2 Timoce 1:14 - Mbede Lə Luba Kone Gə Sigi

¹⁴ Ne gə may le ngom gə go singa Njil Njerɔsangə gə to mə-si gə.

Testament ke Siki 1960 (Kabba Laka)

¹⁴ Ngem tar ke tokoro ke dari ta ngem, deo té lo Ndil ke madji toï ke isi mèdjè té.

2 Timoce 1:14 ပူးပေါင်းရင်းမြစ်များ

Lugu 16:11

Ngaa to gə ɓo ꞌtoje ngon kuji dɔ nekinga gə dɔ buguru gə dɔ nangə nee ang nama naa ɓa a kum nekinga gə tɔgərɔ mə ji-si gə wa?

Jean 14:17

Njil tar gə tɔgərɔ gə dəwje gə dɔ nangə gə nee d-a kasə kinga ang, mba d-o-e ang ngaɓa ꞌgər-e ang nəm tɔ. Sisəy ꞌgər-eje mba n-isi gə si gə naa gə, ngaɓa n-a kisi mə-si gə tɔ.

Romaindjé 3:2

To gə ban-ban kara may lə-a to ja tɔ̰y. Mba Jiibije ja ɓa Luba um tar lə-a ji-je gə.

Romaindjé 8:11

Ngaɓa to gə ɓo Njil gə nje ndol Jeju horo nje gə d-uy gə le isi mə-sisəy gə nama, ꞌne gə nje ndol Kirisi Jeju horo nje gə d-uy gə nee le n-a kar darɔ-sisəy gə a kuy le inga təbə ɗəw gə lə Njil-e gə isi mə-sisəy gə le.

Romaindjé 8:13

To gə ɓo awje kəm baa ɗəw darɔ gə nama a kuyje, ngaa to gə ɓo ꞌtujije kula ɗaje lə darɔ pugudu ɗəw Njil gə nama, a kawje kəm baa,

Romaindjé 8:9

Sisəy le ɗaa, darɔ o̰ dɔ-si ang, nga Njil ngaɓa o̰ dɔ-si, to gə ɓo tɔgərɔ ja Njil Luba isi mə-si gə. To gə ɓo dəw gə Njil Kirisi godo m-e gə nama to nje kar Kirisi ang baa.

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

1 Corinthiendjé 9:17

To gə ɓo to kula gə ꞌma ja m-ɗa gə mə njigi lə-m nama kuga-a a ga̰; ngaa ɓo d-uwa-m gə singa nama to kula gə d-um ji-m gə gə kum.

2 Corinthiendjé 5:16

Uma kud-e ɓogəne gə kede əng le, j-a gərə dəw gə ɗəw darɔ gə ang ngaa, to gə ɓo kede ja gərə Kirisi gə ɗəw gə darɔ nama, ɓisine j-a gərə to gə bənəng ang ngaa.

Galatedjé 2:7

Ngaa ꞌjejee d-o to gə Luba ja ɓa um kula kila mbərə Tar gə May horo dəwje gə ꞌgərə Luba ang ji-m gə, to gə n-um ne ji Piyɛr gə ɔji dɔ Jiibije,

Ephésiendjé 2:22

Ɗəw gə lə Jeju le ja tɔ ɓa, sisəy kara, d-unda si ne naa gə kara baa gə kəy mba kar-si ꞌtoje ne gə kəy kisi Luba ɗəw Njil gə tɔ.

Ephésiendjé 5:18

Ayje kodo mbə ang, na a kila-si dan kaya gə. Ngaa ar-je Njil ɓa ta lo mə-si gə ladə-ladə;

Colossiendjé 4:11

Jeju gə ꞌɓar-ɛ Jusətus na m-o-si m-ar ꞌne tɔ. ꞌJejee nee ja gə kar-je baa ꞌto Jiibije gə njetakagə kirisije gə ꞌɗa sə-m kula mba ɓeko̰ lə Luba, ɗaa m-uba ne singa ya̰.

1 Thessaloniciendjé 5:19

Ilaje kagə no Njil gə ang;

1 Timoce 1:11

Nendo nee le to Tar gə May kar riɓar lə Luba, gə kɔsə gaji to dɔ-ɛ gə, Luba um ji-m gə to gə tɔgərɔ.

1 Timoce 6:20

ꞋI Timoce, ngom neje tɔ̰y gə d-um ji-i gə, iya̰ go tar gə baa, gə tar gə aw naa gə gə tar lə Luba ang, gə tar ma̰y kar negərə gə baa.

2 Timoce 1:12

Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.

2 Timoce 2:2

Ngaɓa ne gə o ta-m gə nje tar naj-ɛje bula le, um mə ji dəwje gə gadə-gadə gə, d-a kasə mba tɔji nje gə kɛm tɔ.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,