2 Timoce 2:3 - Mbede Lə Luba Kone Gə Sigi

³ O sə-m ko̰ ne naa gə to gə njeɗɔ lə Kirisi Jeju gə may.

Testament ke Siki 1960 (Kabba Laka)

³ Ndiki gè ta kinga né ongou ase loi tokou ndjè pourou ke madji lo Christ Jésus.

2 Timoce 2:3 ပူးပေါင်းရင်းမြစ်များ

Koula 23:31

Njeɗɔje le, gə go ɗəw gə d-un d-ar-je le ɗaa, d-un-je Pɔl d-aw sə-a cil gə cil gə ja saar ꞌce sə-a Antipatiris.

1 Corinthiendjé 13:7

n-ḭya̰ go ne tɔ̰y, n-ta kagə ne tɔ̰y, n-unda m-e dɔ ne gə tɔ̰y, n-uwa gədərə dan ne gə tɔ̰y.

1 Corinthiendjé 9:7

Na ja ɓa ɗa kula gə njeɗɔ lal kar d-uga lar ɗɔ lə-a wa? Na ja maa bḭyə̰ ngaɓa usa kand-ɛ ang wa? Na ja uul nekuulje ngaɓa odo rɔ-ɛ gə mba nekuulje ang wa?

2 Corinthiendjé 1:6

To gə ɓo j-o ꞌməsərə nama, j-o ꞌməsərə mba kar uwaje ne gədərə dan ꞌməsərə gə ngaɓa gə mba kar ingaje ne kaji nəm tɔ. To gə ɓo mə-sijee kul nama, ye nee le to gə nekul mə lə-sisəy gə a kar-si singa mba kar uwaje ne gədərə dan ꞌməsərə gə kara baa gə sijee kara j-o tɔ.

1 Timoce 1:18

Ngon-m Timoce, tar ndəji gə m-a pa kar-i ɓa nee, to tar ndəji gə aw ɗəw kara baa gə tar gə pajambərəje pa ɔji dɔ ndo-ɛ gə kede le. Ye ɓa a kula jingaw mə-i gə kar ꞌɗa nee ɗɔ kəm ngon gə jingaw,

2 Timoce 1:1

Pɔl, njeka̰ykula lə Kirisi Jeju, gə go mə njigi lə Luba, mba kila ne mbərə təbə gə ye ja uwa dɔ gɔl-ɛ ɗəw gə lə Kirisi Jeju;

2 Timoce 1:8

Əw rɔ-i ɗa rɔ kul dɔ pa tar naji gə lə Mbayɓe lə-si nəm, ɓa dɔ-m ꞌma gə d-uwa-m d-ila-m kəy kula gə mba tar lə-a nəm tɔ. Ngaa o sə-m məsərə mba Tar gə May gə go singamongə lə Luba.

2 Timoce 2:10

Gəl-e gə ne ɓa m-uwa ne gədərə dan ne gə tɔ̰y mba kar nje gə Luba mbərə-je le d-inga ne kaji gə ḭ rɔ Kirisi Jeju gə, gə riɓar gə a to gə ndɔ gə ndɔ.

2 Timoce 2:9

Mba tar-ɛ ja m-o ne ko̰ saar, tɔ-m ne kula lar to to gə m-to dəw gə ɗa məyɛr be. Ngaa ꞌtɔ Tar lə Luba gə kula lar ang baa.

2 Timoce 3:11

kəm-m gə d-ula ndoo, gə mɛr gə m-o kara o gə kəm-i nəm tɔ. Ne ur ti gə ɗa-m mə ɓe gə Antiyos, gə mə ɓe gə Ikoniyom, gə mə ɓe gə Lisətərə le o ja. D-ula kəm ndoo ya̰ ja ngaa m-uwa gədərə. Ngaɓa Mbayɓe ḭya̰-m kəne ang.

2 Timoce 4:5

Ngaa ꞌi le, unda kəm karə dɔ rɔ-i gə, uwa gədərə dan ꞌməsərə gə, ɓo ɗa kula lə njekila mbərə Tar gə May gə Luba um ji-i gə le gə maj-ɛ.

Pilimo 1:2

j-ar ko̰ nan-si Apiya je gə njebaɗɔ lə sijee Arəsipə, gə Mbo̰ naa lə njetakagəje gə to mə kəy gə lə-i.

Ebərəje 10:32

Ngaa ar-je mə-si ole dɔ dɔngɔr ndɔ gə, logə kəm-si unja le, ɔsəje gəl ɗɔ gə kədərə gə ko ꞌməsərə,

Ebərəje 11:27

Gə go takagə ɓa Moyiji ɓəəl ne wungu lə mbay ang, n-ɔdə ne Ejipətə; mba n-uwa ngəng, to to gə n-o ne gə kəm dəw o ang be.

Ebərəje 6:15

Be ɓa mba Abəraham uwa gədərə le ɗaa, inga ne gə d-uwa dɔ gɔl-ɛ d-ar-ɛ le.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.