2 Timoce 2:21 - Mbede Lə Luba Kone Gə Sigi

²¹ Be ɓa dəw gə sangə rɔ-ɛ gə maj-ɛ, gə ngom rɔ-ɛ dɔ neɗa gə kṵra̰y gə nama a to to gə bay gə a ta kəm nj-ɛ ngaɓa a to ɔji dɔ kula gə gə maj-ɛ tɔ̰y.

Testament ke Siki 1960 (Kabba Laka)

²¹ Tokou ban, tokou doou ngem rè ndja, ke nïya yéh nèn ke wal ang, nè na dé to djo ke wal, nè ntéh daka ndé madji ase koula lo doou ke ndjè kei, nè nase mbata koula ke madji toï.

2 Timoce 2:21 ပူးပေါင်းရင်းမြစ်များ

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

1 Corinthiendjé 5:7

ꞌSangəje rɔ-si dɔ guway kodo gə ləw gə ɓo ꞌtoje ne mbə gə mbɔ̰y to gə sigi, be ɓa guway kodo godo rɔ-si gə; mba Kirisi gə to Pagə lə-sijee le d-un-e gə nepolo.

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

2 Corinthiendjé 9:8

Luba asə kar-si nemayje dang-dang, mba kar ingaje ne ne gə ndɔje tɔ̰y gə a la gə rɔ-si, ngaɓa ye gə nay ji-si gə ya̰ le a kuwaje ne nuji tɔ,

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

1 Timoce 6:11

ꞋI dəw lə Luba le, may kar a̰y neje nee le. May kar ꞌsangə ne gə gadə-gadə, ɗəw kila kuji dɔ ne gə lə Luba, takagə, njigi, kuwa gədərə ngaɓa gə mə gə kul lom.

2 Timoce 2:16

Ɔsə tar gə ɗəgərə gə tarje gə baa rəw gə ɗangə, mba nje pa tar gə ɗəgərəje d-a kila kuji dɔ ne gə lə Luba ang dɔ-je gə kede-kede.

2 Timoce 2:20

Bay maa gə bay lar to mə kəy gə boy gə; ngaa bay kagə gə bay ənji kara to kəne tɔ. Be ɓa bayje gə kɛm ꞌto mba ɗa ne kula ndɔ bula gə ngaɓa nje gə ꞌɗa ne kula ndɔ gə baa gə tɔ.

2 Timoce 3:17

be ɓa mba kar dəw lə Luba a to ne dəw gə ꞌgɔl-ɛ mba ɗa ne kula gə may tɔ̰y.

2 Timoce 4:11

Ɗaa Lugu ja gə kar-ɛ baa ɓa nay sə-m nee. Ndɔ gə a kaw ɗe nama ar Marəke ɗe sə-i naa gə mba n-to ngon njekula gə may.

Tite 3:1

Ole mə njetakagəje tɔ̰y ar-je d-oso kul no njeko̰ dɔ dəwje gə cibi d-ila kuji dɔ njeko̰ ɓeje gə ɓo d-isi pɛrɛrɛ mba ɗa ne kula gə ɗa-ɗa gə may,

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 1:7

mba nenaje nee le ja ɓa a tɔji takagə lə-si gə tɔgərɔ, takagə lə-si may unda maa gə to ne gə a tuji ja ngaa d-aw ꞌna gə pər, be ɓa a kingaje ne pidi, gə riɓar ngaɓa d-a ɗɔy-si ne ndɔ gə Jeju Kirisi a kila ne rɔ-ɛ gə ɗaga.

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.