2 Timoce 2:14 - Mbede Lə Luba Kone Gə Sigi

¹⁴ Tar gə a kole mə dəwje kəne ɓa to nee: ꞌPa ar-je no gɔl Luba gə mba kar d-əw rɔ-je tar ma̰y gə asə ɗa ne kara ang. Mba tar ma̰y gə baa le tuji dəwje gə njeko-eje gə tuji.

Testament ke Siki 1960 (Kabba Laka)

¹⁴ I olè mèdè tar té nèn, ke ndedjidè kem Allah té, dèdè nkòlna mbata tar ang, yèn da madji kada ang, a ntoudjou dooudjé ke wo kòl nèn ba.

2 Timoce 2:14 ပူးပေါင်းရင်းမြစ်များ

Matiye 16:26

To gə dəw inga neje tɔ̰y gə dɔ nangə nee ja, ngaa ila təbə lə-a kɔrɔ le, may lə-a a to ɗi cibi wa? Ose ɗi ja ɓa dəw a kuwa mbəl ne təbə lə-a wa?

Koula 13:10

ngaɓa pa na: ꞋI gə tar kərə gə məngo̰y ɗusu mə-i njḭ, ngon lə ꞌSɛ̰ngərɛ̰, njeba̰a̰ lə neɗa gə gadə-gadə tɔ̰y, kuwa tar gə tɔgərɔ lə Mbayɓe ndṵrḭ le a kunda ngang-ɛ ang gə no ja wa?

Koula 15:24

J-o tar-ɛ to gə dəwje gə kɛm d-ḭ ɓe lə-sijee nee d-aw ꞌpa tar ꞌjɔgə-si ne gə ꞌtuji ne kəji lə-si. Ngaa to dəwje gə j-un ɗəw j-ar-je ang baa.

Romaindjé 14:1

Uwaje njembɔrɛ gə ɗəw takagə gə gə rɔ-si gə maj-ɛ, ꞌpaje sə-a mba kəji lə-a ang.

Galatedjé 1:7

M-pa ɔji ne dɔ Tar gə May gə ɗangə ang ngaa m-pa ɔji dɔ dəwje gə ꞌɗe ꞌjɔgə-si ngaɓa njigi turu dɔ Tar gə May lə Kirisi le gə nangə.

Ephésiendjé 4:17

Tar gə m-pa gə ri Mbayɓe ɗaa m-təl m-pa ɓi le ɓa nee: Sisəy le ɗaa pa nja lə dəwje gə gərə Luba ang le, ꞌnjaje ang ja gə dɔbo̰ ngaa. ꞌJejee le, ꞌnja gə go tar kəji negərə lə-je gə d-aw ne dɔ mbə gə baa.

1 Thessaloniciendjé 4:1

Ɗudu tar ɗaa, ngan ko̰-sijee, ne gə j-a dəji sisəy ngaɓa j-a ndəji sisəy kəne ɗəw gə lə Mbayɓe Jeju ɓa to nee: pa nja gə dəw a nja ɓa mba ta ne kəm Luba le ꞌndoje rɔ-sijee gə, ɗaa njaje pa nj-ɛ nam ngaa, be ɓa may kar-si ꞌnjaje kəne be dɔ-si gə kede ja ɓi.

2 Thessaloniciendjé 3:6

Ngan ko̰-mje, ja dəji-si gə ri Mbayɓe lə-si Jeju Kirisi, kar-si ꞌsaje rɔ-si rɔ ngon ko̰-si gə ɗa-ɗa gə to njedabə, ngaɓa neɗa lə-a to ɓədə gə netɔji gə ja tɔji-si kede.

1 Timoce 1:4

Ulaje ar d-ḭya̰ kɔr suje ose gə tura gəl kuji dəwje mba to ne gə a ɗe gə tar ma̰y ja baa horo-je gə ɓo a kɔsə kudu kula lə Luba gə go ɗəw takagə ang baa.

1 Timoce 1:6

Lo gə nje gə kɛm d-ḭya̰ ɗəw gə nee le ɗaa, d-al d-uru dan ma̰y tar gə baa gə.

1 Timoce 4:8

May kḭya̰ rɔ-i mə ji Luba gə, mba kula rɔ ndubu may ja ngaa, kila kuji dɔ ne gə lə Luba may unda neje tɔ̰y, be ɓa Luba gɔl təbə gə ɓogəne gə ye gə bara ar dəw gə ḭya̰ rɔ-ɛ mə ji-a gə.

1 Timoce 5:21

ꞌMa m-dəji-i no Luba gə, no Jeju Kirisi gə nəm gə no anjije gə Luba mbərə-je, mba kar ꞌngom nduje nee le tɔ̰y gə mə-i gə kara, ngaɓa ꞌɗa ne kara ɔr ne kəm dəw ang.

1 Timoce 6:13

ꞌMa, m-un ndu-m m-ar-i no Luba gə to nje kar neje tɔ̰y, təbə ngaɓa no Jeju Kirisi gə pa tar naji lə-a no Po̰s Pilad gə,

2 Timoce 1:6

Gəl-e gə nee ɓa m-ndəji mba kar-i n-ndol dɔ gusu lə mənuji gə Luba ula mə-i gə go ji-m gə m-ila dɔ-i gə le.

2 Timoce 2:16

Ɔsə tar gə ɗəgərə gə tarje gə baa rəw gə ɗangə, mba nje pa tar gə ɗəgərəje d-a kila kuji dɔ ne gə lə Luba ang dɔ-je gə kede-kede.

2 Timoce 2:23

Ɔsə tar ma̰y mbə rəw gə ɗangə, mba ꞌgərə to gə tar ma̰y mbə ce ɓɛlɛ gə ce.

2 Timoce 4:1

M-ndəji kəm Luba gə kəm Kirisi Jeju gə a gangə tar dɔ nje gə d-aw kəm baa gə nje gə d-uy gə, gə ri ɗe lə-a nəm gə ri ko̰ ɓe lə-a nəm tɔ.

Tite 3:1

Ole mə njetakagəje tɔ̰y ar-je d-oso kul no njeko̰ dɔ dəwje gə cibi d-ila kuji dɔ njeko̰ ɓeje gə ɓo d-isi pɛrɛrɛ mba ɗa ne kula gə ɗa-ɗa gə may,

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

2 Piyɛr 1:13

Ɓo m-aw kəm baa ɓi nama to dɔ gɔl-ɛ ja mba kar m-ole mə-si m-ar-si ꞌcibije ne dɔ rɔ-si gə ang,