2 Timoce 2:12 - Mbede Lə Luba Kone Gə Sigi

¹² To gə ɓo j-uwaje gədərə nama J-a ko̰je sə-a ɓe naa gə tɔ; To gə ɓo j-a mbad-eje nama N-a mbadə si tɔ;

Testament ke Siki 1960 (Kabba Laka)

¹² Tokou djèdjè djwaa ngeng, dja kö béh sa tò. Tokou djèdjè mbetè, nè na mbetédjè tò.

2 Timoce 2:12 ပူးပေါင်းရင်းမြစ်များ

Matiye 10:33

Ngaa dəw gə ɗa-ɗa gə ma̰y tar lə-m no dəwje gə to gə n-gərə-m ang nama, ꞌma kara m-a ma̰y tar lə-a no Bɔ-mje Luba gə dara to gə m-gər-e ang tɔ.

Matiye 26:35

Piyɛr təl ila-a kəne na: Kəm kuy kara kuy ja m-a kuy sə-i ɓo ɗɔg ɓa m-a ma̰y tar mbad-i ne ang. Kɛsə ngan njenendoje tɔ̰y kara ꞌpa to gə be tɔ.

Matiye 26:75

Be ɓa mə Piyɛr ole dɔ tar gə Jeju pa kede ar-ɛ na: Nam ɓa kar kura̰ ila mbərə ɗaa a ma̰y tar gɔl munda na ꞌgərə-m ang. N-ɔsə lo n-ce ɗaga ngaɓa n-no ɓəgəgə-ɓəgəgə.

Marəke 10:33

Oje: J-awje gə Jerujalɛm, ɗaa d-a kila ꞌma gə Ngon lə dəw mə ji buba njekapoloje gə ji njekɔr gəl toronduje gə. D-a gangə tar yo dɔ-m gə, ngaɓa d-a kila-m mə ji dəwje gə ꞌgərə Luba ang gə,

Marəke 8:38

Be ɓa, dəw gə ɗa rɔ kul mba-m ngaɓa gə mba tarje lə-m horo dəwje gə ɓogəne gə ꞌto nje ɓogo lo toje gə njeneɗaje gə kṵra̰y nee le, ꞌma gə Ngon lə dəw kara logə m-a ɗe dan rɔnduba gə lə Bɔ-mje naa gə kara gə anjije gə njerɔsangəje nama, m-a ɗa rɔ kul mba tar lə-a tɔ.

Lugu 12:9

Ngaa dəw gə ma̰y tar lə-m no dəwje gə to gə n-gərə-m ang nama, ꞌma kara m-a ma̰y tar lə-a no anjije gə lə Luba to gə m-gər-e ang tɔ.

Lugu 22:29

Ɗaa ꞌma le, m-uwa dɔ gɔl Ɓeko̰ m-ɔji ne dɔ-si to gə bɔy uwa dɔ gɔl-ɛ ɔji ne dɔ-m ꞌma tɔ.

Lugu 22:30

Be ɓa, a kusaje gə a kayje sə-m naa gə kara baa mə ɓeko̰ gə lə-m, ngaɓa a kisije dɔ ngəndəngje gə mba gangə tar dɔ gəl kuji Ijirayɛlje gə dɔg gə gir-e gə joo.

Lugu 9:26

Mba, dəw gə ɗa rɔ kul mba ꞌma, ngaɓa gə mba tar lə-m nama, logə ꞌMa gə Ngon lə dəw m-a ɗe dan rɔnduba gə lə-m, gə dan rɔnduba gə lə Bɔ dəwje gə ngaɓa gə anjije gə njerɔsangəje ɗaa, m-a kila rɔ kul dɔ-ɛ gə.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Romaindjé 5:17

To gə ɓo mba kal tar lə dəw kara baa ɓa yo o̰ ne ɓe ɗəw gə lə-a, ngaa ɓədə ɓa nje gə d-inga mənuji gə nekarə baa kar gadə-gadə gə al dɔ lo d-a ko̰ ɓe dan təbə gə ɗəw gə lə Jeju Kirisi gə gə kar-e ne wa?

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

Philippiendjé 1:28

ngaɓa njil-si ce njɛ̰ ja kara ɔji dɔ nje kəm tarje lə-si ang. Ye ɓa tɔji tuji lə-je ngaa sisəy ɗaa tɔji kaji gə ingaje, ye gə nee le ḭ rɔ Luba gə,

1 Timoce 5:8

To gə ɓo dəw tɔsə kəm-e dɔ njeka-ɛje ang ose nje gə mə kəy gə lə-a ang nama, nj-ɛ nee le ila takagə lə-a bagir-e gə baa, ngaɓa ɗa ne gə kṵra̰y unda dəw gə gərə Luba ang.

Jude 1:4

Be ɓa, dəwje gə kɛm d-andə horo-si gə go ngə̰y baa, ꞌto dəwje gə ꞌpa tar gangə tar gə uwa dɔ-je ləw baa mə mbede gə. Dəwje gə kṵra̰y gə mbəl mənuji lə Luba lə-si ꞌta ne toro kaya, ngaɓa ꞌmbadə ꞌɓəə-sijee gə kara baa gə Mbayɓe Jeju Kirisi.

Apocalypse 1:6

ngaɓa, n-təl si gə dəwje gə gəl ɓeko̰ gə lə-a, gə njekapoloje lə bɔb-ɛje Luba le, may kar riɓar gə singa ko̰ dɔ ne to k-ɛ saar-saar gə no! Oyo!

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.

Apocalypse 20:4

M-o ngəndəng mbayje, ngaɓa nje gə d-isi dɔ-ɛ gə le d-ar-je ɗəw mba kar gangə ne tar. Cibi m-o kəm nje gə ꞌtuga gɔbə-je gə cina ꞌgangə mba tar naji lə Jeju, gə mba tar lə Luba, ngaɓa nje gə ꞌpolo da kɔr gə njil-e ang, ngaɓa nje gə bəngə ji da, gə njil-e godo ɓida noje gə ji-je gə kara m-oje tɔ. ꞌTəl d-aw kəm baa ngaɓa d-o̰ ɓe gə Kirisi ɓal tɔl-tɔl dɔg lo kara.

Apocalypse 20:6

Nje gə ꞌga̰ horo dəwje gə d-uy ɓa ꞌndol dɔngɔr nee le, ꞌto gə njenokarəje gə njerɔsangəje. ꞌJejee nee le, yo gə njekum gə joo o̰ ɓe dɔ-je gə ang ngaa: Ngaa d-a to njekapoloje lə Luba je gə Kirisi, ngaɓa d-a ko̰ sə-a ɓe ɓal tɔl-tɔl dɔg lo kara tɔ.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.

Apocalypse 3:8

M-gərə kula ɗa-ije. A o, m-ɔr ta ɗəw m-ila tagə no-i gə, dəw kara kara a kasə kudu ang. Singa-i njɛ̰ ja baa ngaa, ꞌngom tar lə-m ngaɓa ꞌma̰y tar dɔ ri-m gə ang tɔ.

Apocalypse 5:10

ꞌTəl-je gə ɓeko̰, ngaɓa gə njekapoloje kar Luba lə-sijee, ɗaa d-a ko̰ ɓe dɔ nangə gə nee.