2 Timoce 3:11 - Mbede Lə Luba Kone Gə Sigi

¹¹ kəm-m gə d-ula ndoo, gə mɛr gə m-o kara o gə kəm-i nəm tɔ. Ne ur ti gə ɗa-m mə ɓe gə Antiyos, gə mə ɓe gə Ikoniyom, gə mə ɓe gə Lisətərə le o ja. D-ula kəm ndoo ya̰ ja ngaa m-uwa gədərə. Ngaɓa Mbayɓe ḭya̰-m kəne ang.

Testament ke Siki 1960 (Kabba Laka)

¹¹ Né singa ke sangem, ongou ke né nya ke oso dom té Antioche té, ke Icone, ke Listre, né singa nya ke mam nwaa ngeng kendé. A Mbaibé Seigneur òroum horodè té toï.

2 Timoce 3:11 ပူးပေါင်းရင်းမြစ်များ

Koula 13:14

D-ḭ mə ɓe Pɛrəjə d-aw gə no-je ꞌce Antiyos, dɔ nangə gə Pisidi. Ndɔ kuwa kɔr ɗaa d-aw d-andə kəy nendo gə d-isi kəne.

Koula 13:45

Ngaa logə Jiibije d-o bula dəwje ɗaa mə ɗa-je ar ꞌtəl pa tar ꞌtila ne kəm tar lə Pɔl ngaɓa ꞌtaji Luba nəm.

Koula 14:8

Mə ɓe gə Lisətərə gə le, dəw kara to njegɔl godo, gə d-uji-e gə njeməndə, gə nja ndɔ kara ang ja, isi nangə.

Koula 20:19

M-ɗa kula lə Mbayɓe gə kula dɔ ngulum, gə man no ngaɓa dan nenaje gə ce dɔ-m gə, gə go njuma kula lə Jiibije.

Koula 23:10

Logə ma̰y tar le aw mongə ya̰ ɗaa, njekun dɔ njeɗɔje gə tɔl-tɔl dɔg le ɓəəl na d-a kḭ tuga Pɔl jag-jag ɗaa un ɗəw ar njeɗɔje mba kar d-ɔr-ɛ horo-je gə ɓo d-aw sə-a mə ndogo bɔrɔ gə.

Koula 26:17

M-ɔrə-i horo dəw mə ɓeje gə horo dəwje gə ꞌgərə Luba ang gə m-a kula-i ɓe lə-je,

Koula 26:22

Ngaa mbɔr dɔ Luba gə ngom-m ɓa saar ɓogəne m-ɗa tar naji lə ne gə Pajambərəje, gə Moyiji ꞌpa tar-ɛ kede to gə a ɗe le, no nganje gə no bubaje gə, lal pa tar gə ɗangə.

Koula 9:16

ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.

Romaindjé 15:31

mba kar-m m-ce ne ta nje məkədərəje gə Jude, ngaɓa kar nekarə baaje gə m-aw Jerujalɛm nee le, njerɔsangəje ꞌta ji-m gə gə maj-ɛ,

2 Corinthiendjé 1:5

Be ɓa, ɗəw kara baa to gə j-o ko̰ ne gə Kirisi ya̰ le, Kirisi kara to gə be ja tɔ ɓa kul mə-sijee gə dɔ mar-ɛ gə dɔ mar-ɛ gə.

2 Corinthiendjé 1:7

Ngaɓa j-uwa ne kunda mə lə-sijee gədərə j-ɔji ne dɔ sisəy mba ja gərə to gə ꞌməsərəje gə oje gə sijee le, ingaje ne nekul mə naa gə kara baa gə sijee tɔ.

2 Corinthiendjé 12:10

Gəl-e gə nee ɓa rɔ-m lələ-m dɔ tɔgə godo gə, dɔ tajije gə, dɔ ndoo neje gə to-m gə, dɔ kula kəm ndoo gə, dɔ nekəmandooje gə gə ɔji dɔ Kirisi, mba logə tɔgə-m godo ja ɓa m-uba singa ɓi.

2 Timoce 4:7

M-ɗɔ ɗɔ gə may, m-ce ɗudu ngɔdə gə lə-m, m-ngom takagə.

2 Piyɛr 2:9

Be ɓa Mbayɓe gərə ɗəw gə a ta ne dəwje gə nje kila kuji dɔ ne gə Luba je ta nena gə ngaɓa ḭya̰ ne njeneɗaje gə kṵra̰y ngina ne ndɔ gangə tar mba bɛ̰ ne ta-je,