2 Timoce 2:24 - Mbede Lə Luba Kone Gə Sigi

²⁴ Be ɓa may kar ngon njekula lə Mbayɓe to njeɓɛlɛ ang, ngaa n-a kul kuji gə dəwje tɔ̰y, ngaɓa n-a kaw gə gusu tɔji ne ngaɓa n-a kore m-e ndəng dɔ-je gə.

Testament ke Siki 1960 (Kabba Laka)

²⁴ Ase kare ngonlokisi lo Mbaibé Seigneur kòl ang, a ta da madji ke dooudjé toï, ndjè ke geré tòdjou tar dooudjé ke mè ke enge ang.

2 Timoce 2:24 ပူးပေါင်းရင်းမြစ်များ

Matiye 12:19

N-a sangə tar ang, n-a pa tar gə ndu-e gə boy ang Ngaɓa dəw a ko ndu-e dan ɗəw booje gə ang.

Jean 6:52

Jiibije ꞌmay tar gə singa-je horo naa gə na: Dəw gə nee a kar-si darɔ-ɛ j-usa to gə ban wa?

Koula 15:2

Ngaa Pɔl je gə Barənabas ꞌnjigi gə je go-e ang ɗaa ꞌma̰y gə je tar ya̰ kəne. Be ɓa d-un ɗəw d-ar Pɔl je gə Barənabas, gə nje gə kɛm horo-je gə kar-je d-aw Jerujalɛm d-aw d-inga njeka̰ykulaje gə ngatɔgəje ɔji dɔ tar gə nee le.

Koula 23:9

D-uru ꞌkuwi to gə boy wu ɗaa njekɔr gəl toronduje gə kɛm gə ꞌto nje kar Parijiyɛ̰je d-uba nangə d-ḭ, ꞌma̰y tar gə singa ꞌpa na: Dəw gə ar nee le ne gə kṵra̰y kara ja kara j-o rɔ-ɛ gə ang, njil ose anji ɓa pa tar ar-ɛ kara dəw gərə ang.

Koula 7:26

Ndɔ gə ɗangə cibi dəwje joo horo nje gə kɛm gə d-aw kunda naa ɗaa n-sangə mba gɔl-je kar ɗɛgɛgɛ to horo-je gə ngaɓa təl n-pa na: Sisəy, ꞌtoje ngan ko̰ naa ngaa mba ɗi ɓa ꞌɗa-je naa məyɛr wa?

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 10:4

Mba ne ɗɔje gə j-aw ɗɔ ne le, ngira-a ḭ darɔ gə ang, ngaa to neɗɔje gə singamong-e ḭ rɔ Luba gə mba tuji ne tɔ̰y gə ila sə-a karəw, sijee ja tuji kəji tarje gə baa pugudu.

2 Corinthiendjé 6:4

Ngaa sijee ja tɔji rɔ-si mə neje tɔ̰y to gə ngan njekulaje lə Luba ɗəw kuwa gədərə gə dan neməko̰je gə, dan nekəmandoo gə, dan neje mongə si kang, dan neje gə ar mə-si gangə man,

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Ephésiendjé 4:2

ulaje dɔ-si ngulum, awje yururu ngaɓa ilaje mə-si dɔ mar-ɛ gə po̰-po̰ tɔ. Oreje ur-si dɔ naa gə gə yo gə nee gə njigi,

Philippiendjé 2:14

ꞌƊaje ne tɔ̰y gə yṵrṵ tar ang nəm, gə ma̰y tar ang nəm,

Philippiendjé 2:3

ɗa-je ne kara kara gə go nər mə ang ose mba riɓar gə baa ang, ngaa gə kula dɔ ngulum, oje nje gə kɛm gə dəwje gə ꞌto ɓəəl unda-si.

Colossiendjé 3:13

Oreje ur-si dɔ naa gə gə yo gə nee, ngaɓa dəw gə ɓo aw gə njemar-ɛ gə tar nama ɔrəje tar dɔ naa gə gə yo gə nee, to to gə Kirisi kara ɔr ne tar dɔ-si gə le, sisəy kara ꞌɗaje gə naa to gə bənəng tɔ.

1 Thessaloniciendjé 2:7

Mba j-a to njeka̰ykulaje lə Kirisi le ɗaa, kəm kar j-a ɗa rɔ-sijee gə dəwje ja to ɓəəl horo-sisəy gə ja, ngaa j-o rɔ-si gə ne ang baa horo-sisəy gə, to to gə ko̰ nganje tɔsə ne kəm-e dɔ ngan-ɛ gə be.

1 Timoce 6:11

ꞋI dəw lə Luba le, may kar a̰y neje nee le. May kar ꞌsangə ne gə gadə-gadə, ɗəw kila kuji dɔ ne gə lə Luba, takagə, njigi, kuwa gədərə ngaɓa gə mə gə kul lom.

Tite 1:1

ꞌMa Pɔl, ngon njekula lə Luba ngaɓa njeka̰ykula lə Jeju Kirisi mba kar takagə lə nje gə Luba mbərə-je may ne pɛdə, ngaɓa ꞌgərə ne tar gə tɔgərɔ gə go kila kuji dɔ ne gə lə Luba.

Tite 1:7

May kar nje ka dɔ njetakagəje le to dəw gə tar uwa dɔ-ɛ ang mba n-nay to gə njengom ne lə Luba, gə n-a to nje ɗa gasəra ang, n-a to njewungu ang, n-a to mbə kodo ang, n-a to nje tɔsə tar ang nəm ɓa, n-a sangə nedɔji gə to ne rɔ kul ang,

Tite 1:9

tar gə tɔgərɔ gə kəm ta ji joo gə ꞌtɔj-ɛ le n-a ngom to gə ngon kəm-e be, to gə be ɓa n-a kasə mba kula ne jingaw mə nje gə kɛm gə gə ɗəw netɔji gə gə dɔ gɔl-ɛ ngaɓa gə mba ndangə ne njema̰y tarje kila-je ne dana.

Tite 3:2

kar d-o̰ dəwje yom-yom ang, gə ꞌto nje tɔsə tarje ang, d-a to njekula nuji naa gə je, d-a kul gə dəwje tɔ̰y gə kul ja yururu.

Jacques 1:1

ꞌMa Jagə, ngon njekula lə Luba, gə Mbayɓe Jeju Kirisi, sisəy gəl kaje gə dɔg gə gir-je gə joo gə ꞌsɛ̰rɛ̰-je naa dɔɓe gə, m-o-si tɔ̰y ɓa!

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

Jacques 4:2

Kəm-si ə̰y dɔ neje gə, ngaa sisəy ingaje ang; ꞌtoje gə nje tɔl dəwje, gə nje ɗa mal neje, ngaɓa mə-si njinga neɗa ingaje ang; ꞌtɔsəje ta naa, gə ꞌɗɔje naa; ngaɓa ingaje ne ang, mba dəjije ang.

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

Jude 1:3

Ngan ko̰-mje gə m-njigi-si ya̰, m-njigi ya̰ mba ɗa mbede kar-si ɔji dɔ kaji gə j-inga-je naa gə le, m-un kəm tim-tim mba ɗa, mba kula nee jingaw mə-si kar ꞌɗaje ɗɔ ɔji dɔ takagə gə d-ar njerɔsangəje gɔl kara baa ja gə dɔbo̰.