ɔr ndɔ kara n-unda doy, gə n-a gangə ne tar gə ɗəw gə gadə-gadə dɔ dəwje tɔ̰y gə dɔ nangə gə nee. N-ɔr dəw kara n-unda-a kar ye ɓa a ɗa tar nee le, uy ɓa təl ce mə buwa yo gə kəm kar dəwje ꞌta kag-ɛ.

Romaindjé 2:16

Ye ɓa to ne gə a ce dɔ ndɔ gə go Tar gə May gə m-ila mbər-e ɗəw gə lə Jeju Kirisi le, Luba a gangə ne tar dɔ neje gə dəwje ꞌɗa lo kiya gə.

Colossiendjé 3:4

Logə Kirisi gə to təbə lə-si a kila rɔ-ɛ gə ɗaga ɗaa, təbə lə-sisəy kara a kila sə-a rɔ-ɛ naa gə dan rɔnduba gə.

2 Thessaloniciendjé 2:8

Be ɓa, njeneɗa gə dɔ buguru a kila rɔ-ɛ gə ɗaga ɗaa Mbayɓe Jeju a tɔl-ɛ gə kundu t-ɛ, n-a tuj-e pugudu gə singamongə ndɔ təl gə lə-a.

1 Timoce 5:21

ꞌMa m-dəji-i no Luba gə, no Jeju Kirisi gə nəm gə no anjije gə Luba mbərə-je, mba kar ꞌngom nduje nee le tɔ̰y gə mə-i gə kara, ngaɓa ꞌɗa ne kara ɔr ne kəm dəw ang.

2 Timoce 1:10

Ɓisine ɗaa Luba tɔji mənuji nee le gə ɗaga ɗəw gə lə Njekaji-si Kirisi Jeju. Mba Kirisi Jeju ɗe guru singamongə yo rug-rug cibi ɓa ɗe gə Tar gə May mba kar dəwje d-inga nee təbə gə ɗəw Njil gə a ndum ang, ɗəw Tar gə May gə.

2 Timoce 2:14

Tar gə a kole mə dəwje kəne ɓa to nee: ꞌPa ar-je no gɔl Luba gə mba kar d-əw rɔ-je tar ma̰y gə asə ɗa ne kara ang. Mba tar ma̰y gə baa le tuji dəwje gə njeko-eje gə tuji.

2 Timoce 4:18

M-gərə to gə Mbayɓe a kɔrə-m dan neɗaje gə kṵra̰y gə tɔ̰y ɗaa a kaji-m mba kar-m m-andə mə ɓeko̰ gə lə-a gə dara. May kila riɓar dɔ-ɛ gə gə ɓal-ɓal ja! Oyo!

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

1 Piyɛr 1:7

mba nenaje nee le ja ɓa a tɔji takagə lə-si gə tɔgərɔ, takagə lə-si may unda maa gə to ne gə a tuji ja ngaa d-aw ꞌna gə pər, be ɓa a kingaje ne pidi, gə riɓar ngaɓa d-a ɗɔy-si ne ndɔ gə Jeju Kirisi a kila ne rɔ-ɛ gə ɗaga.

1 Piyɛr 4:5

Be ɓa d-a kɔr-je gəl neje gə əng le no dəw gə isi dɔ gɔl-ɛ gə mba gangə tar dɔ nje d-aw kəm baa gə gə nje gə d-uy gə.

1 Piyɛr 5:4

be ɓa logə njekuul badəmje gə to dəw dɔ rɔ-ɛ le, a ɗe nama a kingaje dɔ gugu rɔnduba gə a tuji ang.

2 Piyɛr 1:11

Be ɓa ɓeko̰ lə Mbayɓe lə-si gə Njekaji-si Jeju Kirisi gə to gə ndɔ gə ndɔ le, d-a kɔr t-ɛ kila bəndəng kar-si.

2 Piyɛr 1:17

mba logə Luba gə Bɔ ɗɔy-e ngaɓa ula rɔnduba dɔ-ɛ gə gə ndu dəw gə ɓar ɓolong dɔ-ɛ gə na: ꞌNe gə nee le, n-to ngon njigi lə-m, n-to ngira rɔləl lə-m.

1 Jean 2:28

Ɗaa nganje, ɓisine ɗaa, umje naa gə sə-a, mba kar dɔ ndɔ gə n-a tɔji rɔ-ɛ gə ɗaga ɗaa j-a ɓəəl ang, ngaɓa rɔ kul a kuwa-si ndɔ təl gə lə-a ang.

Apocalypse 1:7

Oje Jeju ar dɔ kil gə lə nji gə tar aw ɗe. Dəwje tɔ̰y d-a ko-e, nje gə d-ɔsə mbo kar-ɛ gə ninga ꞌmbudu ja kara d-a ko-e gə kəm-je, ngaɓa gəl kuji dəwje tɔ̰y gə dɔ nangə nee d-a no rɔ-je mba tar lə-a. Oyo!