2 Timoce 1:10 - Mbede Lə Luba Kone Gə Sigi

¹⁰ Ɓisine ɗaa Luba tɔji mənuji nee le gə ɗaga ɗəw gə lə Njekaji-si Kirisi Jeju. Mba Kirisi Jeju ɗe guru singamongə yo rug-rug cibi ɓa ɗe gə Tar gə May mba kar dəwje d-inga nee təbə gə ɗəw Njil gə a ndum ang, ɗəw Tar gə May gə.

Testament ke Siki 1960 (Kabba Laka)

¹⁰ Ke téh loshénè mbä, deo téh té lo ndjè kadjidjè Christ Jésus, nè ke ntoudjou singa lo yo, ke nare tébe ke né ke toudjou ang ntéh lokarè té deo tar té ke madji.

2 Timoce 1:10 ပူးပေါင်းရင်းမြစ်များ

Lugu 11:36

To gə ɓo darɔ-i to dan lokarə gə, lal kar dəbə rɔ-i to cil ciməri gə nama, darɔ-i a to lokarə gə tɔ̰y to gə ndogo lə lambe uru dɔ-i gə be.

Lugu 13:7

Be ɓa, n-pa n-ar njengəm ndɔ na: As ɓal munda gə m-ɗe mba kunja kandə tungu nee ɗaa kand-e godo. ꞌTunga-a gə ɗangə mba n-ta lo baa ja.

Lugu 2:11

Ɓogəne, mə ɓe gə lə mbay Dabidi, d-uji njekaji-si, ꞌne gə n-to Kirisi, Mbayɓe.

Jean 1:9

Lokarə le to gə lokarə gə tɔgərɔ gə ɗe ndogo dɔ nangə gə nee, mba kar dəw gə ɗa-ɗa kara o ne lo.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 4:42

Ɗaa ꞌpa d-ar jene le na: Mba tar lə-i gə ꞌpa ɓa sijee j-a ta ne kag-ɛ ang baa. Sijee ja j-o tar lə-a gə mbi-si ɗaa j-a gərə to gə n-to njekaji dəwje to gə tɔgərɔ ja.

Jean 5:40

Ɗaa ꞌnjigije mba ɗe rɔ-m gə gə mba kinga təbə ang.

Koula 13:23

Be ɓa gəl kuji gə Dabidi ɓa Luba uwa dɔ gɔl Jeju ar d-uji-e gə njekaji dəwje gə Ijirayɛl.

Koula 5:31

Luba unda-a dɔ ji kɔl-ɛ gə, gə Mbay ngaɓa gə Njekaji dəwje, mba kar Ijirayɛlje ꞌturu ne kəji lə-je ngaɓa gə mba kar tar neɗa gə kṵra̰y ɔr ne dɔ-je gə.

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 3:31

To gə be le se, j-un takagə j-ɔr ne singa torondu ngaa kən wa? Be ang baa, ngaa j-ɔsə kudu torondu gə kɔsə.

Romaindjé 6:6

j-a gərə-je to gə pa nja lə-si gə ləw le ꞌɓər-e sə-a kagə dəsə gə, mba kar darɔ gə neɗa gə kṵra̰y kəne nee le tuji ne ngaɓa mba kar j-a to ne ɓərəje lə neɗa gə kṵra̰y ang ngaa;

1 Corinthiendjé 15:26

Dɔbo̰ njeba̰a̰ gə n-a tuj-e pugudu ja to yo.

1 Corinthiendjé 4:5

Gəl-e gə nee ɓa may kar ꞌgangəje tar ne kede ɓa dɔ kar asə ang, kede no ɗe gə lə Mbayɓe, gə a kila dɔ neje gə d-iya dan cil ciməri gə ngaɓa a kila kəjije gə mə dəwje gə. Be ɓa na-na kara Luba a pid-e.

2 Corinthiendjé 5:4

Logə j-isi mə kəy lo gə to dɔ nangə gə nee le ɗaa, ja suum to gə dəw gə odo nekodo gə wɔy be, tɔgərɔ, sijee ja njigi kuba darɔ-si kḭya̰ ang. Ngaa sijee ja njinga rɔ-si mba kula kubu gə dara dɔ-ɛ gə mba kar təbə mbəl ne ye gə a kuy.

Galatedjé 5:4

Sisəy gə ꞌsangəje mba kar d-o si gə dəwje gadə-gadə ɗəw torondu gə le, horo-si riya dana gə Kirisi, ngaɓa ꞌlalje mənuji.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Ephésiendjé 1:9

ꞌNe ɓa n-ɗa n-ar-sijee j-a gərə ne gə to lo kiya-a gə ɔji dɔ mə njigi lə-a nəm, ne gə m-e ɔji gə n-uwa dɔ gɔl-ɛ ɗəw gə lə Kirisi,

2 Thessaloniciendjé 2:8

Be ɓa, njeneɗa gə dɔ buguru a kila rɔ-ɛ gə ɗaga ɗaa Mbayɓe Jeju a tɔl-ɛ gə kundu t-ɛ, n-a tuj-e pugudu gə singamongə ndɔ təl gə lə-a.

2 Timoce 1:1

Pɔl, njeka̰ykula lə Kirisi Jeju, gə go mə njigi lə Luba, mba kila ne mbərə təbə gə ye ja uwa dɔ gɔl-ɛ ɗəw gə lə Kirisi Jeju;

2 Timoce 1:8

Əw rɔ-i ɗa rɔ kul dɔ pa tar naji gə lə Mbayɓe lə-si nəm, ɓa dɔ-m ꞌma gə d-uwa-m d-ila-m kəy kula gə mba tar lə-a nəm tɔ. Ngaa o sə-m məsərə mba Tar gə May gə go singamongə lə Luba.

2 Timoce 4:1

M-ndəji kəm Luba gə kəm Kirisi Jeju gə a gangə tar dɔ nje gə d-aw kəm baa gə nje gə d-uy gə, gə ri ɗe lə-a nəm gə ri ko̰ ɓe lə-a nəm tɔ.

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Tite 2:11

Mənuji lə Luba gə to gəl kaji lə dəwje tɔ̰y le kila rɔ-ɛ gə ɗaga.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Tite 3:4

Ngaa logə Luba gə njekaji-si kila ɗa may lə-a gə njigi lə-a gə ɗaga ɔji dɔ dəwje tɔ̰y,

Ebərəje 10:32

Ngaa ar-je mə-si ole dɔ dɔngɔr ndɔ gə, logə kəm-si unja le, ɔsəje gəl ɗɔ gə kədərə gə ko ꞌməsərə,

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

2 Piyɛr 1:11

Be ɓa ɓeko̰ lə Mbayɓe lə-si gə Njekaji-si Jeju Kirisi gə to gə ndɔ gə ndɔ le, d-a kɔr t-ɛ kila bəndəng kar-si.

2 Piyɛr 1:3

Ɗəw singamongə gə lə-a ꞌne gə Luba ja ɓa n-ar-si ne ne tɔ̰y gə kar kaw kəm baa ngaɓa kar kila ne kuji dɔ ne gə lə-a, kar j-a gərə ne nje ɓar-si ɗəw rɔnduba gə ɗəw məmay gə lə-a ja.

2 Piyɛr 2:20

Be ɓa to gə d-ɔr rɔ-je mə neje gə mina gə dɔ nangə nee gə go ɗəw gərə gə ꞌgərə Jeju Kirisi gə Mbayɓe lə-si ngaɓa gə Njekaji-si nam, ngaɓa ꞌtəl d-andə kəne to gə sigi d-ar o̰ dɔ-je nama, a to gə je kṵra̰y ya̰ unda ye gə dɔngɔr.

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.

2 Piyɛr 3:2

mba kar mə-si ole ne dɔ tarje gə pajambərəje gə to gə losang-ɛ ꞌpa kede, ngaɓa gə dɔ ndu gə Mbayɓe gə Njekaji-si un ar njeka̰ykulaje lə-si.

1 Jean 1:2

Təbə le tɔji rɔ-ɛ ar j-o, ngaɓa sijee j-a to njetar naj-ɛje, ɗaa j-ila mbərə təbə gə to ndɔ gə ndɔ j-ar-si, ngaɓa təbə nee le ga̰ naa gə kara baa gə Bɔ dəwje, ꞌne gə tɔji rɔ-ɛ gə ɗaga kəm sijee gə.

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

Apocalypse 18:1

Go-e gə ɗaa m-o anji gə ɗangə kara, ḭ dara uru nangə. N-aw gə singamongə ko̰ dɔ ne gə to ɓəəl ya̰ ngaɓa ndogo lə-a ndogo dɔ nangə gə dol-dol tɔ.

Apocalypse 2:7

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Apocalypse 20:14

Yo je gə lo gə jabaw le, ꞌtəbə-je kərəng d-umje dang pər gə. Dangə pər nee le ɓa to gə yo gə njekum gə joo.

Apocalypse 22:14

Nje gə ꞌtogo kubu lə-je le, ꞌto gə njenokarəje mba d-asə kusa kandə kagə təbə, ngaɓa mba kar d-andə mə ɓebo gə ta ɗəw kəyje tɔ.

Apocalypse 22:17

Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.