2 Timoce 1:13 - Mbede Lə Luba Kone Gə Sigi

¹³ Tar gə tɔgərɔ gə o ta-m gə ɗəw takagə gə njigi gə ḭ rɔ Kirisi Jeju gə le, un gə ne kɔji mar-ɛ.

Testament ke Siki 1960 (Kabba Laka)

¹³ Ngem né tòdjou tar ke madji ke i wo tarn té, ke ko mè té ke ndiki ke éh mè Christ Jésus té.

2 Timoce 1:13 ပူးပေါင်းရင်းမြစ်များ

Romaindjé 2:20

gə nje siri mbəje, njenetɔji lə nganje, mba ɗəw negərə gə tar gə tɔgərɔ gə inga mə torondu gə;

Romaindjé 6:17

Ngaa, oyo ar Luba, kede le ꞌtoje ɓərəje lə neɗa gə kṵra̰y ja ngaa ilaje kuji gə dɔ ɓəngərə-si ja tɔ̰y ngaɓa ꞌnjaje ne gə go ji ne gə ꞌtɔji-si le ja tɔ.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Philippiendjé 4:9

Ye gə ꞌndoje, gə ꞌtaje ta-m gə ngaɓa oje gə mbi-si, gə ye gə oje rɔ-m gə le, ꞌɗaje ne kula, ɗaa Luba gə nje ɗɛgɛgɛ a nay gə si.

Colossiendjé 1:4

Logə tar ta gə ꞌtaje kagə Kirisi Jeju ngaɓa njigi gə ꞌnjigije njerɔsangəje tɔ̰y oso mbi-sijee gə,

1 Thessaloniciendjé 5:21

ngaa ꞌtənje neje tɔ̰y so-so ɗaa ɔrəje kəm ꞌye gə may;

1 Timoce 1:10

bula jagədaje, jingawje gə njeto gə naaje gə jeneje gə njeto gə naaje, dəwje gə njeɗabə ɓərəje, njeɗəgərəje, njetuga najije ngaɓa mba dəwje gə ɗa ne gə tila kəm nendo gə tɔgərɔ.

1 Timoce 1:14

Ngaa mənuji lə Mbayɓe lə-si gə ɔji dɔ-m le al dɔ-m, m-ta kag-e ngaɓa m-inga njigi ḭ rɔ Kirisi Jeju gə nəm tɔ.

1 Timoce 6:3

To gə dəw gə ɗa-ɗa ɓa tɔji ne gə dang baa ose nja mə tar gə lə Mbayɓe Jeju Kirisi, ose nja gə go nendo gə ɔji kila kuji dɔ ne gə lə Luba ang nama,

2 Timoce 1:1

Pɔl, njeka̰ykula lə Kirisi Jeju, gə go mə njigi lə Luba, mba kila ne mbərə təbə gə ye ja uwa dɔ gɔl-ɛ ɗəw gə lə Kirisi Jeju;

2 Timoce 1:14

Ne gə may le ngom gə go singa Njil Njerɔsangə gə to mə-si gə.

2 Timoce 2:2

Ngaɓa ne gə o ta-m gə nje tar naj-ɛje bula le, um mə ji dəwje gə gadə-gadə gə, d-a kasə mba tɔji nje gə kɛm tɔ.

2 Timoce 3:14

Be ɓa ꞌi le, ula rɔ-i mbiriri dan ne gə ꞌndo gə unja-i ngadə, ngaɓa ꞌgərə dəw gə nje ndo-i le gə maj-ɛ tɔ.

2 Timoce 4:3

Mba dɔ kar a ɗe gə dəwje d-a njigi ko tar kaji gə tɔgərɔ ang ngaɓa d-a kuwa gədərə ang ngaa gə go ɓo lə-je ja d-a mbo̰ ne njenetɔjije gə a pa tar kərəje gə ləl mbi-je gə,

Tite 1:9

tar gə tɔgərɔ gə kəm ta ji joo gə ꞌtɔj-ɛ le n-a ngom to gə ngon kəm-e be, to gə be ɓa n-a kasə mba kula ne jingaw mə nje gə kɛm gə gə ɗəw netɔji gə gə dɔ gɔl-ɛ ngaɓa gə mba ndangə ne njema̰y tarje kila-je ne dana.

Tite 2:1

ꞌI le ɗaa, may kar ꞌtɔji njetakagəje tar gə tɔgərɔ.

Tite 2:8

tar gə gadə-gadə ɓa ar-ɛ ce ta-i gə, gə dəw a kasə ma̰y ang mba kar rɔ kul uwa ne nje kəm tarje lə-si ngaɓa kar d-inga ne ɗəw kara gə d-a pa ne tar gə kṵra̰y dɔ-si gə ang.

Ebərəje 10:23

J-ar singa-si ɔr ang ɗaa j-a pa tar məkunda lə-si gə ɗaga, mba nje kuwa dɔ gɔl ne le to dəw gə gadə-gadə.

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 4:14

Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

Jude 1:3

Ngan ko̰-mje gə m-njigi-si ya̰, m-njigi ya̰ mba ɗa mbede kar-si ɔji dɔ kaji gə j-inga-je naa gə le, m-un kəm tim-tim mba ɗa, mba kula nee jingaw mə-si kar ꞌɗaje ɗɔ ɔji dɔ takagə gə d-ar njerɔsangəje gɔl kara baa ja gə dɔbo̰.

Apocalypse 2:25

Ne kara baa le, ne gə sisəy ingaje le, uwaje ngangə saar mba kar-m m-ɗe.

Apocalypse 3:11

M-a ɗe ɓisine. Uwa ne gə inga le gaa mba kar dəw kara kara ta dɔ gugu lə-i ang.

Apocalypse 3:3

Ar mə-i ole dɔ ɗəw gə ꞌta ne tar ta-je gə ose dɔ ɗəw gə ꞌtuga mbi-i o ne. ꞌNgom tar gə nee ɓo ꞌturu tar kəji lə-i; to gə ɓo unda kəm karə dɔ rɔ-i gə ang nama, m-a ɗe to gə nje ɓogo be, lal kar ꞌgərə kar gə m-a ɗe kuba-i ne nangə bus.