2 Timoce 3:16 - Mbede Lə Luba Kone Gə Sigi

¹⁶ Tarje tɔ̰y gə to mə mbede gə nee le ḭ ta Luba gə ja, nəm ɓa to may mba tɔji, gə mba bɛ̰ ne taje, gə mba siri-je ne ngaɓa gə mba ndo-je mba ɗa ne ne gə gadə-gadə,

Testament ke Siki 1960 (Kabba Laka)

¹⁶ Tar toï ke maketourou té lo Allah, ï ta Allah té ndja, ke to madji mbata tòdjou tar, ke mbata tòdjou madjang lo doou ke daka, ke mbata tél ke doou deoè té, ke mbata ndedji doou deoè té gaté gaté.

2 Timoce 3:16 ပူးပေါင်းရင်းမြစ်များ

Matiye 13:52

Jeju pa ar-je na: Ye ɓa, njekɔr gəl torondu gə ɗa-ɗa gə ndo ne gə ɔji dɔ ɓeko̰ gə dara to to gə njekəy gə ɔr kəm ne gə sigi, gə ne gə ləw mə nekinga gə lə-a be.

Matiye 21:42

Jeju təl pa ar-je na: ꞌTuraje mə mbede gə lə Luba ang ja tɔgərɔ wa? Tar gə na: Ər gə njekunda kəyje ꞌmbadə le Təl to gə ngaw dan-ɛ, ye ja to kil kəy gə To kula ɗa lə Mbayɓe Luba, Ɗaa to ne gə karə kar dəw uwa ne pa̰y ta kəm-je gə ja!

Matiye 22:43

Ɗaa Jeju təl pa ar-je na: Na ban cibi ɓa logə Njil Njerɔsangə ɗusu mə Dabidi ɗaa, ɓar-ɛ Mbayɓe, logə ye pa na:

Matiye 26:54

Tar lə Luba gə ꞌɗa mə mbede le a kaw lo-e gə ang wa? Mba ꞌpa na ne a ɗa ne to to gə be ja ang wa?

Matiye 26:56

Ngaa neje nee tɔ̰y ɗe to gə be mba kar tarje tɔ̰y gə pajambərəje ꞌpa le aw ne lo-e gə yɛrɛrɛ. Be ɓa ngan njenendoje lə-a tɔ̰y ja d-a̰y d-iya̰-a.

Marəke 12:24

Jeju pa ar-je na: O-je gəl ne gə ꞌndəəmje ne le ɓa nee: ꞌGərəje Mbede lə Luba ang nəm, gə singamongə lə Luba ang nəm tɔ.

Marəke 12:36

Dabidi gə darɔ-ɛ ja pa gə ɗəw gə lə Njil Njerɔsangə ɔji dɔ Kirisi na: Mbayɓe Luba pa ar Mbayɓe lə-m: Isi dɔ ji kɔl-m gə, Saar gə mba kar-m m-təl ne njeba̰a̰je lə-i mba kar ꞌnja dɔ-je gə.

Jean 10:35

Be ɓa nje gə ꞌpa tar lə Luba d-ar-je le, ꞌɓar-je Lubaje tɔ. Mbede lə Luba gə nee le, dəw asə tuji ang.

Jean 3:20

Dəw gə nje ɗa ne gə kṵra̰y le njigi lokarə ang gə kɔrɔ ngaɓa n-ɔsə lokarə ngərəng mba dəwje d-a ko neɗaje lə-a gə kṵra̰y le.

Koula 1:16

Ngan ko̰-mje, may kar tar gə mbede pa kede nam le aw lo-e gə: Njil Njerɔsangə pa gə ndu Dabidi ɔji dɔ Judas, mba Judas ja təl to njekɔr no nje gə d-aw d-uwa Jeju.

Koula 18:25

ꞌNe nee le ꞌtɔj-ɛ ɗəw lə Mbayɓe ngaɓa batɛm lə Ja̰ baa n-gərə ngaa kəji lə-a to njang ɗəw Njil gə ar n-ila mbərə ngaɓa n-tɔji ne gə ɔji dɔ Jeju gə dɔ gɔl-ɛ.

Koula 20:20

ꞌGərəje to gə neje tɔ̰y gə a la gə si le m-iya dɔ-ɛ kara ang, m-pa tar-ɛ m-ar-si gə m-tɔji-si kəm dəwje gə nəm ngaɓa mə kəyje gə nəm tɔ,

Koula 20:27

mba m-iya ne kara ang, m-tɔji-si mə njigi lə Luba tɔ̰y.

Koula 28:25

Be ɓa d-aw d-ɔdə gə kəji lə-je gə um naa gə tɔ̰y ang le ɗaa, Pɔl ila tar dɔ mar-ɛ gə na: Tar gə Njil Njerɔsangə pa ar ka-sijee gə ndu Pajambərə Ejay le tɔgərɔ ja, tar gə na:

Romaindjé 15:4

Be ɓa neje gə ꞌɗa mbede gə kede ləw le, ꞌɗa mba tɔji-si ne ne, mba kar ɗəw gə lə kuwa gədərə gə kul-mə gə mbede lə Luba a tɔji-si le, j-a kisi nee gə məkunda.

Romaindjé 2:20

gə nje siri mbəje, njenetɔji lə nganje, mba ɗəw negərə gə tar gə tɔgərɔ gə inga mə torondu gə;

Romaindjé 3:2

To gə ban-ban kara may lə-a to ja tɔ̰y. Mba Jiibije ja ɓa Luba um tar lə-a ji-je gə.

Romaindjé 4:23

Ngaa ɔji dɔ-ɛ ꞌne gə kar-ɛ baa ɓa ꞌɗa ne tar gə nee mə mbede gə ang, tar gə na: Ye gə nee ɓa ꞌtura-a gə dəw gə gadə-gadə,

1 Corinthiendjé 12:7

Be ɓa na-na kara Njil ɗa kula m-e gə mba may lə-si tɔ̰y.

Galatedjé 3:8

Ye gə nee le ɓa, Mbede pa kede to gə Luba a ko dəwje gə ꞌgərə Luba ang gə dəwje gə gadə-gadə gə go ɗəw takagə. Luba pa Tar gə May nee le ar Abəraham kede: Gəl kuji dəwje tɔ̰y gə dɔ nangə nee d-a kinga ndu tɔr ɗəw gə lə-i.

2 Timoce 2:25

N-a ndəji njekunda tarje gə ndu gɔsə gə kul kuji, mba kunda ne m-e to gə ndɔ gə ɗangə nama Luba a kar-je mbəl kəji lə-je, mba gərə ne tar gə tɔgərɔ,

2 Timoce 4:2

Dɔ ndɔ gə may ose may ang kara, ꞌpa tar lə Luba dɔ-i gə kede, ḭ gə je, ꞌndangə-je ɓo ꞌndəji-je gə kore ur, ngaɓa ꞌtɔji-je ne.

Ebərəje 11:1

Takagə to ne gə kəm dəw o ang ja ngaa unda m-e kəne to gə ne le ga̰ tɔgərɔ ja.

Ebərəje 3:7

Gəl-e gə nee ɓa, gə go tar gə Njil Njerɔsangə pa na: To gə ɓo oje ndu-e ɓogəne nama,

Ebərəje 4:12

Mba tar lə Luba le to kəm baa ngaɓa mii, adə unda kiya bayi gə t-ɛ ɓe joo gə adə pəm-pəm; n-andə mə kəm gə kɔrɔgə, n-andə mə njil gə kɔrɔgə, n-asə gangə lokurugo̰je gə kandə dan ubu gə mə singa gə; n-təgə ɓo neje gə tar kəjije gə to mə dəw gə n-um ɗaga.