2 Timoce 1:12 - Mbede Lə Luba Kone Gə Sigi

¹² Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.

Testament ke Siki 1960 (Kabba Laka)

¹² Ke mbata yèn tò, ma minga ongou né nèn ngeng. A ma méh ke ròkoul ang, mbata mam ngeré nè ke mo mem té sa, ke mam ngeré tokoro nè nase ngem né ke mïya marè ta ngem, sar ndò té ke nou.

2 Timoce 1:12 ပူးပေါင်းရင်းမြစ်များ

Matiye 12:21

Ngaɓa gəl kuji dəwje d-a kunda mə-je dɔ ri-a gə.

Matiye 24:36

Tar gə ɔji dɔ ndɔ-ɛ ose dɔ kar-ɛ le dəw kara kara gərə ang nəm, anjije gə dara gərə ang nəm, ɓa ꞌma gə Ngon ja kara m-gərə ang nəm, ngaa Bɔ dəwje ja gə kar-ɛ baa ɓa gərə.

Matiye 7:22

Dɔ ndɔ gangə tar nama dəwje bula d-a pa kar-m na: Mbayɓe, Mbayɓe, j-a pa tar lə Luba gə ri-i ang wa? J-a tɔbə njilje gə kṵra̰y gə ri-i ngaɓa j-a ɗa nemisije dang-dang gə ri-i ang wa?

Lugu 10:12

M-pa m-ar-si: Dɔ ndɔ-ɛ gə əng le, tar gə d-a gangə dɔ ɓe gə nee le a kədərə ya̰ kunda kar ɓe gə Sɔdom.

Lugu 23:46

Jeju ɗa ne gə ndu-e gə boy wəəl na: Bɔy, m-ila njil-m mə ji-i gə. Logə n-pa tar nee n-ila nangə ɗaa, kəm lə-a ce.

Jean 17:15

M-dəji-i mba kar odoje dɔ nangə gə nee gə ɗangə ang, ngaa mba kar ꞌngom-je ta njeməkṵra̰y gə.

Jean 6:44

To gə ɓo Bɔ dəwje gə ula-m ndɔr dəw ɗe sə-a rɔ-m gə ang nama, dəw kara kara asə ɗe rɔ-m gə ang; ɗaa ꞌma, m-a ndol-e dɔ ɗudu ndɔ gə.

Koula 13:46

Ngaa Pɔl je Barənabas ꞌpa təsərə d-ar-je na: Sisəy ja, d-a pa tar lə Luba kar-si dɔngɔr ngaa mba ꞌmbadəje ngaɓa oje to gə asəje kingaje təbə gə gə ndɔ gə ndɔ ang, ɗaa oje: J-a turu kəm-si gə dɔ dəwje gə ꞌgərə Luba ang gə.

Koula 13:50

Ngaa Jiibije ꞌsula jeneje gə ꞌto nembaje lo polo Luba gə gə buba ɓeje d-ar d-ula kəm Pɔl je gə Barənabas ndoo ngaɓa ꞌtɔbə-je dɔ nangə gə lə-je.

Koula 21:13

Be ɓa Pɔl təl ila kəne na: Ɗi ɓa ꞌnoje ne ngaɓa ar-je mə-m gangə ne man wa? Mba ꞌma le m-isi pɛrɛrɛ mba kar ꞌtɔ-m gə tɔ ja baa ang, ngaa mba kuy Jerujalɛm nəm mba ri Mbayɓe Jeju.

Koula 7:59

Logə d-aw ɗɔ Etiyɛn gə kɔr ər ɗaa, dəji Luba na: Mbayɓe Jeju ꞌta njil-im.

Koula 9:16

ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Romaindjé 9:33

to gə ꞌɗa ne mə mbede gə na: Oje, m-ila kɔr ər tuga Siyo̰ gə, gə Jigi kar tuga koso, Ngaa ɓo dəw gə ta kag-ɛ nama rɔ kul a kuwa-a ang.

1 Corinthiendjé 1:8

ꞌNe ja n-a kar-si singa saar ce ne ɗud-e gə mba kar tar uwa ne dɔ-si ang dɔ ndɔ gə lə Mbayɓe lə-sijee Jeju Kirisi.

1 Corinthiendjé 3:13

Mba dɔ ndɔ-ɛ nama kula nee le a to gada, mba d-a ce ne dan pər gə ngaɓa na-na kara d-a gərə ne singa kula lə-a gə d-a na dan pər gə.

Philippiendjé 1:20

gə go ne gə m-aw ngina ngaɓa gə go kunda mə lə-m ɗaa rɔ kul kara kara a kuwa-m ang. Ngaa ɓisine saar gə kede le d-a pidi Kirisi ɗəw gə lə-m gə ɓəəl ang, uji ne kuy lə-m ose kisi gə təbə lə-m;

Philippiendjé 3:10

M-njigi gər-e, ꞌne gə singamongə ce buwa yo gə lə-a ngaɓa ɗa ne sə-a mə kara dɔ ko ꞌməsərəje gə lə-a, ɓa gə mba təl ta ne sə-a naa ɗəw kuy gə lə-a,

Philippiendjé 3:21

gə a mbəl darɔ gə a kuy nee le kar ta naa gə darɔ-ɛ gə a kuy ang gə go singamongə lə-a gə dum ne dɔ neje tɔ̰y.

Philippiendjé 3:8

Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

1 Thessaloniciendjé 2:16

D-ɔgə si ɗəw kar j-a pa tar j-ar dəwje gə ꞌgərə Luba ang d-inga ne kaji ngaɓa ꞌɗaje ne neɗaje gə kṵra̰y lə-je gə kede-kede. Ngaa lo tɔl t-ɛ ɗaa wungu lə Luba ubaje nangə.

1 Thessaloniciendjé 5:4

Ngaa sisəy le ɗaa, ngan ko̰-mje, isije dan londul gə ɓa ndɔ gə nee le a kuba-si nangə bus to to gə nje ɓogo be ang;

1 Timoce 6:20

ꞋI Timoce, ngom neje tɔ̰y gə d-um ji-i gə, iya̰ go tar gə baa, gə tar gə aw naa gə gə tar lə Luba ang, gə tar ma̰y kar negərə gə baa.

2 Timoce 1:14

Ne gə may le ngom gə go singa Njil Njerɔsangə gə to mə-si gə.

2 Timoce 1:16

May kar Luba ɓugu məmay lə-a dɔ njeməkəyje gə lə Onejipɔr, mba taar-taar ja n-aw n-ula jingaw mə-m gə ngaɓa n-ɗa rɔ kul mba-m ɔji kula lar gə ꞌtɔ-m ne ang;

2 Timoce 1:18

May kar Mbayɓe ar-ɛ n-inga məmay lə Luba ndɔ təl gə lə Kirisi Jeju! Məmay gə n-ɗa sə-m mə ɓe gə Epɛs gə al dɔ lo le, dəw gə gərə unda-i kəne kara godo.

2 Timoce 1:8

Əw rɔ-i ɗa rɔ kul dɔ pa tar naji gə lə Mbayɓe lə-si nəm, ɓa dɔ-m ꞌma gə d-uwa-m d-ila-m kəy kula gə mba tar lə-a nəm tɔ. Ngaa o sə-m məsərə mba Tar gə May gə go singamongə lə Luba.

2 Timoce 2:9

Mba tar-ɛ ja m-o ne ko̰ saar, tɔ-m ne kula lar to to gə m-to dəw gə ɗa məyɛr be. Ngaa ꞌtɔ Tar lə Luba gə kula lar ang baa.

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 2:18

Mba n-o ꞌməsərə gə nena le ɗaa ɗəw kara baa ja tɔ n-a kasə mba la gə nje gə nena inga-je tɔ.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

1 Piyɛr 4:16

ɓo n-o ꞌməsərə mba to gə n-to njetakagə Kirisi nama n-ar rɔ kul-e uwa ang ngaa n-ula rɔnduba dɔ Luba gə mba ri gə d-unda dɔ-ɛ gə le.

1 Piyɛr 4:19

Be ɓa, nje gə d-o ꞌməsərə gə go mə njigi lə Luba nama may kar d-ila kəm lə-je mə ji-a ꞌne gə Njekunda-je gə gadə-gadə, ꞌɗa ne may dɔ-je gə kede.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,